ପ୍ରମୁଖ ଖବର
  • ବରଗଡ଼ : ଗୋଡଭଗା ରେଳ ଷ୍ଟେସନ ନିକଟରେ ପୁରୁଣା କୋଠାଘର ଭାଙ୍ଗି ଜଣେ ମୃତ, ୩ ଗୁରୁତର
  • ||
  • ବିଜେପିର ମିଶ୍ରଣ ପର୍ବ: ପଦ୍ମ ଧରିଲେ ମୁକୁଦ ସୋଡ଼ି
  • ||
  • ବିଷାକ୍ତ ଖାଦ୍ୟ ଖାଇ ୨୦ରୁ ଅଧିକ ଅସୁସ୍ଥ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||
  • ବିଜେପିରେ ମିଶିଲେ ଜୟଦେବ ବିଧାୟକ ଅରବିନ୍ଦ ଢାଲି, ଗତକାଲି ବିଜେଡିରୁ ଇସ୍ତଫା ଦେଇଥିଲେ
  • ||
  • ବାପାକୁ ପିଟି ପିଟି ହତ୍ୟା! ଅଭିଯୁକ୍ତ ପୁଅ ଫେରାର୍‌
  • ||
  • DRDO କ୍ୟାମ୍ପରେ ଅଘଟଣ, ନିଜକୁ ଗୁଳି କରି ଯବାନଙ୍କ ଆତ୍ମହତ୍ୟା
  • ||
  • ରାଜଧାନୀରୁ ରହସ୍ୟଜନକ ଭାବେ ଡାକ୍ତର, ଇଞ୍ଜିନିୟର ନିଖୋଜ; ରେଳଷ୍ଟେସନ ସିସିଟିଭି ଅଣ୍ଡାଳୁଛି ପୁଲିସ
  • ||
  • ନୂଆଦିଲ୍ଲୀରେ ମୋଦି ସରକାରଙ୍କ ଶେଷ ମନ୍ତ୍ରୀ ପରିଷଦ ବୈଠକ, ରବିବାର ବିଭିନ୍ନ କାର୍ଯ୍ୟପନ୍ଥା ଉପରେ ଆଲୋଚନା
  • ||
  • ମାର୍ଚ୍ଚ ୬ରୁ ହାତୀ ଛୁଆଙ୍କ ପାଠପଢ଼ା ଆରମ୍ଭ, ୪ ଓଡ଼ିଆଙ୍କ ସମେତ ଆସାମରୁ ଆସିଛନ୍ତି ୨ ଦକ୍ଷ ଟ୍ରେନର୍
  • ||
  • WPL 2024: ବିଜୟକୁ ଫେରିଲା ମୁମ୍ବାଇ ଇଣ୍ଡିଆନ୍‌, ଆରସିବିକୁ ୭ ୱିକେଟ୍‌ରେ ହରାଇଲା
  • ||
  • ରବିବାର ୭ ଜିଲ୍ଲାରେ ବର୍ଷା, ଘଡ଼ଘଡ ସମ୍ଭାବନା: ଦିନରେ ତାତି ଆହୁରି ବଢ଼ିପାରେ
  • ||

ପଦ୍ମଶ୍ରୀ ଡି. ପ୍ରକାଶ ରାଓଙ୍କ ଦେହାନ୍ତ ପରେ ଦୁର୍ଦ୍ଦିନରେ ଶିକ୍ଷାନୁଷ୍ଠାନ, ‘ଆଶା ଓ ଆଶ୍ୱାସନା’ରେ ମଧ୍ୟାହ୍ନଭୋଜନ ବନ୍ଦ

