ବେଜିଂ, ୧୭/୦୯: ଚୀନ୍ର ପ୍ରତିରକ୍ଷା ମନ୍ତ୍ରାଳୟ ଜଟିଳ ପରିସ୍ଥିତି ଦେଇ ଗତି କରୁଛି । ପ୍ରତିରକ୍ଷା ମନ୍ତ୍ରୀ ନିଖୋଜ ହୋଇଯାଇଥିବା ବେଳେ ଚୀନ୍ ନୌସେନାର ଏକ ଆଣବିକ ଶକ୍ତିସଂପନ୍ନ ବୁଡ଼ାଜାହଜ ଗାଏବ ହୋଇଥିବା ନେଇ ଖବର ଚର୍ଚ୍ଚାକୁ ଆସିଥିଲା । ତାଇଓ୍ବାନର ଜଳ ରେଖାରେ ପ୍ରବେଶ କରିଥିବା ବେଳେ ଚୀନ୍ର ଏକ ସବମରିନ ବା ବୁଡ଼ାଜାହାଜ ନିଖୋଜ ହୋଇଯାଇଥିଲା । ଏହା ଏକ ଭୀଷଣ ଦୁର୍ଘଟଣାର ଶିକାର ହୋଇଥିବା ବେଳେ ବୁଡ଼ାଜାହାଜଟି ସଂପୂର୍ଣ୍ଣ ଧ୍ବଂସ୍ତ ହୋଇଯାଇଥିବା ଚର୍ଚ୍ଚା ହେଉଛି ।
ହେଲେ ଚୀନ୍ର ପ୍ରତିରକ୍ଷା ମନ୍ତ୍ରାଳୟ ଏନେଇ କିଛି ସୂଚନା ଦେବାକୁ ରାଜି ନଥିବା ଜଣାପଡ଼ିଛି । ସେପଟେ ପ୍ରତିରକ୍ଷା ମନ୍ତ୍ରୀ ଦୁଇ ସପ୍ତାହ ହେଲା ନଜର ଆସିନାହାନ୍ତି । ସେ ନିଖୋଜ ହୋଇଯାଇଥିବା ନେଇ ଚର୍ଚ୍ଚା ହେଉଥିବା ବେଳେ ବୁଡ଼ାଜାହାଜ ଧ୍ବଂସ ହେବା ଖରବ ଚୀନର ଆଭ୍ୟନ୍ତରୀଣ ସ୍ଥିତି ଠିକ୍ ନଥିବା ଦର୍ଶାଉଛି । ପିଏଲଏ-ନୌସେନାର ସବୁଠାରୁ ଶକ୍ତିଶାଳୀ ଆଣବିକ ଶକ୍ତି ସଂପନ୍ନ ବୁଡ଼ାଜାହାଜ ଧ୍ବଂସ ହୋଇଯାଇଥିବା ନେଇ ଅଗଷ୍ଟ ୨୧ରୁ ଖବର ମିଳିଥିଲା । ଏଥିରେ ଥିବା ୧୦୦ ନୌସୖନିକଙ୍କ ମୃତ୍ୟୁ ହୋଇଥିବା ନେଇ ବିଭିନ୍ନ ମିଡିଆ ରିପୋର୍ସରେ କୁହାଯାଇଥିଲା ।
ହେଲେ ଚୀନ୍ ସରକାର ଏନେଇ କୌଣସି ସୂଚନା ଦେଇନଥିଲେ । ଗୋଟିଏ ପଟେ ପ୍ରତିରକ୍ଷା ମନ୍ତ୍ରୀ ଶାଙ୍ଗଫୁଙ୍କ ନିଖୋଜ ହେବା ଘଟଣା ଚୀନ୍କୁ ସନ୍ଦେହ ଘେରକୁ ଆଣିଛି । ଅନ୍ୟପଟେ ତାଇଓ୍ବାନ ନିକଟ ସମୁଦ୍ରରେ ବୁଡ଼ାଜାହଜ ଧ୍ବଂସ ହେବା ଖବର ଚୀନ୍କୁ ଚିନ୍ତାରେ ପକାଇଛି । ତେବେ ପ୍ରତିରକ୍ଷା ମନ୍ତ୍ରୀଙ୍କ ନିଖୋଜ ହେବା ସହ ବୁଡ଼ାଜାହାଜ ଦୁର୍ଘଟଣା ମଧ୍ୟରେ କୌଣସି ସଂପର୍କ ଅଛି କି ନାହିଁ ତାହା ସ୍ପଷ୍ଟ ହୋଇପାରିନାହିଁ।
