କୃଷ୍ଣପ୍ରସାଦ୧୨/୧୧: ଚିଲିକା ମଝିରେ ଫସିଲା ଯାତ୍ର ବାହୀ ଘାଟ ଡ଼ଙ୍ଗା । ଯାନ୍ତ୍ରିକ ତ୍ରୁଟି ଯୋଗୁଁ ମଏଁସା ଗାଁ ନିକଟରେ ଅଟକି ରହିଛି ଯାତ୍ରୀବାହି ଘାଟ ଡ଼ଙ୍ଗା । ଡଙ୍ଗାରେ ୩୦ରୁ ଅଧିକ ଯାତ୍ରୀ ଏବଂ ୧୦ଟି ବାଇକ ରହିଛି ।ଡ଼ଙ୍ଗା ମେସିନରେ ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକା ମଝିରେ ଫସି ରହିଥିବା ସୂଚନା ମିଳିଛି।

ସୂଚନା ମୁତାବିକ, ଆଜି ସାତପଡ଼ା ଠାରୁ ଯାତ୍ରୀମାନଙ୍କୁ ନେଇ ଜହ୍ନିକୁଦା ଅଭିମୁଖେ ବାହାରି ଥିଲା ଯାତ୍ରୀ ବାହି ଘାଟ ଡ଼ଙ୍ଗା । ମେସିନରେ ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକା ମଝିରେ ଫସି ରହିଥିଲା। ପରେ ମଏଁସା ଗାଁ ନିକଟ ଏକ କୁଦ୍ରେ ଡ଼ଙ୍ଗା ଚାଳକ ଆହୁଲା ମାରି ମାରି ଡ଼ଙ୍ଗାକୁ ଲଗାଇଥିଲା। ପରେ ଆଉ ଏକ ମେସିନ ବଦଳାଇବା ପରେ ଡଙ୍ଗାଟି ପୁଣି ତାର ଗନ୍ତବ୍ୟ ସ୍ଥଳକୁ ଯାତ୍ରା କରିଥିବା ଜଣାପଡିଛି।