ପ୍ରମୁଖ ଖବର
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଚଣ୍ଡିଗଡ଼ ମେୟର ନିର୍ବାଚନକୁ ନେଇ ବର୍ଷିଲେ ସୁପ୍ରିମକୋର୍ଟ, ସିଜେଆଇ କହିଲେ ଗଣତନ୍ତ୍ରର ହତ୍ୟା ହେବାକୁ ଦେବୁ ନାହିଁ..

ନୂଆଦିଲ୍ଲୀ,୦୬/୦୨: ଚଣ୍ଡିଗଡ଼ ମେୟର ନିର୍ବାଚନ ବିବାଦକୁ ନେଇ ସୋମବାର ସୁପ୍ରିମକୋର୍ଟରେ ଶୁଣାଣି ହୋଇଛି । ପ୍ରଧାନ ବିଚାରପତି ଜଷ୍ଟିସ୍‌ ଡି. ୱାଇ ଚନ୍ଦ୍ରଚୂଡ଼ ଶୁଣାଣିବେଳେ ନିର୍ବାଚନ ଅଧିକାରୀ ଅନିଲ ମସିହଙ୍କ ଉପରେ ବର୍ଷିଛନ୍ତି । ନିର୍ବାଚନ ଅଧିକାରୀ କ୍ୟାମେରା ଆଡ଼କୁ ଦେଖି ବାଲଟ ପେପରକୁ ନଷ୍ଟ କରୁଥିବା ଭିଡିଓରେ ସ୍ପଷ୍ଟ ଦେଖିବାକୁ ମିଳିଛି ବୋଲି ସିଜେଆଇ କହିଛନ୍ତି । ଆପଣ କ’ଣ ଏପରି ନିର୍ବାଚନ ଆୟୋଜନ କରନ୍ତି? ଏହା ଗଣତନ୍ତ୍ରର ଉପହାସ । ଏହା ଗଣତନ୍ତ୍ରର ହତ୍ୟା । ଆମେ ଗଣତନ୍ତ୍ରର ହତ୍ୟା ହେବାକୁ ଦେଇପାରିବୁ ନାହିଁ । ସେହି ଅଧିକାରୀଙ୍କ ଉପରେ ମାମଲା ଚାଲିବା ଜରୁରି ବୋଲି ସିଜେଆଇ କହିଛନ୍ତି । ଏଥିସହ ନିର୍ବାଚନର ସବୁ ରେକର୍ଡ ଏବଂ ଦସ୍ତାବିଜ ଜବତ କରାଯାଇ ପଞ୍ଜାବ ଏବଂ ହରିୟାଣା ରେଜିଷ୍ଟ୍ରାର ଜେନେରାଲଙ୍କ ନିକଟରେ ଦାଖଲ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ବାଲଟ ପେପର ଏବଂ ଭିଡିଓଗ୍ରାଫିକୁ ଯତ୍ନର ସହ ରଖିବାକୁ କୁହାଯାଇଛି । ଏଥିସହ ଚଣ୍ଡିଗଡ଼ ନିଗମର ପରବର୍ତ୍ତୀ ବୈଠକ ସ୍ଥଗିତ ରଖିବାକୁ ସିଜେଆଇ ଆଦେଶ ଦେଇଛନ୍ତି । ଆମ ଚେତନାକୁ ସନ୍ତୁଷ୍ଟ କରିବାକୁ ହେବ । ନଚେତ ପୁଣି ନିର୍ବାଚନ ହେବ ବୋଲି ସୁପ୍ରିମକୋର୍ଟ କହିଛନ୍ତି । ମାମଲାର ପରବର୍ତ୍ତୀ ଶୁଣାଣି ଆସନ୍ତା ୧୨ ତାରିଖରେ ହେବ ।

ପ୍ରକାଶଥାଉ କି, ଗତ ଜାନୁଆରୀ ୨୮ରେ ଚଣ୍ଡିଗଡ଼ ମେୟର ନିର୍ବାଚନ ହୋଇଥିଲା । ଜଣେ ସାଂସଦ ଏବଂ ୩୬ କାଉନସିଲର ଭୋଟ ଦେଇଥିଲେ । ସେମାନଙ୍କ ମଧ୍ୟରେ ୧୪ ଜଣ କାଉନସିଲର ଏବଂ ସାଂସଦ ଜଣକ ବିଜେପିର ଥିଲେ । ଜଣେ ଅକାଳି ଦଳର, ୧୩ ଜଣ ଆପ୍‌ର ଏବଂ ୭ କାଉନସିଲର କଂଗ୍ରେସର ଥିଲେ । ବିରୋଧୀ ଇଣ୍ଡିଆ ମେଣ୍ଟ ବା ଆପ୍‌-କଂଗ୍ରେସ ପକ୍ଷରୁ କୁଳଦୀପ କୁମାରଙ୍କୁ ମେୟର ପ୍ରାର୍ଥୀ କରାଯାଇଥିଲା । କିନ୍ତୁ ନିର୍ବାଚନ ଅଧିକାରୀ ଜାଣିଶୁଣି ଇଣ୍ଡିଆ ମେଣ୍ଟ ସପକ୍ଷରେ ପଡ଼ିଥିବା ୮ ଭୋଟକୁ ନାକଚ କରି ବିଜେପି ପ୍ରାର୍ଥୀ ମନୋଜ ସୋନକରଙ୍କୁ ଜିତାଇଥିବା ଆପ୍‌-କଂଗ୍ରେସ ପକ୍ଷରୁ ଅଭିଯୋଗ ହୋଇଥିଲା । ଏ ନେଇ କୁଳଦୀପ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଏଥିସହ ନିର୍ବାଚନ ଅଧିକାରୀ ଅନିଲଙ୍କୁ ଗିରଫ କରାଯିବା ଦାବିରେ  ଆପ୍‌ ପକ୍ଷରୁ ଦିଲ୍ଲୀ ଏବଂ ଚଣ୍ଡିଗଡ଼ରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ସିଜେଆଇ ଚନ୍ଦ୍ରଚୂଡ଼ଙ୍କ ସମେତ ଜଷ୍ଟିସ୍‌ ଜେ.ବି ପର୍ଦ୍ଦିୱାଲା ଏବଂ ଜଷ୍ଟିସ୍‌ ମନୋଜ ମିଶ୍ରଙ୍କ ଖଣ୍ଡପୀଠ ମଙ୍ଗଳବାର ହେବାକୁ ଥିବା ଚଣ୍ଡିଗଡ଼ ନିଗମର ବଜେଟ ଅଧିବେଶନ ଉପରେ ରୋକ ଲଗାଇଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.