ଭୁବନେଶ୍ୱର,୧୦/୧୧ : ବଲାଙ୍ଗିର ଆୟୁର୍ବେଦିକ ହସ୍ପିଟାଲ ଅଧ୍ୟକ୍ଷ ସୁଦର୍ଶନ ବେହେରା ଗିରଫ । ଚଢାଉ ପରେ ଲାଞ୍ଚୁଆ ଡାକ୍ତର ସୁଦର୍ଶନ ବେହେରାଙ୍କୁ ଗିରଫ କରିଛି ଭିଜିଲାନ୍ସ । ସୁଦର୍ଶନଙ୍କର ୨୮ପ୍ଲଟ, ୨୫୦ଗ୍ରାମ ସୁନା ଗହଣା ଜବତ କରାଯାଇଛି । ଗିରଫ ହୋଇଥିବା ନେଇ ଭିଜିଲାନ୍ସ ନିର୍ଦ୍ଦେଶକ ଯଶୋବନ୍ତ ଜେଠୱା ସୂଚନା ଦେଇଛନ୍ତି ।

ସୂଚନା ଅନୁଯାୟୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବଲାଙ୍ଗିର ସରକାରୀ ଆୟୁର୍ବେଦିକ୍ ହସପିଟାଲ୍ ଅଧ୍ୟକ୍ଷ ଜାକ୍ତର ସୁଦର୍ଶନ ବେହେରାଙ୍କ ଘରେ ଭିଜିଲାନ୍ସ ଚଢାଉ ହୋଇଥିଲା । ଏକାସାଙ୍ଗେ ପୁରୀ, ସମ୍ବଲପୁର ଏବଂ ବଲାଙ୍ଗିରର ୬ଟି ସ୍ଥାନରେ ଚଢାଉ ଜାରି ରହିଥିଲା । ଏଥିରେ ୬ଜଣ ଡିଏସପି, ୧୫ଜଣ ଇନସ୍ପେକ୍ଟରଙ୍କ ସହ ଅନ୍ୟ ଭିଜିଲାନ୍ସ କର୍ମଚାରୀ ସାମିଲ ହୋଇଥିଲେ ।