ପ୍ରମୂଖ ଖବର
  • ସୁପର-୮ ମୁକାବିଲା: ବାଂଲାଦେଶକୁ ୫୦ ରନରେ ହରାଇଲା ଭାରତ
  • ||
  • ପରୀକ୍ଷା ହେବାର ଗୋଟିଏ ଦିନ ପୂର୍ବରୁ NEET-PG ଏଣ୍ଟ୍ରାସ୍ ସ୍ଥଗିତ
  • ||
  • ରବିବାରଠୁ ଦୁଇ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଶ୍ରୀବଳଦେବଜିଉ ମନ୍ଦିରରେ କରିବେ ପୂଜାର୍ଚ୍ଚନା
  • ||
  • ଓଟିଇଟି-୨୦୨୪ ପାଇଁ ବିଜ୍ଞପ୍ତି ପ୍ରକାଶ: ଅଗଷ୍ଟ ୯ରେ ପରୀକ୍ଷା, ଜୁନ୍ ୨୪ରୁ ଆବେଦନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍ ସୁପର ୮ ବାଂଲାଦେଶକୁ ଭେଟିବ ଭାରତ, ରୋହିତ, କୋହଲିଙ୍କ ପାଇଁ ସ୍ପିନ୍‌ ପରୀକ୍ଷା
  • ||
  • ରାଜ୍ୟର ୩୦ ଜିଲ୍ଲାକୁ ଛୁଇଁଲା ମୌସୁମୀ: ଆଜି କେନ୍ଦୁଝର, ମୟୂରଭଞ୍ଜରେ ପ୍ରବଳ ବର୍ଷିପାରେ, ୨୭ରେ ଲଘୁଚାପ
  • ||
  • ଦେବସ୍ନାନ ପୂର୍ଣ୍ଣିମା ପାଇଁ ଶ୍ରୀକ୍ଷେତ୍ର​‌ରେ ତ୍ରୀସ୍ତରୀୟ ସୁରକ୍ଷା ବ୍ୟବସ୍ଥା. ୬୮ ଫ୍ଲାଟୁନ୍ ଫୋର୍ସ ମୁତୟନ
  • ||
  • ପୁରୀ: ଆଜି ପବିତ୍ର ସ୍ନାନଯାତ୍ରା , ରତ୍ନସିଂହାନରୁ ସ୍ନାନବେଦୀକୁ ଧାଡି ପହଣ୍ଡିରେ ବିଜେ କରୁଛନ୍ତି ଶ୍ରୀଜିଉ
  • ||

ବିଏମ୍‌ସି କଣ୍ଟ୍ରାକ୍ଟସ୍‌ କମିଟି ବୈଠକ: ୧୦ ପ୍ରକଳ୍ପ ପାଇଁ ୧୪ କୋଟି ମଞ୍ଜୁର, ବୁଲା ଗୋରୁଙ୍କ ପାଇଁ ଲାଗିବ ୧୪୧ ସିସିଟିଭି କ୍ୟାମେରା

ଭୁବନେଶ୍ୱର,୧୭/୦୯: ଭୁବନେଶ୍ୱର ମହାନଗର ନିଗମ (ବିଏମ୍‌ସି) କଣ୍ଟ୍ରାକ୍ଟସ ଷ୍ଟାଣ୍ଡିଂ କମିଟି ବୈଠକ ଶନିବାର ମୁଖ୍ୟାଳୟରେ ଅନୁଷ୍ଠିତ ହୋଇଯାଇଛି । ମେୟର ସୁଲୋଚନା ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ୧୦ ପ୍ରକଳ୍ପକୁ ଅନୁମୋଦନ ମିଳିଛି । ଗୋମଙ୍ଗଳ କେନ୍ଦ୍ରରେ ରହୁଥିବା ବୁଲା ଗୋରୁଙ୍କ ପାଇଁ କ୍ୟାମେରା ଲାଗିବ ବୋଲି ନିଷ୍ପତ୍ତି ହୋଇଛି ।

ୱାର୍ଡ ନମ୍ବର-୪୩ ଅନ୍ତର୍ଗତ ଲକ୍ଷ୍ମୀସାଗର ଫିସେରୀ ଟ୍ୟାଙ୍କ ପାଖରେ ଆରସିସି ବକ୍ସ ସେଲ୍‌ ଡ୍ରେନ ନିର୍ମାଣ, ୩ ନମ୍ବର ୱାର୍ଡ ଅନ୍ତର୍ଗତ ନିଗମ ବିହାର ଛକରୁ ଆଦିତ୍ୟ ଏନ୍‌କ୍ଲେଭ ଦେଇ ପଟିଆ ମଧୁସୂଦନ ଦେବ କଲେଜ ପର୍ଯ୍ୟନ୍ତ ରାସ୍ତାର ସୌନ୍ଦର୍ଯ୍ୟକରଣ, ୪୦ ନମ୍ବର ୱାର୍ଡ ଅନ୍ତର୍ଗତ ୟୁନିଟ୍‌ ୧ର ଏସ୍‌ବିଇଆଇ ସାଇଡ୍‌ କଞ୍ଜରଭେନ୍‌ସି ଲେନ୍‌ରେ ପେଭର ବ୍ଲକ ରାସ୍ତା ନିର୍ମାଣ, ୩୦ ନମ୍ବର ୱାର୍ଡ ଅନ୍ତର୍ଗତ ସହିଦ ନଗର କ୍ଲଷ୍ଟର-୨, କଞ୍ଜରଭେନ୍‌ସି ଲେନ ନଂ ୧୫ରୁ ୩୬ ପର୍ଯନ୍ତ ପେଭର ବ୍ଲକ ରାସ୍ତା ନିର୍ମାଣ, ୩୫ ନମ୍ବର ୱାର୍ଡ ଅନ୍ତର୍ଗତ ୟୁନିଟ-୯ର ସରକାରୀ କ୍ୱାର୍ଟର୍ସ ଥିବା ଲେନ୍‌ ନଂ-୫ରୁ ୯ ପର୍ଯ୍ୟନ୍ତ ପେଭର ବ୍ଲକ ରାସ୍ତା ନିର୍ମାଣ କାମ ରହିଛି ।

