ଚେନ୍ନାଇ,୯।୫: ତାମିଲନାଡୁର ଶିବକାଶୀରେ ଏକ ବାଣ ତିଆରି ଫ୍ୟାକ୍ଟ୍ରିରେ ବିସ୍ଫୋରଣ ଘଟି ୮ ମୃତ। ପୋଲିସର ସୂଚନା ଅନୁସାରେ, ଦୁର୍ଘଟଣାରେ ବର୍ତ୍ତମାନ ସୁଦ୍ଧା ୧୨ରୁ ଅଧିକ ଆହତ ହୋଇଛନ୍ତି। ଶିବକାଶୀ ନିକଟସ୍ଥ ସେଗାମାଲାପଟ୍ଟି ଗାଁରେ ଶ୍ରୀ ସୁଦର୍ଶନ ଫାୟାରଓ୍ବାର୍କରେ ଏହି ଅଘଟଣ ଘଟିଛି। ଏହି ବାଣ କାରଖାନାରେ ୪୦ ରୁ ଅଧିକ ଓ୍ବାର୍କିଂ ସେଡ୍ ରହିଛି।
ଗୁରୁବାର ମଧ୍ୟାହ୍ନରେ ଯେତେବେଳେ କର୍ମଚାରୀମାନେ ଓ୍ବାର୍କିଂ ସେଡ୍ରେ ବାଣ ତିଆରି କରୁଥିଲେ ସେତେବେଳେ ବିସ୍ଫୋରଣ ହୋଇଥିଲେ। ନିଆଁ ଆଖପାଖର ସେଡ୍ରେ ବ୍ୟାପି ଯାଇଥିଲା। ସୂଚନା ମିଳିବା ପରେ ଅଗ୍ନିଶମ ଓ ଉଦ୍ଧାରକାରୀ ସେବା କର୍ମଚାରୀ ଘଟଣାସ୍ଥଳରେ ପହଁଞ୍ଚି ନିଆଁକୁ ନିୟନ୍ତ୍ରଣରେ ନେଇଥିଲେ।
ଆହତଙ୍କ ଭିତରୁ ଅନେକଙ୍କ ଅବସ୍ଥା ଗୁରୁତର ରହିଛି। ଦୁର୍ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଜାରି ରହିଛି। ସମସ୍ତ ମୃତକ ବାଣ ଫ୍ୟାକ୍ଟ୍ରିରେ କାମ କରୁଥିଲେ। ବିସ୍ଫୋରଣ ପରେ ପୁରା ଫ୍ୟାକ୍ଟ୍ରିରେ ନିଆଁ ଲାଗିଯାଇଥିଲା। ଫାୟାର ବ୍ରିଗେଡ୍ କର୍ମଚାରୀ ତୁରନ୍ତ ଘଟଣାସ୍ଥଳରେ ପହଁଞ୍ଚିଥିଲେ ଓ ନିଆଁ ଲିଭାଇବାରେ ଲାଗିଯାଇଥିଲେ। ନିଆଁ ଲାଗିବାର କାରଣ ଏପଯ୍ୟନ୍ତ ସ୍ପଷ୍ଟ ହୋଇପାରିନି। ଗୁରୁତର ଶ୍ରମିକଙ୍କଚ ଚିକିତ୍ସା ପାଇଁ ନିକଟସ୍ଥଳ ହସ୍ପିଟାଲରେ ଭର୍ତ୍ତି କାରାଯାଇଛି।
