ଦାରିଙ୍ଗବାଡି, ୧୪/୧୧ : ଦାରିଙ୍ଗବାଡି ତାଲୁକା ଆଇନ ସେବା ପକ୍ଷରୁ ଶିଶୁ ଦିବସ ପାଳନ ହୋଇଯାଇଛି। ପ୍ରଥମ ଶ୍ରେଣୀ ବିଚାର ବିଭାଗୀୟ ବିଚାରପତି ତଥା ତାଲୁକା ଆଇନ ସେବାର ଅଧ୍ୟକ୍ଷା ମଧୁସ୍ମିତା ନାୟକଙ୍କ ତତ୍ଵାବଧାନ କ୍ରମେ ଏହି କାର୍ଯ୍ୟକ୍ରମ ଆୟୋଜନ ହୋଇଥିଲା। 

ବୁର୍ଜୁବାଡ଼ି ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀମାନେ ସ୍କୁଲରୁ ଏକ ରାଲିରେ ବାହାରି ତିନି ଛକ ଦେଇ ଚାରିଛକରେ ପହଞ୍ଚି ଶିଶୁ ସୁରକ୍ଷା ଆଇନ, ମାନବ ଶୃଙ୍ଖଳା, ଝିଅଙ୍କ ଭ୍ରୁଣ ହତ୍ୟା ବନ୍ଦ ଓ ସମ୍ମାନ ପ୍ରଦାନ, ଶିଶୁ ଶ୍ରମିକ ବନ୍ଦ କରିବା ପାଇଁ ସ୍ଲୋଗାନ ଦେଇଥିଲେ। କାର୍ଯ୍ୟକ୍ରମରେ ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର, ତାଲୁକା ଆଇନ ସେବାର ସମ୍ପାଦିକା ପୁଷ୍ପାଞ୍ଜଳି ଜେନା, ମୁଖ୍ୟ କିରାଣୀ ଦେବରାଜ ଜାନି, କିରାଣୀ ଭରତ ସାହୁ, ଇତିଶ୍ରୀ ମହାରଣା, ସୁବେନ୍ଧୁ ପ୍ରଧାନ ପ୍ରମୁଖ ଯୋଗ ଦେଇଥିଲେ।