ବେଙ୍ଗାଲୁରୁ,୭/୨ : ଶତାବ୍ଦୀ ପୁରୁଣା ବିଷ୍ଣୁ ପ୍ରତିମା ଏବଂ ଶିବଲିଙ୍ଗ ଉଦ୍ଧାର । ତେଲେଙ୍ଗାନା-କର୍ଣ୍ଣାଟକ ସୀମା ନିକଟରେ ଥିବା କ୍ରୀଷ୍ଣ ନଦୀ କୂଳରୁ ଏହା ଉଦ୍ଧାର କରାଯାଇଛି । ଏ ନେଇ ଅଧିକାରୀ ସୂତ୍ରରୁ ସୂଚନା ଦିଆଯାଇଛି । କର୍ଣ୍ଣାଟକର ରାଇଚୁରରେ ଏକ ସେତୁ ନିର୍ମାଣ ସମୟରେ ଏହାକୁ ଉଦ୍ଧାର କରାଯାଇଛି । ବିଶ୍ୱାସ କରାଯାଉଛି ଯେ ମୂର୍ତ୍ତି ଗୁଡ଼ିକ ୧୦୦୦ବର୍ଷ ତଳର ହୋଇପାରେ ।
ବିଷ୍ଣୁ ପ୍ରତିମା ଏବଂ ଶିବଲିଙ୍ଗ ବର୍ତ୍ତମାନ ଭାରତର ପ୍ରତ୍ନତାତ୍ତ୍ୱିକ ସର୍ବେକ୍ଷଣ (ASI) ଅଧୀନରେ ଅଛନ୍ତି । ବିଷ୍ଣୁ ମୂର୍ତ୍ତି ଅଯୋଧ୍ୟାରେ ନୂତନ ଭାବେ ଉଦଘାଟିତ ରାମ ମନ୍ଦିରରେ ସ୍ଥାପିତ ରାମ ଲଲା ମୂର୍ତ୍ତିର ବୈଶିଷ୍ଟ୍ୟ ସଦୃଶ । ରାମ ଲଲା ମୂର୍ତ୍ତି ଶିଳ୍ପୀ ଅରୁଣ ଯୋଗୀରାଜଙ୍କ ଦ୍ୱାରା ଖୋଦିତ ହୋଇଥିଲା । ବିଷ୍ଣୁ ପ୍ରତିମା ୧୦ଟି ଅବତାରକୁ ଚିତ୍ରଣ କରି ଏହାର ଚାରିପାଖରେ ଏକ ଆରୁ ସହିତ ଛିଡ଼ା ହୋଇଛି ।