କଟକ,୨୬/୦୧: ‘ବାପାଙ୍କ ଫଟୋ ହ୍ୱାଟସ୍‌ଆପ୍‌ ଷ୍ଟାଟସ୍‌ରେ ରଖି ସହାୟତା ମାଗିଲେ କେହି କେହି ସହଯୋଗର ହାତ ବଢ଼ାଉଛନ୍ତି । ନହେଲେ ଶହେରୁ ଅଧିକ ପିଲାଙ୍କୁ ମଧ୍ୟାହ୍ନ ଭୋଜନ ଦେବାକୁ ପ୍ରତିଦିନ ୫ଶହରୁ ଅଧିକ ଟଙ୍କା ହାତରୁ ଖର୍ଚ୍ଚ କରିବାକୁ ପଡୁଛି । ବାରମ୍ବାର ପ୍ରଶାସନ ଓ ସରକାରଙ୍କ ପାଖରେ ମୁଣ୍ଡ ପିଟି ମଧ୍ୟ କେହି ଶୁଣୁନାହାନ୍ତି । ତେଣୁ କଷ୍ଟ ହେଉଥିଲେ ମଧ୍ୟ ବାପାଙ୍କ ଏହି ସ୍ୱପ୍ନର ଶିକ୍ଷାନୁଷ୍ଠାନକୁ ବନ୍ଦ କରିବାକୁ ଇଚ୍ଛା ହେଉନାହିଁ’ । -ସ୍ୱର୍ଗତ ପଦ୍ମଶ୍ରୀ ଡି.ପ୍ରକାଶ  ରାଓଙ୍କ ଝିଅ ଡି.ଭାନୁପ୍ରିୟାଙ୍କ ଏଭଳି ପ୍ରତିକ୍ରିୟା  ପ୍ରଶାସନିକ ସମ୍ବେଦନହୀନତାକୁ ପ୍ରମାଣିତ କରୁଛି । 

୨୦୧୯ ମସିହାରେ ପଦ୍ମଶ୍ରୀରେ ସମ୍ମାନିତ  ବିଶିଷ୍ଟ ସମାଜସେବୀ ଡି.ପ୍ରକାଶ ରାଓ ନିଜେ ସ୍କୁଲ୍‌ ଡ୍ରପ୍‌ ଆଉଟ୍‌ ଥିଲେ । ଚା’ ଦୋକାନ କରି ପରିବାର ପ୍ରତିପୋଷଣ କରିଥିଲେ ମଧ୍ୟ ଶିକ୍ଷାର ମହତ୍ତ୍ୱ ବେଶ୍‌ ଭଲ ଭାବେ ବୁଝିଥିଲେ ସେ । ନିଜ ବସ୍ତିରେ ଆଉ ଯେମିତି କେହି ପିଲା ଶିକ୍ଷାରୁ ବଞ୍ଚିତ ନହୁଅନ୍ତି  ସେଥିପାଇଁ ଆଜିକୁ ୨୨ବର୍ଷ ତଳେ ନିଜ ରହୁଥିବା  ଦୁଇବଖରା ଘରରୁ ଗୋଟିଏ ବଖରାରେ ଆରମ୍ଭ  କରିଥିଲେ ପାଠପଢା । ୪ଜଣ ବସ୍ତି ପିଲାଙ୍କୁ ନେ ଆରମ୍ଭ କରାଯାଇଥିବା ଏହି ଛୋଟ ପାଠଶାଳାର  ନାଁ ଦେଇଥିଲେ ‘ଆଶା ଓ ଆଶ୍ୱସନା’ । ଧିରେ ଧିରେ ପିଲାଙ୍କ ସଂଖ୍ୟା ବଢିବାକୁ ଲାଗିଲା । ଚା’  ଦୋକାନରୁ ଯାହା ଯେମିତି ରୋଜଗାର ହେଉଥିଲା  ସେଥିରୁ ଅଧା ଟଙ୍କା ସ୍କୁଲ୍‌ରେ ପିଲାମାନଙ୍କର  ଖାଇବା, ପିଇବା କ୍ଷେତ୍ରରେ ଖର୍ଚ୍ଚ କରୁଥିଲେ  ପ୍ରକାଶ ରାଓ । ପ୍ରକାଶଙ୍କ ସ୍କୁଲ୍‌ରୁ ୧୦ଜଣ ଛାତ୍ରୀ  ପାଠ ଆରମ୍ଭ କରି ଯୁକ୍ତଦୁଇ ଓ ଯୁକ୍ତ ତିନି  ପାଠ୍ୟକ୍ରମ ଶେଷ କରିବାକୁ ସକ୍ଷମ ହୋଇଛନ୍ତି ।  

