ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ଚାଲାଣ ପାଇଁ ବସକୁ ଅପେକ୍ଷା କରିଥିବାବେଳେ ମାଡ଼ି ବସିଲା ଅବକାରୀ ବିଭାଗ : ୭୧କିଲୋ ଗଞ୍ଜେଇ ଜବତ, ଗାଁ ସାଥି ଗିରଫ

ଫିରିଙ୍ଗିଆ,୨୮/୪ : ନିର୍ବାଚନକୁ ଆଖି ଆଗରେ ରଖି ଜିଲ୍ଲାପାଳ କନ୍ଧମାଳ ଓ ଆରକ୍ଷୀ ଅଧିକ୍ଷକ କନ୍ଧମାଳଙ୍କ ନିର୍ଦେଶ କ୍ରମେ ବର୍ତ୍ତମାନ କିଛିଦିନ ହେଲା ପୋଲିସ ଓ ଅବକାରୀ ବିଭାଗ ବିଭିନ୍ନ ଜାଗାରେ ଚଢଉ ଜାରି ରଖିଛି । ଏହି ଗଞ୍ଜେଇ ଓ ମଦ କାରବାରରେ ସମ୍ପୃକ୍ତ ଥିବାବ୍ୟକ୍ତି ମାନଙ୍କୁ ଗିରଫ କରି କୋର୍ଟ ଚାଲାଣ କରୁଛନ୍ତି I ତେବେ ଏହି ପରିପେକ୍ଷୀରେ ରବିବାର ସକାଳୁ କନ୍ଧମାଳ ଜିଲ୍ଲା ଫୁଲବାଣୀ ସଦର ଅବକାରୀ ବିଭାଗ ପକ୍ଷରୁ ଫିରିଙ୍ଗିଆ ବ୍ଲକ ଡିଣ୍ଡିରାଗାଁ ପଞ୍ଚାୟତ ନିକଟସ୍ଥ ରାସ୍ତାରେ ଚଢ଼ଉ କରାଯାଇଛି । ଏହି ଚଢଉରେ ଦୁଇଟି ବସ୍ତାରେ ରଖାଯାଇଥିବା ୭୧କିଲୋ ଗଞ୍ଜେଇକୁ ଜବତ କରିବା ସହ ଏହି ଘଟଣାରେ ଜଣେ କାର୍ଯ୍ୟରତ ଗାଁ ସାଥି ବା ମେଟକୁ ଗିରଫ କରିବାରେ ସଫଳ ହୋଇଛନ୍ତି I ତେବେ ଅବକାରୀ ବିଭାଗର ସୂଚନା ଅନୁସାରେ କୌଣସି ସୂତ୍ରରୁ ଖବରପାଇ ଜିଲ୍ଲା ଅବକାରୀ ଅଧିକ୍ଷକଙ୍କ ନିର୍ଦେଶ କ୍ରମେ ସଦର ସାଗର ଭୋଇଙ୍କ ନେତୃତ୍ୱରେ ଏକ ଟିମ ଫିରିଙ୍ଗିଆ ବ୍ଲକ ଡିଣ୍ଡିରାଗାଁ ପଞ୍ଚାୟତର ଫିରିଙ୍ଗିଆଠାରୁ ପାଲେଣ୍ଡି ଗାଁକୁ ଯାଇଥିବା ଛକରେ ଜଣେ ବ୍ୟକ୍ତି ୪ଟି ବସ୍ତା ଧରି ଛିଡା ହୋଇ ବସକୁ ଅପେକ୍ଷା କରିଥିବା ବେଳେ ଅବକାରୀ ବିଭାଗ କର୍ମଚାରୀ ମାନେ ମାଡି ବସି ଥିଲେ I 

ପରେ ବସ୍ତାକୁ ଯାଞ୍ଚ କରିବା ସମୟରେ ସେଥିରୁ ୭୧କିଲୋ ଗଞ୍ଜେଇ ବାହାରିଥିବାବେଳେ ଏହି ଗଞ୍ଜେଇ ଚାଲାଣ ଅଭି ଯୋଗରେ ସମ୍ପୃକ୍ତ ବ୍ୟକ୍ତିଙ୍କୁ ଗିରଫ କରିଥିଲେ I ଅନ୍ୟପଟେ ଗିରଫ ବ୍ୟକ୍ତି ଜଣକ ସେହି ପାଲେଣ୍ଡି ଗାଁର କାମରାଜ କହଁର ବୋଲି ଜଣାପଡିଥିବାବେଳେ ଅଭିଯୁକ୍ତ ଜଣକ ସେହି ଗାଁର ଗାଁ ସାଥି ଭାବେ କାର୍ଯ୍ୟ କରୁଥିବା ଜଣାପଡିଛି I ଅନ୍ୟପଟେ ସମ୍ପୃକ୍ତ ଅଭିଯୁକ୍ତ ଜଣକ ଜଣେ ପେସାଦାର ଗଞ୍ଜେଇ ମାଫିଆ ବୋଲି ଅବକାରୀ ବିଭାଗର ପ୍ରାଥମିକ ତଦନ୍ତରୁ ଜଣାପଡିଛି I ଅନ୍ୟପଟେ ଅଭିଯୁକ୍ତ ଜଣକ ଦୀର୍ଘଦିନ ଧରି ଏହି ଗଞ୍ଜେଇ ଚାଲାଣ କରି ଆସୁଥିବାବେଳେ ସେ ଜଣେ ଗାଁ ସାଥି ହୋଇଥିବାରୁ ପ୍ରଶାସନିକ ଅଧିକାରୀଙ୍କଠାରୁ ଆରମ୍ଭ କରି ପୋଲିସ ଅଧିକାରୀମାନଙ୍କ ପର୍ଯ୍ୟନ୍ତ ଭଲ ସମ୍ପର୍କ ରହିଥିଲା ତେଣୁ ତାଙ୍କୁ କେହି ସନ୍ଦେହ କରୁନଥିଲେ I ତେବେ ଏହି ଘଟଣାରେ ଫୁଲବାଣୀ ସଦର ଅବକାରୀ ବିଭାଗ ତରଫରୁ ଏକ ମାମଲା ରୁଜୁ କରାଯାଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ସଦର ଅବକାରୀ ସାଗର ଭୋଇ I

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.