ଦିବ୍ରୁଗଡ଼, ୧୧/୦୯: ବିଳମ୍ବିତ ରାତିରେ ଭୟଙ୍କର ଦୁର୍ଘଟଣା ଘଟିଛି । ଆସାମର ଦିବ୍ରୁଗଡ଼ରେ ହୋଇଥିବା ମର୍ମନ୍ତୁଦ ସଡ଼କ ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହୋଇଛି । ସମସ୍ତ ମୃତକ ଗୋଟିଏ ପରିବାରର ବୋଲି ଜଣାପଡ଼ିଛି । ପୋଲିସର କହିବା ଅନୁସାରେ, କାର ଓ ଟ୍ରକ୍ ମୁହାଁମୁହିଁ ଧକ୍କା ହେବା ଫଳରେ ୭ ଜଣ ପ୍ରାଣ ହରାଇଛନ୍ତି । ଏକ ଟୟୋଟାରେ ଗୋଟିଏ ପରିବାରର ୭ ଜଣ ଥିଲେ ।
କାରଟିରେ ହରିୟାଣାର ନମ୍ବଲ ପ୍ଲେଟ୍ ଲାଗିଛି । ଦୁର୍ଘଟଣା ଫଟୋ ଦେଖିଲେ ହିଁ ଜଣାପଡ଼ୁଛି ଏହି ଦୁର୍ଘଟଣା କେତେ ଭୟଙ୍କର ଥିଲା । ଦୁର୍ଘଟଣାରେ କାରଟି ସମ୍ପୂର୍ଣ୍ଣ ଭାବେ ଚେପା ହୋଇ ଯାଇଛି । ପୋଲିସ ଅନୁସାରେ, ଦୁର୍ଘଟଣାର ଶିକାର ହୋଇଥିବା ଲୋକ ଗୌହାଟିରେ ରୁହନ୍ତି । ଆହତଙ୍କୁ ଦିବ୍ରୁଗଡ଼ର ମେଡିକାଲରେ ଭର୍ତ୍ତି କରାଯାଇଛି ।
ଆସନ୍ତା ୧୦ ଦିନରେ ରାଜ୍ୟରେ ଦୁଇଟି ଲଘୁଚାପ ସମ୍ଭାବନା, ୧୨ରୁ ବଢ଼ିବ ବର୍ଷା
ତେବେ ସ୍ଥାନୀୟ ଲୋକଙ୍କ କହିବା ଅନୁସାରେ, କାରଟି ଦ୍ରୁତଗତିରେ ଯାଉଥିଲା । କାର ଓ ଟ୍ରକ୍ ଟକ୍କର ଯୋଗୁଁ ୭ ଜଣଙ୍କ ମୃତ୍ୟୁ ହୋଇଛି । ଏହି ରାସ୍ତାରେ ଅଧିକ ବେଗ ପାଇଁ ବିଭିନ୍ନ ସମୟରେ ଏଭଳି ଦୁର୍ଘଟଣା ଘଟୁଥିବା କହିଛନ୍ତି ସ୍ଥାନୀୟ ବାସିନ୍ଦା ।
ଜି-୨୦ ସମ୍ମିଳନୀର ସଫଳତା ପାଇଁ ମୋଦିଙ୍କୁ ପ୍ରଶଂସା କଲେ ଶାହାରୁଖ, ଟ୍ୱିଟ୍ କରି ଲେଖିଲେ ଏମିତି କିଛି