ଏବେ ସୁଦ୍ଧା ପ୍ରାୟ ୫ଶହରୁ ଅଧିକ ବସ୍ତି ପିଲା  ‘ଆଶା ଓ ଆଶ୍ୱାସନା’ରୁ ଶିକ୍ଷିତ ହୋଇପାରିଛନ୍ତି ।   ତେବେ ୨୦୨୧ ଜାନୁଆରୀ ୧୪ରେ ପଦ୍ମଶ୍ରୀ  ପ୍ରକାଶ ରାଓଙ୍କ ଦେହାନ୍ତ ହୋଇଥିଲା । ମୃତ୍ୟୁ ପରେ  ତାଙ୍କ ହାତଗଢା ଶିକ୍ଷାନୁଷ୍ଠାନର କୌଣସି ଅସୁବିଧା  ହେବନାହିଁ ବୋଲି ପ୍ରତିଶ୍ରୁତି ଦିଆଯାଇଥିଲା । କିନ୍ତୁ  ଦୁର୍ଭାଗ୍ୟ ପଦ୍ମଶ୍ରୀ ପ୍ରକାଶ ରାଓଙ୍କ ଦେହାନ୍ତ ହେବା  ପରେ ତାଙ୍କ ସ୍କୁଲ୍‌କୁ ପ୍ରଶାସନ ତରଫରୁ ଯୋଗାଇ ଦିଆଯାଉଥିବା ମିଡ୍‌ ଡେ’ ମିଲ୍‌ ବା ମଧ୍ୟାହ୍ନ ଭୋଜନକୁ  ବନ୍ଦ କରିଦିଆଯାଇଛି । ଝିଅ ଭାନୁପ୍ରିୟାଙ୍କ ତରଫରୁ  ବାରମ୍ବାର ଅନୁରୋଧ କରାଯାଇଥିଲେ ମଧ୍ୟ କୌଣସି  ସୁଫଳ ମିଳୁନାହିଁ । 

ଏବେ ସ୍କୁଲ୍‌ରେ ପ୍ରି-ନର୍ସରୀ ଠାରୁ  ପଞ୍ଚମ ଶ୍ରେଣୀ ପର୍ଯ୍ୟନ୍ତ ୧୦୩ ଜଣ ବସ୍ତି ପିଲା ପାଠ  ପଢୁଛନ୍ତି । କିନ୍ତୁ ପ୍ରତ୍ୟେକ ଦିନ ମଧ୍ୟାହ୍ନ ଭୋଜନ ପାଇଁ ସହାୟତା ମାଗିବାକୁ ପଡ଼ୁଛି । ଯଦିଓ ସ୍କୁଲ୍‌ର  ୮ଜଣ ଶିକ୍ଷକଶିକ୍ଷୟିତ୍ରୀଙ୍କ ଦରମା ଏବଂ ଅନ୍ୟାନ୍ୟ  କିଛି ଖର୍ଚ୍ଚ ଏକ ଘରୋଇ ସଂଗଠନ ତୁଲାଇ ଦେଉଛି  କିନ୍ତୁ ମଧ୍ୟାହ୍ନ ଭୋଜନ ବାବଦରେ ମାସିକ ୧୫ହଜାର  ଖର୍ଚ୍ଚ କରିବା କଷ୍ଟଦାୟକ ହେଉଛି । ଏନେଇ ପ୍ରଶାସନ  କିନ୍ତୁ କୌଣସି ପଦକ୍ଷେପ ଗ୍ରହଣ କରୁନାହିଁ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.