ମାଲକାନଗିରି: ମାଲକାନଗିରି ନୂତନ ଜିଲ୍ଲାପାଳ ତଥା ରେଡ଼କ୍ରସ ସୋସାଇଟି ଅଧ୍ୟକ୍ଷ  ସଚିନ ପାୱାର ପ୍ରକାଶଙ୍କୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଛି l ଏହି ଉତ୍ସବରେ ଜିଲ୍ଲା ଯୁବ ରେଡ଼କ୍ରସ ଅଧ୍ୟକ୍ଷ ଲିଙ୍ଗରାଜ ମିଶ୍ର, ଜିଲ୍ଲା ଯୁବ ରେଡ଼କ୍ରସର ଆବାହକ ତଥା ସମ୍ପାଦକ ଡକ୍ଟର ରଞ୍ଜନ କୁମାର ସ୍ବାଇଁ ଜିଲ୍ଲାପାଳଙ୍କ କାର୍ଯ୍ୟାଳୟରେ ପୁଷ୍ପଗୁଚ୍ଛ ସହ ଉତ୍ତରୀୟ ଦେଇ ସ୍ୱାଗତ ଜଣାଇଥିଲେ l  ଜିଲ୍ଲା ପାଳ ଶ୍ରୀ ପାୱାର ଯୁବ ରେଡ଼କ୍ରସର କାର୍ଯ୍ୟକଳାପ ଉପରେ ବିଶେଷ ଦୃଷ୍ଟି ଆକର୍ଷଣ କରିବା ସହିତ ଆଗାମୀ ଦିନରେ ରେଡ଼କ୍ରସକୁ କିପରି ତ୍ୱରାନ୍ୱିତ କରାଯିବ ତାହା ବିଷୟରେ ବିଶେଷ ଗୁରୁତ୍ୱ ଦେଇଛନ୍ତି l ମାଲକାନଗିରି ଜିଲ୍ଲାରେ ଜିଲ୍ଲା ଯୁବ ରେଡ଼କ୍ରସର କାର୍ଯ୍ୟକ୍ରମକୁ ମାଗଣାରେ ଆମ୍ବୁଲାନ୍ସ ସହ ଭ୍ରାମ୍ୟମାଣ ଚିକିତ୍ସା ଗାଡି ଏବଂ ଯକ୍ଷ୍ମା ରୋଗୀକୁ ମାଗଣାରେ ପୁଷ୍ଟିସାର କିଟ ବଣ୍ଟନ କରିବା ଜାଣି ବହୁତ ଖୁସି ବ୍ୟକ୍ତ କରିଛନ୍ତି l ଏହି କାର୍ଯ୍ୟକ୍ରମରେ ଯୁବ ରେଡ଼କ୍ରସର ଅନ୍ୟାନ୍ୟ ସଭ୍ୟମାନେ ଉପସ୍ଥିତ ଥିଲେ l