ଭୁବନେଶ୍ଵର, ୧୦/୧୧ : ରାଜ୍ୟରେ ଶୀତ ଲହରୀ ଜାରି ରହିଛି। ରାତି ତାପମାତ୍ରା କମୁଛି। ଶୀତର ପ୍ରକୋପ ବଢୁଛି। ରାଜ୍ୟରେ ୧୫ ଡିଗ୍ରୀ ତଳେ ୭ ସହରର ରାତି ତାପମାତ୍ରା ରହିଛି। ଶୀତ ବଢିବା ଯୋଗୁଁ ଶୀତ ବସ୍ତ୍ର ବିନା ଘରୁ ବାହାରକୁ ବାହାରିବା ମୁସ୍କିଲ ହୋଇପଡୁଛି। ସକାଳୁ ସକାଳୁ ପାର୍କରେ ଭିଡ଼ ଜମୁଛି। ଲୋକମାନେ ବ୍ୟାୟାମ କରୁଛନ୍ତି। ସେହିପରି ଚା ଖଟିରେ ମଧ୍ୟ ସକାଳେ ସନ୍ଧ୍ୟାରେ ଭିଡ଼ ଜମୁଛି।
ପ୍ରଦୂଷିତ ବାୟୁ ବଳୟରେ କଟକ, ଆଗକୁ ଉପୁଜିପାରେ ସଙ୍ଗିନ୍ ସ୍ଥିତି
ସୂଚନାନୁଯାୟୀ, କନ୍ଧମାଳ ଜିଲ୍ଲାର ଜି.ଉଦୟଗିରିରେ ରାତ୍ରି ତାପମାତ୍ରା ସର୍ବନିମ୍ନ ୧୦.୫ ଡ଼ିଗ୍ରୀ ରେକର୍ଡ ହୋଇଛି। ସେହିପରି ସେମିଳିଗୁଡାରେ ୧୧.୧ ଡିଗ୍ରୀ, କୋରାପୁଟରେ ୧୧.୬ ଡିଗ୍ରୀ, କେନ୍ଦୁଝରରେ ୧୨.୮ ଡିଗ୍ରୀ, ଫୁଲବାଣୀରେ ୧୩ ଡିଗ୍ରୀ, ଦାରିଙ୍ଗବାଡିରେ ୧୩ ଡିଗ୍ରୀ, କିରେଇରେ ୧୩.୭ ଡିଗ୍ରୀ, ଭବାନୀପାଟଣାରେ ୧୫ ଡିଗ୍ରୀ, ନବରଙ୍ଗପୁରରେ ୧୫ ଡିଗ୍ରୀ ରେକର୍ଡ ହୋଇଛି।
