ନୂଆଦିଲ୍ଲୀ, ୧୧/୧୧: ଚୀନ୍, ତାଇୱାନକୁ ନିଜର କ୍ଷେତ୍ର କହୁଛି । ଆଉ ତାଇୱାନ ମାମଲାରେ ଅନ୍ୟ କୌଣସି ଦେଶ ମୁଣ୍ଡ ପୂରାଇଲେ ବିବ୍ରତ ହୋଇ ପଡ଼ୁଛି ଡ୍ରାଗନ । ଅନ୍ୟପଟେ ତାଇୱାନ୍ ନିଜକୁ ସ୍ୱାଧୀନ ରାଷ୍ଟ୍ର କହୁଛି । ତାଇୱାନର ନିଜସ୍ୱ ସମ୍ଭିଧାନ ରହିଥିବା ବେଳେ ନିର୍ଦ୍ଧାରିତ ପ୍ରକ୍ରିୟାରେ ନିର୍ବାଚିତ ସରକାର ମଧ୍ୟ ରହିଛି ।
ଆମେରିକା ସହ ଅନ୍ୟ ପାଶ୍ଚାତ୍ୟ ରାଷ୍ଟ୍ର ଲାଗି ତାଇୱାନ୍ ବହୁତ ଗୁରୁତ୍ୱବହନ କରିଛି । ଏହା ପଛରେ ରହିଛି ୨ଟି କାରଣ । ପ୍ରଥମଟି ହେଉଛି ତାଇୱାନର ଭୌଗଳିକ ଅବସ୍ଥିତି । ପ୍ରଶାନ୍ତ ମହାସାଗରରେ ଅନେକ ଦ୍ୱୀପ ରହିଥିବା ବେଳେ ତାଇୱାନ୍ ହେଉଛି ଫାର୍ଷ୍ଟ ଆଇଲାଣ୍ଡ ଚେନ୍ । ଯଦି ଚୀନ୍, ତାଇୱାନ୍ ଉପରେ କବଜା କରିନିଏ ତାହେଲେ ପ୍ରଶାନ୍ତ ମହାସାଗରରେ ଡ୍ରାଗନର ଶକ୍ତି ଆହୁରି ବୃଦ୍ଧି ପାଇବ ।
ସମ୍ଭାବ୍ୟ ଲଘୁଚାପ ଘନୀଭୂତ ହେବ, ୧୫ରୁ ପାଗ ବଦଳିବ: ୧୪ ତାରିଖ ପର୍ଯ୍ୟନ୍ତ ପାଗ ଶୁଖିଲା
ଅନ୍ୟଟି ହେଉଛି ଅର୍ଥ ବ୍ୟବସ୍ଥା । ବିଶ୍ୱ ଅର୍ଥନୀତିରେ ତାଇୱାନର ଗୁରୁତ୍ୱପୂର୍ଣ୍ଣ ଯୋଗଦାନ ରହିଛି । ତାଇୱାନରେ ନିର୍ମାଣ କରାଯାଉଥିବା ଚିପ୍ ଦୁନିଆର ଆବଶ୍ୟକତା ପୂରଣ କରିଥାଏ । ବିଶ୍ୱର ୧୩ଟି ଦେଶ ତାଇୱାନକୁ ସ୍ୱାଧୀନ ରାଷ୍ଟ୍ର ମାନିବା ସହ ସାର୍ବଭୌମତ୍ୱକୁ ସମ୍ମାନ ଦେଇଥାନ୍ତି ।
ନିକଟରେ ଆମେରିକା, ତାଇୱାନକୁ ସୈନ୍ୟ ଅସ୍ତ୍ରଶସ୍ତ୍ର କିଣିବା ଲାଗି ୮ କୋଟି ଡଲାର ସହାୟତା ଦେଇଥିଲା । ଆମେରିକାର ଏଭଳି ନିଷ୍ପତ୍ତିକୁ ବିରୋଧ କରିଥିଲା ଚୀନ୍ । ଡ୍ରାଗନର ବିରୋଧକୁ ଚୀନ୍ ନିନ୍ଦା କରିଥିଲା । ତେବେ ତାଇୱାନକୁ ଆମେରିକା ଦେଇଥିବା ସହାୟତା ରାଶି ଅଧିକ ହୋଇ ନଥିଲେ ବି ଦୁନିଆରେ ଧ୍ୟାନ ଆକର୍ଷଣ ପାଇଁ ଚୀନ ପ୍ରଚେଷ୍ଟା କରିଥିଲା । ଏହା ପୂର୍ବରୁ ଆମେରିକାକୁ ୧୪ ଅରବ ଡଲାର ସୈନ୍ୟ ଅସ୍ତ୍ରଶସ୍ତ୍ର ପାଇଁ ତାଇୱାନ୍ ଅର୍ଡର ଦେଇଥିଲା ।
ଦିନିକିଆ ବିଶ୍ୱକପ୍-୨୦୨୩: ଇଡେନ ଗାର୍ଡେନ୍ସରେ ପାକିସ୍ତାନ- ଇଂଲଣ୍ଡ ଫାଇଟ୍, ସବୁ ଶକ୍ତି ଖଟାଇବ ବାବର ବାହିନୀ
ରିପୋର୍ଟ ଅନୁସାରେ, ତାଇୱାନକୁ ଆମେରିକା ବିନା ସର୍ତ୍ତରେ ଅର୍ଥ ରାଶି ସହାୟତା କରୁଥିବାରୁ ଚୀନ୍ ବିରୋଧ କରୁଛି । ଏହାଛଡ଼ା ଆମେରିକା, ତାଇୱାନକୁ ସ୍ୱାଧୀନ ରାଷ୍ଟ୍ର ଭାବେ ମାନ୍ୟତା ଦେଉଛି । ଏମିତି ବି କୁହାଯାଏ, ତାଇୱାନକୁ ଆମେରିକା ଅସ୍ତ୍ରଶସ୍ତ୍ର ଦେଇ ଚୀନ୍ ବିରୋଧରେ ପ୍ରସ୍ତୁତ କରୁଛି ।
