ବିଶାଖାପାଟ୍ଟଣମ୍, ୦୯/୦୯: ବନ୍ଧା ହେଲେ ଚନ୍ଦ୍ରବାବୁ ନାଇଡୁ । ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁଙ୍କୁ CID ଗିରଫ କରିଛି । ଦୁର୍ନୀତି ମାମଲାରେ ଶନିବାର ସକାଳୁ ରାଜ୍ୟ ଅପରାଧିକ ଯାଞ୍ଚ ବିଭାଗ (ସିଆଇଡି) ଚନ୍ଦ୍ରବାବୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଗିରଫ କରାଯିବା ପରେ ଚନ୍ଦ୍ରବାବୁଙ୍କ ସ୍ୱାସ୍ଥ୍ୟ ଯାଞ୍ଚ ପାଇଁ ମେଡିକାଲ୍ ନିଆଯାଇଛି । ଏହା ପରେ କୋର୍ଟରେ ହାଜର କରାଯିବ ।

ଚନ୍ଦ୍ରବାବୁ ନାଇଡୁ ଶୁକ୍ରବାର ନନ୍ଦାଲ ଜିଲ୍ଲାର ବନଗନପଲ୍ଲୀରେ ଜନସଭାକୁ ସମ୍ବୋଧିତ କରିଥିଲେ । ଜନସଭାକୁ ସମ୍ବୋଧନ ପରେ ଭ୍ୟାନରେ ବିଶ୍ରାମ ନେଉଥିଲେ ଚନ୍ଦ୍ରବାବୁ । ଶନିବାର ଭୋର୍ ପ୍ରାୟ ୩ଟା ସମୟରେ ଏପି ସିଆଇଡି ନାଇଡୁଙ୍କୁ ଗିରଫ କରିବା ଲାଗି ପହଞ୍ଚିଥିଲା । ତେବେ ଦଳର କାର୍ଯ୍ୟକର୍ତ୍ତା ଓ ନେତା, ସିଆଇଡିକୁ ଘେରି ଯାଇ ଗିରଫ କରିବାକୁ ଦେଇ ନଥିଲେ ।

ପ୍ରଫେସରଙ୍କୁ ସୁପ୍ରିମକୋର୍ଟରୁ ଆଶ୍ୱସ୍ତି, ଆଙ୍ଗ୍ଲୋ-କୁକୀ ୱାର୍ ପୁସ୍ତକକୁ ନେଇ ଅନ୍ତରୀଣ ସୁରକ୍ଷା

ନେତା ଓ ଆନ୍ଧ୍ର ପୋଲିସ ମଧ୍ୟରେ ଯୁକ୍ତିତର୍କ ପରେ ସକାଳ ପ୍ରାୟ ୬ଟା ସମୟରେ ନାଇଡୁ ଭ୍ୟାନରୁ ବାହାରିଥିଲେ । ସିଆରପିସି ୫୧ ଅନୁସାରେ ନାଇଡୁଙ୍କୁ ନୋଟିସ୍ ଜାରି କରାଯାଇଥିଲା । କୌଶଳ ବିକାଶ ଦୁର୍ନୀତି ମାମଲାରେ ଚନ୍ଦ୍ରବାବୁ ନାଇଡୁଙ୍କ ଗିରଫ କରାଯାଇଛି । ଯେଉଁଥିରେ ଚନ୍ଦ୍ରବାବୁ ୨୫୦ କୋଟିର ଦୁର୍ନୀତି କରିଥିବା ଅଭିଯୋଗ ରହିଛି ।

ଚନ୍ଦ୍ରବାବୁଙ୍କୁ ସିଆଇଡି ଗିରଫ କରିବା ସହ ତାଙ୍କ ପୁଅ ଲୋକେଶଙ୍କୁ ମଧ୍ୟ ପୂର୍ବ ଗୋଦାବରୀ ଜିଲ୍ଲା ପୋଲିସ ହେପାଜତକୁ ନେଇଛି । 

ସ୍ବାମୀଙ୍କ ସହ ଯାଉଥିବା ବେଳେ ସ୍ତ୍ରୀଙ୍କୁ ଅପହରଣ, ଉଦ୍ଧାର କଲା ପୋଲିସ...