ଅଯୋଧ୍ୟା: ଶ୍ରୀରାମଙ୍କ ଜନ୍ମଭୂମି ଅଯୋଧ୍ୟା ନଗରୀ ଆଜି ଝଲସୁଛି । ଶ୍ରୀରାମଙ୍କ ଆଗମନରେ ଅଯୋଧ୍ୟା ନଗରୀ ଏମିତି ସଜେଇ ହୋଇଛି ଯେ ଦେଖିଲେ ଆଶ୍ଚର୍ଯ୍ୟ ଲାଗୁଛି । ଯେଉଁଠି ଦେଖିଲେ କେବଳ ଦୀପ ଜଳୁଛି । ଶହେ କି ଦୁଇ ଶହ ନୁହେଁ ଏକାସାଙ୍ଗରେ ୨୨ ଲକ୍ଷ ୨୩ ହଜାର ଦୀପ ଜଳାଯାଇଛି । ଏଥର ଦୀପ ପାଇଁ ୧୫ ତୋରଣ ଦ୍ୱାର ରହିଛି । ଶନିବାର ଦୀପୋତ୍ସବରେ ୨୨ ଲକ୍ଷ ୨୩ ହଜାର ଦୀପ ଜଳାଯାଇଥିବା ବେଳେ ଆଉ ଏକ ନୂଆ ବିଶ୍ବ ରେକର୍ଡ ସୃଷ୍ଟି ହୋଇଛି ।
ଗତ ବର୍ଷ ୨୦୨୨ରେ ଅଯୋଧ୍ୟାରେ ୧୫.୭୬ ଦୀପ ପ୍ରଜ୍ୱଳିତ ହୋଇଥିଲା । କିନ୍ତୁ ଚଳିତ ବର୍ଷ ଏହାର ସଂଖ୍ୟା ପାଖାପାଖି ୬ ଲକ୍ଷ ୪୭ ହଜାର ବଢିଛି । ଡ୍ରୋନ ସାହାଯ୍ୟରେ କରାଯାଇଥିବା ଦୀପ ଗଣନାରେ ଦୀପୋତ୍ସବ ଏକ ନୂଆ କୀର୍ତ୍ତିମାନ ସ୍ଥାପିନ କରିଛି । ଏହାସହ ଗିନିଜ୍ ବୁକ୍ ଅଫ୍ ଓ୍ୱାର୍ଲ୍ଡ ରେକର୍ଡରେ ସାମିଲ ହୋଇଛି ଅଯୋଧ୍ୟାର ଦୀପୋତ୍ସବ । ଅଯୋଧ୍ୟାର ପ୍ରାଚୀନ ନଗରୀ ପ୍ରତି ଭକ୍ତି ଭାବ ଓ ପ୍ରତିବଦ୍ଧତା ପୁଣି ଥରେ ବିଶ୍ୱ ରେକର୍ଡରେ ସାମିଲ ହୋଇଛି ବୋଲି କହିଛନ୍ତି ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।
ଗିନିଜ୍ ବୁକ୍ ଅଫ୍ ଓ୍ୱାର୍ଲ୍ଡ ରେକର୍ଡ୍ସର ପ୍ରତିନିଧି କହିଛନ୍ତି ଯେ, ଉତ୍ତର ପ୍ରଦେଶ ସରକାରଙ୍କ ଭବ୍ୟ ଦୀପ ମହୋତ୍ସବରେ ଗୋଟିଏ ସ୍ଥାନରେ ଏକ ସମୟରେ ବହୁ ସଂଖ୍ୟକ ଲୋକେ ବସି ଦୀପ ପ୍ରଜ୍ୱଳନ କରିବା ବିଶ୍ୱ ଇତିହାସରେ ବିରଳ । ତେବେ ଏହି ରେକର୍ଡ ପାଇଁ ରାମ ମନୋହର ଲୋହିୟା ଅବଧ ବିଶ୍ୱବିଦ୍ୟାଳୟ ଅଧୀନ ମହାବିଦ୍ୟାଳୟର ଅଧ୍ୟାପକ, ଛାତ୍ରଛାତ୍ରୀ ଓ ସ୍ବେଚ୍ଛାସେବୀ ସଂଗଠନର ବଡ଼ ଭୂମିକା ରହିଛି ।
#WATCH उत्तर प्रदेश: दिवाली की पूर्व संध्या अयोध्या में दीपोत्सव समारोह जारी है।#Diwali pic.twitter.com/MQ6w1PvjOG
— ANI_HindiNews (@AHindinews) November 11, 2023
ତେବେ ଏହି ଦୀପୋତ୍ସବ ସମୟରେ ସମଗ୍ର ଅଯୋଧ୍ୟା ହୋଇଉଠିଛି ରାମ ମୟ । ସବୁଠି ଶୁଭୁଛି ଜୟ ଶ୍ରୀରାମ ନାରା । ଶ୍ରଦ୍ଧାଳୁ ବଡ଼ ଆନନ୍ଦର ସହ ଭାଗବାନ ରାମଙ୍କ ନାମ ଜପ କରିବା ସହ ତାଙ୍କୁ ଅନ୍ତରରେ ସ୍ବାଗତ କରିଛନ୍ତି । ଏହି ଅବସରରେ ଅଯୋଧ୍ୟା ନଗରୀକୁ ପ୍ରାୟ ୨୨ଲକ୍ଷ ୨୩ ହାଜର ଦୀପ ଜାଳି ଆଲୋକିତ କରାଯାଇଛି । ପୁଣି ଅଯୋଧ୍ୟା ଦୀପତ୍ସୋବ ବିଶ୍ବ ରେକର୍ଡରେ ସାମିଲ ହୋଇଥିବା ବେଳେ ପୂର୍ବରୁ ୧୮ ଲକ୍ଷ ୮୧ ହଜାର ଦୀପ ଜଳିବା ଘଟଣା ଗୀନିଜ ବୁକରେ ସ୍ଥାନ ପାଇଥିଲା । ତେବେ ସରଜୁ ନଦୀ କୂଳରେ ଆୟୋଜିତ ଦୀପୋତ୍ସବ ଅବସରରେ ଲେଜର ଶୋ’ ମାଧ୍ୟମରେ ରାମ ଲୀଳାର ପ୍ରଦର୍ଶନ ବେଶ୍ ମନୋରମ ହୋଇଛି ।
