ପ୍ରମୂଖ ଖବର
  • ରାଜ୍ୟ ବଜେଟ୍ ଉପସ୍ଥାପିତ, ଧାନ କ୍ବିଣ୍ଟାଲ ୩୧ ଶହ ଟଙ୍କା
  • ||
  • ୨୬ରେ ଅଲିମ୍ପିକ୍ସ ଉଦ୍‌ଘାଟନୀ ଉତ୍ସବ: ଅଷ୍ଟ୍ରେର୍ଲିଜ ପୋଲରୁ ଆରମ୍ଭ, ଆଇଫିଲ୍‌ ଟାୱାରରେ ଶେଷ
  • ||
  • ମୋହନ ସରକାରଙ୍କ ପ୍ରଥମ ବଜେଟ୍, ୨୦୨୪-୨୫ ପାଇଁ ଆସିବ ପୂର୍ଣ୍ଣାଙ୍ଗ ବଜେଟ୍ ଅପରାହ୍ନ ୫ଟା ଉପସ୍ଥାପନ
  • ||
  • ଆସନ୍ତା ୨୭ରେ ଲଘୁଚାପ, ୨୯ ଯାଏ ବର୍ଷା ସମ୍ଭାବନା: ଆଜି ତିନି ଜିଲ୍ଲାକୁ ଆଲର୍ଟ ଜାରି
  • ||

ଡିସେମ୍ବର ପହିଲାରୁ କଂଗ୍ରେସର ତୁଳସୀ ଯାତ୍ରା, କଂଗ୍ରେସ ଭବନରୁ ଶ୍ରୀକ୍ଷେତ୍ର ବିଶାଳ ଶୋଭାଯାତ୍ରା

ଭୁବନେଶ୍ୱର,୧୪/୧୧: ଡିସେମ୍ବର ୧ ତାରିଖରେ ତୁଳସୀ ଯାତ୍ରା କରିବ କଂଗ୍ରେସ । ରାଜ୍ୟର ସମସ୍ତ ବ୍ଲକ୍‌ ଓସହରରେ ଲୋକଙ୍କଠାରୁ ତୁଳସୀ ସଂଗ୍ରହ କରାଯିବ । ଜିଲ୍ଲା କଂଗ୍ରେସ ସଭାପତିଙ୍କ ତତ୍ତ୍ୱାବଧାନରେ ନଗର/ ବ୍ଲକ୍‌ ସଭାପତିମାନେ ବୁଥ, ୱାର୍ଡ ଓ ପଞ୍ଚାୟତ ସଭାପତି  ତୁଳସୀ ସଂଗ୍ରହ କରିବେ । ପ୍ରତି ବ୍ଲକ୍‌ ଓ ନଗର କଂଗ୍ରେସ  କମିଟି ସଂଗୃହୀତ ତୁଳସୀକୁ ଗାଡ଼ିରେ ଆଣି ୧ ତାରିଖରେ  ଭୁବନେଶ୍ୱର ପ୍ରଦେଶ କଂଗ୍ରେସ କାର୍ଯ୍ୟାଳୟକୁ ଆଣିବେ । ସଂଗୃହୀତ ତୁଳସୀ ଓ ସଜ ତୁଳସୀ ଧରି ସେହିଦିନ ଶ୍ରୀକ୍ଷେତ୍ର  ଅଭିମୁଖେ ତୁଳସୀ ଯାତ୍ରା ବାହାରିବ । ଶରଧାବାଲିଠାରେ  ଜଗନ୍ନାଥ ପ୍ରେମୀ ଭକ୍ତ, କଂଗ୍ରେସ କର୍ମୀ ଓ ନେତା ଏକାଠି  ହେବେ । ସେଠାରୁ ଶୋଭାଯାତ୍ରାରେ ଯାଇ ପ୍ରଭୁ ଜଗନ୍ନାଥଙ୍କୁ  ତୁଳସୀ ଅର୍ପଣ କରିବେ । ପିସିସି ସଭାପତି ଶରତ  ପଟ୍ଟନାୟକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି । 

