ଭୁବନେଶ୍ୱର ୦୧/୦୨: ପ୍ରାୟ ଗୃହିଣୀ ବିଭିନ୍ନ ଖାଦ୍ୟ ପଦାର୍ଥ ଯେପରିକି ରନ୍ଧାଭାତ ଓ କଟା ପରିବା ମଧ୍ୟ ଫ୍ରିଜ୍ରେ ରଖି ଦେଇଥାନ୍ତି । କିନ୍ତୁ ଜାଣନ୍ତି କି? ରନ୍ଧା ଭାତ ଫ୍ରିଜ୍ରେ କେତେ ସମୟ ରଖିବା ଆବଶ୍ୟକ । ନିର୍ଦ୍ଦିଷ୍ଟ ସମୟ ପରେ ସେଥିରେ ମାଇକ୍ରୋ ଫଙ୍ଗସ୍ ହୋଇଯାଇଥାଏ । ପରିବା, ଦୁଗ୍ଧ ଓ ଅଣ୍ଡା ଆଦିକୁ ସତେଜ ରଖିବା ପାଇଁ ଫ୍ରିଜ୍ର ବ୍ୟବହାର କରାଯାଏ । କିନ୍ତୁ ଭାରତୀୟ ଗୃହିଣୀମାନେ ବଳକା ଖାଦ୍ୟକୁ ଷ୍ଟିଲ୍ ବାସନରେ ଭରି ଫ୍ରିଜ୍ରେ ସାଇତିବାକୁ ପରମ୍ପରା କରିଦେଲେଣି । ଯାହା ଖୁବ୍ କ୍ଷତିକାରକ । ଚାଲନ୍ତୁ ଜାଣିବା ଏମିତି ଖାଦ୍ୟ ବିଷୟରେ, ଯାହା ଫ୍ରିଜ୍ରେ ସଂରକ୍ଷଣ କରିବା ଅନୁଚିତ୍ । ଆୟୁର୍ବେଦିକ୍ ଡାକ୍ତର ତଥା ହେଲଥ୍ କୋଚ୍ ଡିମ୍ପଲ୍ଙ୍କ କହିବା ଅନୁସାରେ ନିମ୍ନ ଖାଦ୍ୟଗୁଡିକରେ ଜଲ୍ଦୀ ଫଙ୍ଗସ୍ ଲାଗିଥାଏ । ଏହି ଫଙ୍ଗସ୍ କାରଣରୁ କେବଳ ପେଟରେ ବ୍ୟାକ୍ଟେରିଆ ହୋଇନଥାଏ, ବରଂ ଅନ୍ୟାନ୍ୟ ରୋଗ ମଧ୍ୟ ହୋଇଥାଏ ।
ରସୁଣ : ଡିମ୍ପଲଙ୍କ କହିବା ଅନୁସାରେ ଚୋପାଛଡା ରସୁଣକୁ ଫ୍ରିଜ୍ରେ ରଖିବା ଅନୁଚିତ୍ । କାରଣ ଫ୍ରିଜର୍ ତାପମାତ୍ରା ଯୋଗୁ ରସୁଣରେ ଖୁବ୍ ଶୀଘ୍ର ଫଙ୍ଗସ୍ ଲାଗିଯାଇଥାଏ । ଏହି ଫଙ୍ଗସ୍କୁ କର୍କଟ ସହ ଲିଙ୍କ୍ କରାଯାଇଥାଏ । ତା’ସହିତ ଫ୍ରିଜ୍ ମଧ୍ୟ ରସୁଣ ଗନ୍ଧ ହୋଇଥାଏ ।
ଅଦା : ପ୍ରାୟ ସମସ୍ତଙ୍କ ଘର ଫ୍ରିଜ୍ରେ ଅଦା ଦେଖିବାକୁ ମିଳିଥାଏ । କିନ୍ତୁ ଜାଣନ୍ତି କି ଅଦାକୁ ଘରର ତାପମାତ୍ରାରେ ଗଚ୍ଛିତ ରଖିବା ଉଚିତ୍ । କାରଣ ଥଣ୍ଡାରେ ରହିବା ଦ୍ୱାରା ଏଥିରେ ଶୀଘ୍ର ଫଙ୍ଗସ୍ ହୋଇଥାଏ । ଅଦାରେ ଲାଗୁଥିବା ଫଙ୍ଗସ୍ କିଡନୀ ଓ ଲିଭର୍ ଫୋଲିୟୋରର କାରଣ ସାଜିଥାଏ ।
ରନ୍ଧା ଭାତ : ଅନେକ ମହିଳା ରନ୍ଧାଭାତକୁ ମଧ୍ୟ ଫ୍ରିଜ୍ରେ ରଖିଥାନ୍ତି, ଯାହା ଆଦୌ ଠିକ୍ ନୁହେଁ । ରନ୍ଧାଭାତରେ ଖୁବ୍ କମ୍ ସମୟ ଭିତରେ ଫଙ୍ଗସ୍ ଲାଗିଥାଏ । ତେଣୁ ଯଦି ରନ୍ଧାଭାତକୁ ଫ୍ରିଜ୍ରେ ରଖୁଥାନ୍ତି, ତେବେ ୨୪ ଘଣ୍ଟାରୁ ଅଧିକ ସମୟ ରଖନ୍ତୁନାହିଁ ।
