ନୂଆଦିଲ୍ଲୀ, ୧୦/୧୧: ହିରୋ ମୋଟୋକର୍ପ ଲିମିଟେଡର ସିଏମଡି ଓ ଅଧ୍ୟକ୍ଷ ପୱନ କାନ୍ତ ମୁଞ୍ଜାଳଙ୍କ ସମ୍ପତ୍ତି ଜବତ କରିଛି ଇଡି । ପ୍ରବର୍ତ୍ତନ ନିର୍ଦ୍ଦେଶାଳୟ ପୱନ କାନ୍ତଙ୍କ ଦିଲ୍ଲୀ ସ୍ଥିତ ୩ଟି ସ୍ଥାବର ସମ୍ପତ୍ତି ଜବତ କରିଛି । ଜବତ ହୋଇଥିବା ସମ୍ପତ୍ତିର ମୂଲ୍ୟ ୨୪.୯୫ କୋଟି ହେବ । ମନି ଲଣ୍ଡରିଂ ମାମଲାରେ ଇଡି ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

ସୀମା ଶୁଳ୍କ ଅଧିନିୟମ, ୧୯୬୨ର ଧାରା ୧୩୫ ଅନୁସାରେ ପୱନ କାନ୍ତ ଓ ତାଙ୍କ କମ୍ପାନୀ ବିରୋଧରେ ଇଡି ମାମଲା ରୁଜୁ କରିଛି । ଯାହା ଡିଆରଆଇର ଅଭିଯୋଗ କ୍ରମେ ରୁଜୁ ହୋଇଛି । ଯେଉଁଥିରେ ଅଭିଯୋଗ ହୋଇଛି ଅବୈଧ ଭାବେ ପ୍ରାୟ ୫୪ କୋଟି ମୂଲ୍ୟର ବିଦେଶୀ ମୁଦ୍ରା ଭାରତରୁ ବାହାରକୁ ନିଆ ଯାଇଛି ।

ଦୁନିଆରେ ପ୍ରଥମଥର ପାଇଁ ହେଲା ଆଖି ପ୍ରତିରୋପଣ, ୨୧ ଘଣ୍ଟା ଧରି ଚାଲିଥିଲା ଅପରେସନ୍

ତଦନ୍ତରୁ ଜଣାପଡ଼ିଛି ପୱନ କାନ୍ତ ଅନ୍ୟମାନଙ୍କ ନାଁରେ ବିଦେଶୀ ମୁଦ୍ରା ଜାରି କରିଥିଲେ ଏବଂ ତାପରେ ବିଦେଶରେ ନିଜ ଉପରେ ଖର୍ଚ୍ଚ କରିଛନ୍ତି । ଏକ ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀ ଜରିଆରେ ବିଭିନ୍ନ କର୍ମଚାରୀଙ୍କ ନାଁରେ ଅଧିକୃତ ଡିଲରଙ୍କ ଠାରୁ ବିଦେଶୀ ମୁଦ୍ରା ଅଣାଯାଇ ପୱନ କାନ୍ତଙ୍କ ରିଲେସନସିପ୍ ମ୍ୟାନେଜରଙ୍କୁ ଦିଆଯାଇଥିଲା ।

ପୱନ କାନ୍ତଙ୍କ ମ୍ୟାନେଜର ବିଦେଶ ଯାତ୍ରା ବେଳେ ବିଦେଶୀ ମୁଦ୍ରାକୁ ନଗଦ ଓ କାର୍ଡରେ ଗୁପ୍ତ ଭାବେ ନେଉଥିଲେ । ଲିବରଲାଇଜ୍ଡ ରେମିଣ୍ଟେସ୍ ସ୍କିମ୍ ଅନୁସାରେ, ଜଣେ ବ୍ୟକ୍ତି ଗୋଟିଏ ବର୍ଷରେ ଅଢ଼େଇ ଲକ୍ଷ ପର୍ଯ୍ୟନ୍ତ ବିଦେଶୀ ମୁଦ୍ରା ବଦଳାଇ ପାରିବେ । ଏହି ଲିମିଟରୁ ଅଧିକ ଉଠାଣ ପାଇଁ ପୱନ କାନ୍ତ ଏଭଳି ସୂତ୍ର ଆପଣାଇ ଥିଲେ । ଏହା ପୂର୍ବରୁ ଇଡି ରେଡ୍ କରି ୨୫ କୋଟିର ଦାମୀ ସାମଗ୍ରୀ ଜବତ ସହ ଡିଜିଟାଲ୍ ପ୍ରମାଣ ଜବତ କରିଥିଲା ।

ବର୍ଷା ପରେ ଦୀପାବଳିରେ ଦିଲ୍ଲୀବାସୀଙ୍କୁ ଆଶ୍ୱସ୍ତି, ୪୦୦ରୁ ୧୦୦କୁ ଖସିଲା ଏୟାର କ୍ୱାଲିଟି ଇଣ୍ଡେକ୍ସ