ଭୁବନ, ୦୪/୧୨ : କାର୍ତ୍ତିକେଶ୍ବର ଭଷାଣୀରେ ଯୁବକଙ୍କ ଉନ୍ମୁକ୍ତ କାଣ୍ଡ। ଡିଜେ ସାଉଣ୍ଡ୍ କମ୍ କରିବାକୁ କହିବାରୁ ମରଣାନ୍ତକ ଆକ୍ରମଣ। ଭୁବନ ବିଜ୍ଞାପିତ ଅଞ୍ଚଳ ପରିଷଦର ୧୨ ନଂ ୱାର୍ଡରେ ଏଭଳି ଘଟଣା ଘଟିଛି। 

ରବିବାର ରାତିରେ ଭୁବନ NAC ଲକ୍ଷ୍ମୀ ଛକର କାର୍ତ୍ତିକେଶ୍ବର ଭଷାଣୀ ଚାଲିଥିଲା। ୧୨ନଂ ୱାର୍ଡର କାଉନସିଲର କବିତା ସେନାପତୀଙ୍କ ଘର ନିକଟରେ ଡିଜେ ବଜାଇ ଯୁବକମାନେ ନାଚ ଗୀତ କରୁଥିଲେ। କାଉନସିଲର କବିତା ସେନାପତି ଡିଜେର ଭାଇବ୍ରେଟ ସାଉଣ୍ଡ ବନ୍ଦ କରିବାକୁ କହିଥିଲେ । ଏଥିରେ ଯୁବକମାନେ ରାଗିଯାଇ କାଉନସିଲରଙ୍କ ସମେତ ପରିବାରର ସମସ୍ତଙ୍କୁ ଆକ୍ରମଣ କରିବା ସହିତ ଭଙ୍ଗାରୁଜା କରିଥିଲେ । ଖବର ପାଇ ଭୁବନ ପୋଲିସ ଘଟଣାସ୍ଥଳରେ ପହଞ୍ଚିବା ପୂର୍ବରୁ ଯୁବକମାନେ ଓ ଡିଜେ ଗାଡି ଧରି ଫେରାର ହୋଇଯାଇଥିଲେ । 

ତେବେ ଭୁବନ ପୋଲିସ ଡିଜେ ଗାଡିକୁ ଗୋଡେଇ ଗୋଡେଇ ଗଁନ୍ଦିଆ ଥାନା ଅନ୍ତର୍ଗତ ଶଡିଙ୍ଗ ଗ୍ରାମ ନିକଟରୁ ଜବତ କରି ଥାନାକୁ ଆଣିଥିଲେ। ଏହି ଘଟଣାକୁ ନେଇ ଥାନାରେ ଅଭିଯୋଗ ହୋଇଥିବା ଜଣାପଡିଛି। ଅଭିଯୋଗ ପରେ ଭୁବନ ପୋଲିସ ତଦନ୍ତ ଚଳାଇଛି।