ସେହିପରି ୪ ନମ୍ବର ୱାର୍ଡ ଅନ୍ତର୍ଗତ ହରିଦାସପୁର ପୁରୁଣା ଜେନା ଢାବାରୁ ଝାଲିଆଗଡ ଆଡକୁ ରାସ୍ତା ନିର୍ମାଣ, ପୁରୀ ମୁଖ୍ୟ କେନାଲ (ଝାଲିଆଗଡ) ରୁ ୟୁ.ଏନ୍‌ ରଥଙ୍କ ଘର ମହାରଥା ବିଦ୍ୟାପୀଠ ଦେଇ ବାସୁଆ ଛକ ପର୍ଯ୍ୟନ୍ତ ରାସ୍ତା ନିର୍ମାଣ, କମ୍ପୋଷ୍ଟିଂ କେନ୍ଦ୍ରରୁ ବାହାରୁଥିବା ଖତକୁ ରଖିବା ପାଇଁ ଗୋଦାମ ଗୃହ ନିର୍ମାଣ, ୪୦ ନମ୍ବର ୱାର୍ଡ ଅନ୍ତର୍ଗତ ୟୁନିଟ-୩ର ପାର୍କ ସାଇଡ କଞ୍ଜରଭେନ୍‌ସି ଲେନ୍‌ରେ ପେଭର ବ୍ଲକ ରାସ୍ତା ନିର୍ମାଣ ପାଇଁ ମିଳିଥିବା ଟେଣ୍ଡର ସମ୍ପର୍କରେ ଆଲୋଚନା ହୋଇଥିଲା । ଏହା ବ୍ୟତୀତ ବିଏମ୍‌ସିର ସମସ୍ତ ଏମ୍‌ସିସି , ଏମ୍‌ଆର୍‌ଏଫ୍‌ ଏବଂ ଭୂଆଶୁଣୀ ବାୟୋ ମାଇନିଂ ସାଇଟରେ ସିସିଟିଭି କ୍ୟାମେରା ଲଗାଇବାକୁ ହୋଇଥିବା ଇ-ଟେଣ୍ଡର ମାଧ୍ୟମରେ ୧୪୧ ଗୋଟି କ୍ୟାମେରା ଲଗାଇବା ପାଇଁ ଟେଣ୍ଡର ଆହ୍ୱାନ କରାଯାଇଥିଲା । ଏଥିରେ ଦୁଇଟି ଘରୋଇ ସଂସ୍ଥା ଅଂଶଗ୍ରହଣ କରିଥିଲେ । ନିଗମର ଅତିରିକ୍ତ କମିଶନରଙ୍କ ଅଧ୍ୟକ୍ଷତାରେ ଗଠିତ କମିଟି ବିସ୍ତୁତ ଭାବେ ଯାଞ୍ଚ କରି ସର୍ବନିମ୍ନ ଟେଣ୍ଡରଦାତାଙ୍କୁ କାର୍ଯ୍ୟାଦେଶ ଦେବା ପାଇଁ ନିଷ୍ପତ୍ତି ନିଆଯାଇଛି। ଏହିସବୁ ପ୍ରକଳ୍ପ ବାବଦରେ ବିଏମ୍‌ସି ୧୪.୭୨ କୋଟି ଟଙ୍କାର ଟେଣ୍ଡରକୁ ସବୁଜ ସଂକେତ ଦେଇଛି ।   

ଶନିବାର ବୈଠକରେ କମିଶନର ବିଜୟ ଅମୃତା କୁଲାଙ୍ଗେ,  ଷ୍ଟାଣ୍ଡିଂ କମିଟିର ଅଧ୍ୟକ୍ଷ ବିରଞ୍ଚିନାରାୟଣ ମହାସୂପକାର, ଭାରତୀ ସିଂ, କେ. ଶାନ୍ତି, ପୁଷ୍ପାଞ୍ଜଳୀ ସେଠୀ, ସିଟି ଇଞ୍ଜିନିୟର ଅରୁଣ କୁମାର ନାୟକ, ଡେପୁଟି କମିଶନର (ଆଇଟି) ଅଶୋକ କୁମାର ଲେଙ୍କା, ରାଜକିଶୋର ଜେନା, ସପନ କୁମାର ନନ୍ଦ ଏବଂ ସିଏଫ୍‌ଓ ଗୋବିନ୍ଦ ଚନ୍ଦ୍ର ନାୟକଙ୍କ ସମେତ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.