ନୂଆଦିଲ୍ଲୀ ୨୯/୦୧: ଫେବ୍ରୁଆରୀରୁ ଲାଗୁ ହେବାକୁ ଯାଉଛି ୬ ନୂଆ ନିୟମ । ଏହା ସିଧାସଳଖ ଲୋକଙ୍କ ଦୈନଦିନ ଜୀବନକୁ ପ୍ରଭାବିତ କରିବ । ଏହାକୁ ଦେଖିଲେ କିଛି ଜରୁରୀ କାମ ଚଳିତ ମାସ ଶେଷ ସୁଦ୍ଧା ସାରିବାକୁ ହେବ । ପରିବର୍ତ୍ତନ ହେବାକୁ ଥିବା ନିୟମ ମଧ୍ୟରେ ଏନ୍ପିଏସ୍ଠାରୁ ଆରମ୍ଭ କରି ଫାଷ୍ଟ୍ୟାଗ ରହିଛି ।
ଏନ୍ପିଏସ୍ ଆଂଶିକ ଉଠାଣ ଏନପିଏସ୍ ପାଣ୍ଠିର ଆଂଶିକ ଉଠାଣ ସମ୍ପର୍କରେ ପିଏଫ୍ଆର୍ଡିଏ ନିକଟରେ ଏକ ସର୍କୁଲାର ଜାରି କରିଛି । ନୂଆ ନିୟମ ଫେବ୍ରୁଆରୀ ପହିଲାରୁ ଲାଗୁ ହେବାକୁ ଯାଉଛି । ଏନ୍ପିଏସ୍ ଆକାଉଣ୍ଟଧାରୀ ନିଜର ବ୍ୟକ୍ତିଗତ ପେନସନ ଖାତାରୁ ନିଯୁକ୍ତିଦାତାଙ୍କ ଯୋଗଦାନ ବାବଦ ୨୫% ଉଠାଣ କରିପାରିବେ । ଉଠାଣ ଅନୁରୋଧ ମିଳିବା ପରେ ସରକାରୀ ନୋଡାଲ କାର୍ଯ୍ୟାଳୟ ପ୍ରକ୍ରିୟା ତ୍ୱରାନ୍ୱିତ କରିବ । ଯାଞ୍ଚ ପରେ ଆଂଶିକ ଉଠାଣ ପ୍ରୋସେସ୍ ହୋଇପାରିବ । ଆଇଏମ୍ପିଏସ୍ ଫେବ୍ରୁଆରୀ ପହିଲାରୁ ବିନା କୌଣସି ହିତାଧିକାରୀଙ୍କ ନାମ ଯୋଡି ବ୍ୟାଙ୍କ ଆକାଉଣ୍ଟରୁ ୫ ଲକ୍ଷ ଟଙ୍କା ପଠାଇପାରିବେ ଗ୍ରାହକ । ଗତ ବର୍ଷ ଅକ୍ଟୋବର ୩୧ରେ ଏନ୍ପିସିଆଇ ଏ ସମ୍ପର୍କିତ ସର୍କୁଲାର ଜାରି କରିଥିଲା । ହିତାଧିକାରୀଙ୍କ ଫୋନ ନମ୍ବର ଏବଂ ବ୍ୟାଙ୍କ ଆକାଉଣ୍ଟ ଦେଇ ଟଙ୍କା ପଠାଯାଇପାରିବ ।
ଏସ୍ବିଆଇ ହୋମ୍ ଲୋନ ଏସ୍ବିଆଇ ସ୍ୱତନ୍ତ୍ର ବାସଗୃହ ଋଣ ଅଭିଯାନ ଚଳାଇଛି । ଏଥିରେ ବ୍ୟାଙ୍କର ଗ୍ରାହକ ବାସଗୃହ ଋଣ ଉପରେ ୬୫ ବେସିସ୍ ପଏଣ୍ଟ ପର୍ଯ୍ୟନ୍ତ ରିହାତି ପାଇପାରିବେ । ପ୍ରୋସେସିଂ ଦେୟ ଏବଂ ଘର ଋଣ ରିହାତି ପାଇବା ଶେଷ ତାରିଖ ଚଳିତ ମାସ ୩୧ ରହିଛି । ଏହି ରିହାତି ସବୁ ବର୍ଗର ବାସଗୃହ ଋଣ ପାଇଁ ପ୍ରଯୁଯ୍ୟ । ପଞ୍ଜାବ ଆଣ୍ଡ୍ ସିନ୍ଧ୍ ବ୍ୟାଙ୍କ ଏଫ୍ଡି ପଞ୍ଜାବ ଆଣ୍ଡ୍ ସିନ୍ଧ୍ ବ୍ୟାଙ୍କ ଗ୍ରାହକ ଧନଲକ୍ଷ୍ମୀ ୪୪୪ ଦିନ ଏଫ୍ଡି ସୁବିଧାର ଫାଇଦା ୨୦୨୪ ୩୧ ଜାନୁଆରୀ ଯାଏ ଉଠାଇପାରିବେ । ଫାଷ୍ଟ୍ୟାଗ କେୱାଇସି ୩୧ ଜାନୁଆରୀ ସୁଦ୍ଧା ଫାଷ୍ଟ୍ୟାଗ କେୱାଇସି ଅପଡେଟ୍ କରାଇନେବା ଜରୁରୀ । ଏହା ନ କଲେ ଫେବ୍ରୁଆରୀ ପହିଲାରୁ ଫାଷ୍ଟ୍ୟାଗ ବ୍ଲାକଲିଷ୍ଟ କିମ୍ବା ବ୍ୟାନ ହୋଇଯିବ ।
