ନୂଆଦିଲ୍ଲୀ, ୧୨/୧୧: ପୂରା ଦେଶ ଆଜି ପାଳୁଛି ଦେବ ଦୀପାବଳି । ଦିନକ ପୂର୍ବରୁ ଶନିବାର ଅଯୋଧ୍ୟାରେ ଦୀପାବଳିରେ ଦୀପ ଜାଳି ବିଶ୍ୱ ରେକର୍ଡ ହୋଇଛି । ତେବେ ଆମେ ପାଳୁଥିବା ଦୀପାବଳିରେ ଘରେ ମାଆ ଲକ୍ଷ୍ମୀ ଓ ଶ୍ରୀଗଣେଶଙ୍କ ପୂଜା ଏବଂ ବାହାରେ ରଙ୍ଗ ବେରଙ୍ଗର ଆଲୋକ ସଜ୍ଜା ସହ ଦୀପ ଓ ମହମବତୀ ଜାଳି ଥାଉ ।
ତେବେ ଦୀପାବଳିର ଖୁସି ଭିତରେ ମନରେ ପ୍ରଶ୍ନ ଆସେ, ଦୀପାବଳି ପାଳନର ପରମ୍ପରା କେବେଠୁ, କେମିତି ଆରମ୍ଭ ହେଲା । କେବେଠୁ ଓ କେଉଁଠିକାର ଲୋକ ଦୀପ ଜାଳିବା ଆରମ୍ଭ କଲେ । କେବେଠୁ ଆରମ୍ଭ ହେଲା ବାଣ ଫୁଟାଇବା । ଆସନ୍ତୁ ଏସବୁ ସମ୍ପର୍କରେ ଜାଣିବା କିଛି ଅଜଣା ଓ ରୋଚକ କଥା...
ଏମରଜେନ୍ସି ବ୍ରେକ୍ ମାରିଲା ଦିଲ୍ଲୀ ଯାଉଥିବା ପୁରୁଷୋତ୍ତମ ଏକ୍ସପ୍ରେସ୍, ଅଚାନକ ଝଟକାରେ ଚାଲିଗଲା ୨ ଯାତ୍ରୀଙ୍କ ଜୀବନ
କେବେ ପାଳନ ହୁଏ ଦୀପାବଳି ?
ହିନ୍ଦୁ ଧର୍ମଗ୍ରନ୍ଥ ସ୍କନ୍ଦ ପୁରାଣ ଓ ଅଗ୍ନି ପୁରାଣରେ ଆଲୋକର ଏହି ପର୍ବ କଥା ଉଲ୍ଲେଖ ରହିଛି । କୁହାଯାଏ ତ୍ରେତୟା ଯୁଗ ପରେ ଦ୍ୱାପର ଯୁଗରୁ ଦୀପାବଳି ପାଳନ ହୋଇ ଆସୁଛି । ସେତେବେଳେ ୫ ଦିନ ଯାଏ ଦୀପାବଳି ପାଳନ ହେଉଥିଲା । କୁହାଯାଏ ଦୀପାବଳି ପାଳନର ଏହି ପରମ୍ପରା ୫୦୦ ବର୍ଷ ପୁରୁଣା । ସ୍କନ୍ଦ ପୁରାଣରେ କାର୍ତ୍ତିକ ମାହାତ୍ମ୍ୟରେ ଭଗବାନ ଶ୍ରୀକୃଷ୍ଣ ଦୀପକୁ ସୂର୍ଯ୍ୟଙ୍କ ଅଂଶ କହିଥିଲେ ।
ସ୍କନ୍ଦ ପୁରାଣ ଅନୁସାରେ, ମଦ୍ର ରାଜ୍ୟର ଲୋକ ସର୍ବପ୍ରଥମେ ଦୀପଦାନ ଅଥବା ଦୀପ ଜାଳି ଥିଲେ । ଆମେ କହୁଥିବା ମଦ୍ର ରାଜ୍ୟ ହେଉଛି ଏବେକାର ପିଓକେର ଅଂଶ । କୁହାଯାଏ ସେତେବେଳେ ଦୈତ୍ୟରାଜ ବଳି ଦୀପଦାନ ବାବଦରେ ଜାଣିବା ପରେ ଦୀପ ଜାଳିବା ପରମ୍ପରା ଆରମ୍ଭ କରିଥିଲେ ।
କେଉଁଠି ମିଳିଥିଲା ପ୍ରଥମ ଦୀପ ?
ସିନ୍ଧୁ ଘାଟି ସଭ୍ୟତା ପାଖାପାଖି ଅର୍ଥାତ୍ ୫ ହଜାର ବର୍ଷ ପୂର୍ବରୁ ପ୍ରଥମେ ମାଟି ଦୀପର ବ୍ୟବହାର କରାଯାଇଥିଲା । ସିନ୍ଧୁ ଘାଟି ଖୋଳିବା ବେଳେ ମେହରଗଢ଼ରେ ମାଟିରେ ନିର୍ମିତ ପୁରୁଣା ଦୀପ ମିଳିଥିଲା । ପରେ ଏହାର କାର୍ବନ ଡେଟିଂ କରିବା ପରେ ଜଣା ପଡ଼ିଥିଲା, ଏହା ପ୍ରାୟ ୫ ହଜାର ବର୍ଷ ପୁରୁଣା ।
