କୋଲକାତା : କୋଲକାତାରେ ଏକ ସ୍କୁଲରେ ଦୁଃଖଦ ଘଟଣା ଘଟିଛି। ଜଣେ ଛୋଟ ଶିଶୁର ସନ୍ଦିଗ୍ଧ ସ୍ଥିତିରେ ମୃତ୍ୟୁ ହୋଇଛି। ଏହାକୁ ନେଇ ଏବେ ଅନେକ ପ୍ରଶ୍ନ ଉଠିଛି। ପୁଲିସ ସୂତ୍ରାନୁସାରେ , ଶୁକ୍ରବାର କୋଲକାତାର ଏକ ସ୍କୁଲରେ ଜଣେ ଚାରି ବର୍ଷ ବୟସର ଶିଶୁଙ୍କର ବାନ୍ତି ହେବା ପରେ ତାଙ୍କର ଜୀବନ ଚାଲିଯାଇଛି। 

ନ୍ୟୁଜ୍ ଏଜେନ୍ସିର ରିପୋର୍ଟ ଅନୁସାରେ , ଏହି ଘଟଣା ମୌଲାଲି ଅଞ୍ଚଳର ଏକ ପ୍ରତିଷ୍ଠିତ ସ୍କୁଲରେ ଘଟିଛି। ସଂପୃକ୍ତ ଶିଶୁଙ୍କୁ ବାନ୍ତି ହେବା ପରେ ନୀଲ ରତନ ସରକାରୀ ମେଡିକାଲ କଲେଜ ଓ ହସ୍ପିଟାଲକୁ ନିଆ ଯାଇଥିଲା , ଯେଉଁଠି ତାଙ୍କୁ ମୃତ ଘୋଷିତ କରାଯାଇଛି। 

ଜଣେ ପୁଲିସ ଅଧିକାରୀ କହିଛନ୍ତି ଯେ , ସେହି ଶିଶୁଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ରିପୋର୍ଟ ଆସିବା ପରେ ତାଙ୍କର ମୃତ୍ୟୁର ଅସଲ କାରଣ କଣ ଜାଣିହେବ। କହି ରଖୁଛି କି, କିଛି ମାସ ପୂର୍ବେ ବିହାରର ରାଜଧାନୀ ପାଟନାରେ ମଧ୍ୟ ଏମିତି ହିଁ ମାମଲା ସାମନାକୁ ଆସିଥିଲା।

ପାଟନାର ପ୍ରାଇଭେଟ୍‌ ସ୍କୁଲରେ ୩ ବର୍ଷିୟ ଜଣେ ଶିଶୁଙ୍କର ମୃତଦେହ ମିଳିବା ପରେ ଆତଙ୍କ ଖେଳି ଯାଇଥିଲା। ଏହି ଶିଶୁଙ୍କର ମୃତଦେହ ସ୍କୁଲର ସ୍ୱେରେଜ ଟାଙ୍କି ଭିତରେ ପଡ଼ିଥିଲା। ଏହି ଘଟଣାରେ ଉତ୍ତ୍ୟକ୍ତ ଲୋକେ ରାସ୍ତା ଜାମ କରିବା ସହ ସ୍କୁଲରେ ନିଆଁ ଲଗେଇ ଦେଇଥିଲେ। ପରିବାର ଲୋକେ ସ୍କୁଲ୍ ସଞ୍ଚାଳକଙ୍କ ଉପରେ ହତ୍ୟା ଅଭିଯୋଗ କରିଥିଲେ। 

ସିସିଟିଭି ଭିଡ଼ିଓରୁ ସାମନାରୁ ଆସିଥିଲା ଯେ, ଶିଶୁଜଣଙ୍କ ସ୍କୁଲ ଭିତରକୁ ଯାଇଥିଲେ , କିନ୍ତୁ ବାହାରକୁ ଆଉ ଆସି ନଥିଲେ। ସ୍କୁଲର ଦୁଇ ଜଣ ପିଲା ମାନିଥିଲେ ଯେ ମୃତ ଶିଶୁର ମୃତଦେହକୁ ସ୍କୁଲ୍ ରୁମ୍‌ରେ ହିଁ ସ୍ୱେରେଜରେ ରଖାଯାଇ ଥିଲା। ପୁଲିସ ଶବକୁ ବାହାରକୁ ବାହାର କରିଥିବା ଏବଂ ତିନି ଜଣ ଲୋକଙ୍କ ହେପାଜତକୁ ନେଇଥିଲା।