ତିଗିରିଆ, ୧୮।୯ ତିଗିରିଆ ଥାନା ଅନ୍ତର୍ଗତ ନୂଆସଡକ ଛକରେ ମର୍ମନ୍ତୁଦ ଦୁର୍ଘଟଣା ଘଟିଛି। କାର ଓ ଆଇଚର ମୁହାଁମୁହିଁ ଧକ୍କା ହୋଇ ୪ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ପରିଚୟ ମିଳିପାରିନି। 

ତିଗିରିଆ ଥାନା ଅନ୍ତର୍ଗତ ନୂଆସଡକ ଛକରେ ଆଇଚର ଓ କାର ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଥିଲା।  ଏଥିସହ ୨ ଜଣ ଗୁରୁତର ହୋଇଥିଲେ। ଗୁରୁତର ଦୁଇଜଣଙ୍କୁ ସ୍ଥାନୀୟ ଲୋକେ  ଉଦ୍ଧାର କରି  ଆଠଗଡ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ସେଠାରେ ମଧ୍ୟ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ସ୍ଥାନୀୟ ଲୋକେ ଏବଂ ତିଗିରିଆ ପୁଲିସ ପହଞ୍ଚି ମୃତଦେହ ଗୁଡିକୁ ଉଦ୍ଧାର କରିଛି। ମୃତକମାନଙ୍କ ପରିଚୟ ମିଳି ନ ଥିବା ବେଳେ ସମସ୍ତେ  ନୂଆପାଟଣା ବିନ୍ଧାଣିମା ଅଂଚଳର ବୋଲି ଜଣାପଡିଛି।

ଆହୁରି ପଢନ୍ତୁ : ଓଲଟି ପଡିଲା ଏଲପିଜି ଭର୍ତ୍ତି ଟ୍ରକ୍, ସୁରକ୍ଷିତ ଭାବେ ସିଲିଣ୍ଡର୍ ଗୁଡ଼ିକୁ ସ୍ଥାନାନ୍ତର