ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ରାଜଧାନୀରୁ ରହସ୍ୟଜନକ ଭାବେ ଡାକ୍ତର, ଇଞ୍ଜିନିୟର ନିଖୋଜ; ରେଳଷ୍ଟେସନ ସିସିଟିଭି ଅଣ୍ଡାଳୁଛି ପୁଲିସ

ଭୁବନେଶ୍ୱର,୦୩/୦୩: ରାଜଧାନୀରୁ ରହସ୍ୟଜନକ ଭାବେ ଜଣେ ଡାକ୍ତର ଓ ଜଣେ ଇଞ୍ଜିନିୟର ନିଖୋଜ ହୋଇଯାଇଛନ୍ତି । ଗୋଆଲିୟର ସହରର ଜଣେ ଇଞ୍ଜିନିୟର ଭୁବନେଶ୍ୱର ଆସି ନିଖୋଜ ଥିବା ବେଳେ କଟକରୁ ସ୍ପର୍ସ ହସ୍ପିଟାଲ୍‌ ଆସିଥିବା ଜଣେ ଡାକ୍ତର ନିଖୋଜ ଅଛନ୍ତି । ଏନେଇ ଉଭୟଙ୍କ ପରିବାର ଜିଆରପି ଥାନାରେ ଅଭିଯୋଗ କରିବା ପରେ ପୁଲିସ୍‌ ସେମାନଙ୍କୁ ଖୋଜାଖୋଜି ଆରମ୍ଭ କରିଛି ।  

ଗତ ସପ୍ତାହରେ ଇଞ୍ଜିନିୟର ବିଷ୍ଣୁ  ସିଂ କୌଣସି କାମରେ ଗୋଆଲିୟରରୁ ଟ୍ରେନ୍‌ ଯୋଗେ ଭୁବନେଶ୍ୱର ଆସିଥିଲେ । ମାଷ୍ଟର କ୍ୟାଣ୍ଟିନ୍‌ ରେଳ ଷ୍ଟେସନ୍‌ରେ ପହଞ୍ଚିବା ପରେ ସେ ପରିବାର ଲୋକଙ୍କ ସହ କଥା ହୋଇଥିଲେ । କାମ ସାରି ସେ ଶୁକ୍ରବାର ଦିନ ବିମାନ ଯୋଗେ ଦିଲ୍ଳୀ ଯିବାର ଥିଲା । ହେଲେ ଧାର୍ଯ୍ୟ ସମୟରେ ବିଷ୍ଣୁ ଯାଇ ନଥିଲେ କି ତାଙ୍କ ଘର ଲୋକଙ୍କୁ ଫୋନ୍‌ କରି ନଥିଲେ । ଘର ଲୋକ ବିଷ୍ଣୁଙ୍କୁ ଫୋନ୍‌ କରିବା ପରେ ତାଙ୍କ ମୋବାଇଲ ସୁଇଚ୍‌ ଅଫ୍‌ ଥିଲା । କିଛି ଖୋଜ ଖବର ନ ମିଳିବାରୁ ବିଷ୍ଣୁଙ୍କ ବଡ଼ ଭାଇ ଭୁବନେଶ୍ୱର ଜିଆରପିକୁ ଫୋନ୍‌ କରି ଘଟଣା ବିଷୟରେ ଜଣାଇଥିଲେ । ଏହାପରେ ଷ୍ଟେସନ୍‌ରେ ଲାଗିଥିବା ସିସିଟିଭି କ୍ୟାମେରା ଯାଞ୍ଚ କରିଥିଲେ । ସେଠାରୁ  ତାଙ୍କ କୌଣସି ସୁରାକ ମିଳିନାହିଁ ।  

ସେପଟେ କଟକ ତୁଳସୀପୁର ବିଜୁପଟ୍ଟନାୟକ ଛକରେ ରହୁଥିବା ଡାକ୍ତର ଦେବୀ ପ୍ରସାଦ ମିଶ୍ର (୩୬) ସହିଦନଗରରେ ଥିବା ସ୍ପର୍ସ ହସ୍ପିଟାଲ୍‌ରେ ଚାକିରି କରିଥିଲେ । ସବୁଦିନ ଭଳି ଗତ ୨୯ ତାରିଖରେ କଟକରୁ ଭୁବନେଶ୍ୱର ଆସି ହସ୍ପିଟାଲ୍‌ରେ କାମ କରିଥିଲେ ।  ସନ୍ଧ୍ୟା ୬ଟାରେ ହସ୍ପିଟାଲ୍‌ରୁ ବାହାରି  ଯାଇଥିଲେ । ହେଲେ ସେ ଘରେ ପହଞ୍ଚି ନଥିଲେ । ଘର ଲୋକ ବହୁ ଖୋଜାଖୋଜି କଲା ପରେ ବି ତାଙ୍କୁ ପାଇ ନଥିଲେ । ହସ୍ପିଟାଲ୍‌କୁ ଫୋନ୍‌ କରି ବୁଝିବାରୁ ସେମାନେ କହିଥିଲେ ସନ୍ଧ୍ୟାରୁ ସେ ଘରକୁ ଗଲେଣି । ତେବେ ତାଙ୍କୁ ନ ପାଇ ପରିବାର ଲୋକ ପ୍ରଥମେ ସହିଦନଗର ଓ ପରେ ଜିଆରପି ଥାନାକୁ ଯାଇଥିଲେ । ଷ୍ଟେସନ୍‌ରେ ଲାଗିଥିବା ସିସି କ୍ୟାମେରାରେ ଦେବୀଙ୍କୁ ଶେଷ  ଥର ଦେଖିବାକୁ ମିଳିଥିଲା । ଏନେଇ ତାଙ୍କ ପରିବାର ଲୋକ ଜିଆରପିରେ ଅଭିଯୋଗ କରିଛନ୍ତି । ପ୍ରାଥମିକ ତଦନ୍ତରୁ ପୁଲିସ୍‌ ଜାଣିବାକୁ ପାଇଛି ପାରିବାରିକ କଳହରୁ ଡାକ୍ତର ଘର ଛାଡ଼ି କେଉଁଆଡ଼େ ପଳାଇଥିବା ଅନୁମାନ କରାଯାଉଛି । ତାଙ୍କୁ ଖୋଜିବା ପାଇଁ ପୁଲିସ୍‌ ଲାଗି ପଡ଼ିଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.