ନୀଳଗିରି, ୩୦/୫ : ବାଲେଶ୍ଵର ଜିଲ୍ଲା ନୀଳଗିରିକୁ ପଶିଲେ ଝାଡ଼ଖଣ୍ଡୀ ହାତୀପଲ। ଗୁରୁବାର ମୟୂରଭଞ୍ଜ ଜିଲ୍ଲା ନଡ଼ପୁର ଜଙ୍ଗଲ, ସୋନନଦୀ ପାର ହୋଇ ଏହି ହାତୀପଲ ନୀଳଗିରି ଅଞ୍ଚଳକୁ ପ୍ରବେଶ କରିଛନ୍ତି। ହାତୀପଲରେ ୪୬ଟି ହାତୀ ଅଛନ୍ତି। ହାତୀଗୁଡିକ ଗୋପାଳପୁର ସଂରକ୍ଷିତ ଜଙ୍ଗଲରେ ରହିଛନ୍ତି।

ଏବେ ଧାନ ଚାଷ ନଥିବାରୁ ହାତୀପଲ ଗାଁକୁ ପଶି ବ୍ୟାପକ ଉପଦ୍ରଵ କରିବେ ବୋଲି ଜଣାପଡିଛି। ସେପଟେ ହାତୀଙ୍କ ରକ୍ଷା ପାଇବା ପାଇଁ ଲଗାଯାଇଥିବା ସୋଲାର ଫେନ୍ସି ତାର ଛିଣ୍ଡି ତଳେ ପଡିଥିବା ବେଳେ ଟ୍ରେଞ୍ଜ୍ ମଧ୍ୟ ବହୁ ସ୍ଥାନରେ ପୋତି ହୋଇଗଲାଣି। ଏଭଳି ପରିସ୍ଥିତିରେ ହାତୀପଲ ଗାଁକୁ ପଶିବା ଭୟ ରହିଛି। ଘରଦ୍ୱାର ଭାଙ୍ଗିବା ସହ ଧନଜୀବନ ହାନି ଆଶଙ୍କା କରି ଗ୍ରାମବାସୀ ଭୟଭୀତ ହୋଇପଡିଛନ୍ତି। ନୀଳଗିରି ବନବିଭାଗ ଗାଁରେ ସଚେତନ କରୁଥିବା ବେଳେ ଘରେ ହାଣ୍ଡିଆ, ମଦ ରଖିବାକୁ ବାରଣ କରିଛି।