ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ତାମିଲନାଡୁରେ ଦାଦନ ଶ୍ରମିକଙ୍କ ମୃତ୍ୟୁ, ଘରୋଇ ସଂସ୍ଥାରେ ଦିନ ମଜୁରିଆ ଭାବେ କରୁଥିଲେ କାମ

କାଶୀପୁର - ତାମିଲନାଡୁରେ  କାଶୀପୁର ବ୍ଲକ ରାଶିଝିରି ଗ୍ରାମର ଜଣେ ଭିନ୍ନକ୍ଷମ ଦାଦନ ଶ୍ରମିକଙ୍କର ଗତକାଲି ମୃତ୍ୟୁ ହୋଇଛି। ସେ ପରିବାର ପୋଷିବାକୁ କାମ କରିବା ପାଇଁ ରାଜ୍ୟ ବାହାରକୁ ଯାଇଥିଲେ। ମୃତକ ଜଣକ ତଳଝିରି ପଞ୍ଚାୟତ ରାଶିଝିରି ଗ୍ରାମର ମଦନ ଗଉଡ଼( ୩୩) ବୋଲି ଜଣା ଯାଇଛି। 

ସୂଚନା ଅନୁସାରେ , ମଦନ ଗତ କିଛିଦିନ ତଳେ ଗ୍ରାମର କିଛି ଲୋକଙ୍କ ସହିତ କାମ ଅନ୍ବେଷଣରେ ତାମିଲନାଡୁର କୋଇମୁତୁର ଜିଲ୍ଲାକୁ ଯାଇଥିଲେ। ସେଠାରେ ଥିବା ଏକ ଘରୋଇ ସଂସ୍ଥାରେ ଦିନମଜୁରିଆ ଭାବେ କାମ କରି ଘରକୁ ଟଙ୍କା ପଠାଉ ଥିଲେ। କିନ୍ତୁ ଗତକାଲି କାର୍ଯ୍ୟରତ ଥିବା ସମୟରେ ମଦନ ଗୌଡ଼ଙ୍କ ମୃତ୍ୟୁ ହୋଇଥିବାର ପରିବାରକୁ ଖବର ମିଳି ଥିଲା।

କିନ୍ତୁ କେଉଁ କାରଣରୁ ତାଙ୍କ ମୃତ୍ୟୁ ହୋଇଛି ଏସମ୍ପର୍କରେ ସ୍ପଷ୍ଟ କରାଯାଇ ନାହିଁ। ମୃତ ମଦନଙ୍କ ପରିବାରରେ ପତ୍ନୀଙ୍କ ସହିତ ଶିଶୁ ଅବସ୍ଥାରେ ଥିବା ତିନି ଝିଅ ଏବଂ ଗୋଟିଏ ପୁଅ ରହିଛନ୍ତି। ଗାଁକୁ ମୃତଦେହ ଆଣିବାର ବ୍ୟବସ୍ଥା କରିବା ସହ ସହାୟତା ପ୍ରଦାନ ପାଇଁ ପ୍ରଶାସନ ଠାରେ ପରିବାର ଲୋକେ କରିଛନ୍ତି ନିବେଦନ।

 

 

 

 

 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.