ଓ୍ବାଶିଂଟନ୍‌, ୦୬/୦୯: ବିଶ୍ବର ଏକନମ୍ବର ଧନୀ ବ୍ୟକ୍ତି ଏଲନ ମସ୍କଙ୍କ ଜୀବନ ପ୍ରତି ବିପଦ ଥିବା ନେଇ ଆଶଙ୍କା ପ୍ରକାଶ ପାଇଛି । ଟେସଲା ସିଇଓ ଏଲନ ମସ୍କଙ୍କୁ ମାରିଦେବାକୁ ଯୋଜନା ହେଉଥାଇପାରେ ବୋଲି ତାଙ୍କ ବାପା ଏରୋଲ ମସ୍କ ଆଶଙ୍କା କରିଛନ୍ତି । ଆମେରିକା ସରକାରଙ୍କ ବିରୋଧରେ ମନ୍ତବ୍ୟ ଦେଉଥିବାରୁ ଏଲନ ମସ୍କଙ୍କ ଜୀବନ ପ୍ରତି ବପଦ ରହିଛି । ଏହା ବ୍ୟତୀତ ପୁଟିନଙ୍କ ଆଭିମୁଖ୍ୟକୁ ନେଇ ମଧ୍ୟ ଏରୋଲ ମସ୍କ ଚିନ୍ତିତ ଅଛନ୍ତି ।

କ୍ୟାପିଟଲ୍‌ ହିଲ୍‌ ହିଂସା: ଟ୍ରମ୍ପଙ୍କ ସମର୍ଥକଙ୍କୁ ୨୨ ବର୍ଷ ଜେଲ୍‌, ୧୧ ଶହ ଉପଦ୍ରବୀଙ୍କ ବିରୋଧରେ ମାମଲା

ସେପଟେ ଏଲନ ମସ୍କ ଲାଗତର ଦେଶର ନ୍ୟାୟିକ ବ୍ୟବସ୍ଥା ଏବଂ ଗଣମାଧ୍ୟମକୁ ଟାର୍ଗେଟ କରୁଛନ୍ତି । ଏହା ପୂର୍ବରୁ ଗତ ଜୁଲାଇରେ ରାଷ୍ଟ୍ରପତି ବାଇଡେନ୍‌ କହିଥିଲେ ଯେ, ମସ୍କଙ୍କ ବିରୋଧରେ ତଦନ୍ତ କରିବା ଲାଗି ଅନେକ ଦିଗ ରହିଛି । ସବୁଠୁ ଆଶ୍ଚର୍ଯ୍ୟର କଥା ହେଉଛି ନିକଟ ଅତୀତରେ ନିଜର ରହସ୍ୟମୟ ହତ୍ୟା ହେବ ବୋଲି କହିଥିଲେ ଏଲନ ମସ୍କ।  ଏଭଳି କହି ସେ ରୁଷକୁ ଟାର୍ଗେଟ କରିଥିଲେ । 

ଦ ୟୁଏସ୍‌ ସନ୍‌ର ରିପୋର୍ଟ ଅନୁସାରେ ଉଭୟ ଏରୋଲ ଏବଂ ଏଲନ୍‌ ଚିନ୍ତିତ ଅଛନ୍ତି । ଏଲନ ମସ୍କଙ୍କ ସହିତ ଆଗାମୀ ଦିନରେ କଣ ଘଟିପାରେ ବୋଲି ସେମାନେ ଚିନ୍ତା କରୁଛନ୍ତି । କେବଳ ଏଲନ ମସ୍କ ନୁହଁନ୍ତି ତାଙ୍କ କମ୍ପାନୀକୁ ବି ଟାର୍ଗେଟ କରାଯାଉଛି । 

କିଛି ଦିନ ତଳେ ମସ୍କଙ୍କ କମ୍ପାନୀ ସ୍ପେସ୍‌ ଏକ୍ସ ବିରୋଧରେ ମାମଲା ରୁଜୁ ହୋଇଛି । ସେହିଭଳି ଟେସଲା ମଧ୍ୟ ମମାଲାର ସାମ୍ନା କରିଛି । ତେବେ ଏଲନ୍‌ ମସ୍କ ବାକ୍‌ ସ୍ବାଧୀନତା ସମ୍ବନ୍ଧୀୟ ମନ୍ତବ୍ୟ ପାଇଁ ସବୁବେଳେ ଚର୍ଚ୍ଚାରେ ରହିଆସିଛନ୍ତି । ଏହା ସହ ଟ୍ବିଟରକୁ କିଣିବା ଏବଂ ଏଥିରେ ଗୁରୁତ୍ବପୂର୍ଣ୍ଣ ପରିବର୍ତ୍ତନ ଆଣିବା ଲାଗି ସମଗ୍ର ବିଶ୍ବରେ ଏଲନ ମସ୍କଙ୍କୁ ନେଇ ଚର୍ଚ୍ଚା ଆଲୋଚନା ଲାଗିରହିଛି ।

You can also read: ଅଲିବାବା ପରେ ଧୂମ୍ ମଚାଉଛି ଚାଇନିଜ୍ ସପିଂ ଆପ୍ ‘ଟେମୁ’, ଏକାଧିକ ଦେଶରେ ପଛରେ ପଡ଼ିଲା ଆମାଜନ୍