ନୂଆଦିଲ୍ଲୀ, ୦୭/୦୯: ହସ୍ପିଟାଲ ବେଡ୍ରେ ଶୋଇଥିଲା ରୋଗୀ । ଚିକିତ୍ସା କରିବାକୁ ଯିବା ବେଳେ ଡାକ୍ତରଙ୍କୁ ଆକ୍ରମଣ କରି ଲହୁଲୁହାଣ କରିପକାଇଲା । ଦିଲ୍ଲୀର ସଫଦର୍ଜଙ୍ଗ ମେଡିକାଲରେ ଏଭଳି ଅଭାବନୀୟ ଘଟଣା ଘଟିଛି । ହାତ ଭାଙ୍ଗିଯାଇଥିବାରୁ ରୋଗୀଙ୍କୁ ହସ୍ପିଟାଲରେ ଆଡମିଟ କରାଯାଇଥିଲା । ପରେ ଡାକ୍ତର ରାହୁଲ କାନେଲା ରୋଗୀଙ୍କୁ ଦେଖିବାକୁ ପହଞ୍ଚିଥିଲେ । ଏପରିକି ରୋଗୀଙ୍କୁ ହାତରେ ଲାଗିଥିବା ସାଲାଇନର ଛୁଞ୍ଚି ବାହାର କରିବାକୁ ନର୍ସଙ୍କ ପାଖକୁ ଯିବାକୁ କହିଥିଲେ । ଏତିକି ବେଳେ ରୋଗୀ ଜଣଙ୍କ ପକେଟରୁ ସ୍କ୍ରୁଡ୍ରାଇଭର ବାହର କରି ଡାକ୍ତରଙ୍କୁ ଆକ୍ରମଣ କରିଥିଲା । ତାସହ ତାଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲା ରୋଗୀ ।
ବୈଜ୍ଞାନିକଙ୍କ ଅଜବ ଦାବି: ମଙ୍ଗଳ ଗ୍ରହରେ ଥିଲେ ଏଲିଅନ୍, ଭୁଲରେ ମାରିଦେଇଛି ନାସା
ଏହି ଘଟଣା ସେପ୍ଟେମ୍ବର ୪ ତାରିଖ ରାତି ପ୍ରାୟ ୧ଟା ବେଳେ ଘଟିଥିଲା । ଡାକ୍ତରଙ୍କୁ ଗାଳିଗୁଲଜ କରିବା ସହ ତାଙ୍କୁ ରୋଗୀ ଜଣଙ୍କ ଆକ୍ରମଣ କରିବା ଘଟଣା ପରେ ପୋଲିସ ମାମଲାର ତଦନ୍ତ କରୁଛି । ସେପଟେ ୨୬ ବର୍ଷୀୟ ଡାକ୍ତର ଗୁରୁତର ହୋଇଥିବା ବେଳେ ଚିକିତ୍ସିତ ହେଉଛନ୍ତି । ତାଙ୍କର ଡାହାଣ ହାତର ଦୁଇଟି ଅଙ୍ଗୁଳିରେ ଗଭୀର ଆଘାତ ଲାଗିଥିବା ଜଣାପଡ଼ିଛି । ଏହା ସହ ଡାକ୍ତର କାନେଲାଙ୍କ ବେକ ଏବଂ ତଳିପେଟରେ ଆଘାତ ମଧ୍ୟ ଲାଗିଛି ।
ତେବେ ରୋଗୀଙ୍କ ଆକ୍ରମଣ ପରେ ଚିତ୍କାର କରିଉଠିଥିଲେ ଡାକ୍ତର କାନେଲ । ଏହା ଶୁଣି ହସ୍ପିଟାଲର ଗାର୍ଡ ଏବଂ ଅନ୍ୟ ଡାକ୍ତରମାନେ ସେହି ଓ୍ବାର୍ଡରେ ପହଞ୍ଚି ତାଙ୍କୁ ଉଦ୍ଧାର କରିଥିଲେ । ରୋଗୀଙ୍କ ବିରୋଧରେ ହସ୍ପିଟାଲ କର୍ତ୍ତୃପକ୍ଷ ଥାନରେ ଅଭିଯୋଗ କରିଥିଲେ । ଏବେ ପୋଲିସ ମାମଲାର ଯାଞ୍ଚ କରୁଛି । ସେପଟେ ଡାକ୍ତର କାନେଲା ମଧ୍ୟ ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।
You can also read: ଡରାଉଛି ନୂଆ ତଥ୍ୟ: ଯୁବପିଢ଼ିଙ୍କୁ ଗ୍ରାସ କରୁଛି କ୍ୟାନ୍ସର, ୩୦ ବର୍ଷରେ ୮୦ ପ୍ରତିଶତ ବୃଦ୍ଧି