ପୁରୀ ଶ୍ରୀମନ୍ଦିରର ଚାରିଦ୍ୱାର ଖୋଲିବା, ରତ୍ନଭଣ୍ଡାରର  ଗଣତି, ବେଦାନ୍ତ ଅଧିକୃତ ଜଗନ୍ନାଥଙ୍କ ଅମୃତମଣୋହୀ ଜମି  ଓ ଚାଷୀଙ୍କ ଜମିକୁ ଫେରାଇବା ସହ ୬ଟି ଦାବିକୁ ନେଇ ଏହି  ଯାତ୍ରା କରାଯାଉଛି ବୋଲି ଶ୍ରୀ ପଟ୍ଟନାୟକ କହିଛନ୍ତି । ଏହି  ସମସ୍ତ ଦାବିକୁ ନେଇ କଂଗ୍ରେସ ଗତ ଅକ୍ଟୋବର ୧୬ରେ  ପୁରୀଠାରେ ବିଶାଳ ସମାବେଶ ଓ ବିକ୍ଷୋଭ ଶୋଭାଯାତ୍ରା  କରିଥିଲା । ରାଜ୍ୟପାଳଙ୍କ ଉଦ୍ଦେଶ୍ୟରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କୁ ସ୍ମାରକପତ୍ର ଦିଆଯାଇଥିଲା । 

ଅକ୍ଟୋବର ୨୯  ସୁଦ୍ଧା ଦାବି ପୂରା ନହେଲେ ପୁଣି ଆନ୍ଦୋଳନ କରାଯିବ ବୋଲି  ଚେତାବନୀ ଦେଇଥିଲେ । ସରକାର କୌଣସି ପଦକ୍ଷେପ ନ ନେବାରୁ ପୂରା ରାଜ୍ୟରେ ପ୍ରଭୁ ଜଗନ୍ନାଥଙ୍କ ସମ୍ମୁଖରେ  ଗତ ୯ ତାରିଖରେ ସଂକୀର୍ତ୍ତନ ସତ୍ୟାଗ୍ରହ ହୋଇଥିଲା ।  ଦାବି ପୂରଣ ନହେବା ଯାଏ ଆନ୍ଦୋଳନ ଜାରି ରହିବ ବୋଲି  କଂଗ୍ରେସ ଚେତାଇଥିଲା । ଏଥିପାଇଁ ଆସନ୍ତା ଡିସେମ୍ବର ୧ରେ  ତୁଳସୀ ଯାତ୍ରା କରାଯିବ ବୋଲି ଶ୍ରୀ ପଟ୍ଟନାୟକ କହିଛନ୍ତି । ସାମ୍ବାଦିକ ସମ୍ମିଳନୀରେ ପୂର୍ବତନ ପିସିସି ସଭାପତି  ପ୍ରସାଦ ହରିଚନ୍ଦନ କହିଥିଲେ, ସାରା ରାଜ୍ୟରୁ ସଂଗୃହୀତ ତୁଳସୀ ଓ ସଜ ତୁଳସୀ ନୈବେଦ୍ୟ ଭାବରେ ମହାପ୍ରଭୁଙ୍କ  ପାଖରେ ସମର୍ପିତ ହେବ । 

କଂଗ୍ରେସ ଓ ଭକ୍ତଙ୍କର ଦାବି  ପ୍ରତି ସରକାର କାନଆଖି ବନ୍ଦ କରିଛନ୍ତି । ତୁଳସୀ ଯାତ୍ରା  ଓଡ଼ିଶାର ପୁରପଲ୍ଲୀରେ ଥିବା ଭକ୍ତଙ୍କ ଭାବାବେଗ ସହ ଜଡ଼ିତ ହେବ । ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ  ଜାନୁଆରୀ ୧୭ରେ ହେବ । ଏହି ପ୍ରକଳ୍ପରେ କ'ଣ କ'ଣ  କାମ ହୋଇଛି ଓ କେତେ ଅର୍ଥ ବିନିଯୋଗ ହୋଇଛି, ତାର  ବିସ୍ତୃତ ବିବରଣୀକୁ ନେଇ ଶ୍ୱେତପତ୍ର ଜାରି କରିବାକୁ ସେ  ଦାବି କରିଛନ୍ତି । ଏହି ସାମ୍ବାଦିକ ସମ୍ମିଳନୀରେ ପୂର୍ବତନ  ମନ୍ତ୍ରୀ ତଥା ପିସିସି ଇସ୍ତାହାର କମିଟିର ଅଧ୍ୟକ୍ଷ ଶ୍ରୀ ପଞ୍ଚାନନ  କାନୁନଗୋ ଉପସ୍ଥିତ ଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.