ଭଦ୍ରକ, ୦୯/୦୨ : ଭଦ୍ରକ ଜିଲ୍ଲା ପୁରୁଣାବଜାର ଦାସ ସାହିରେ ଚାଲିଥିବା ନକଲି ଜର୍ଦ୍ଦା କାରଖାନା ଉପରେ ଚଢାଉ। ୩୦ କେଜିର ନକଲି ଜର୍ଦ୍ଦା ସହ ଆବଶ୍ୟକୀୟ ସାମଗ୍ରୀ ଓ ଯନ୍ତ୍ରାଂଶ ଜବତ। ଏହି ଅଭିଯୋଗରେ ଜଣେ ଗିରଫ ହୋଇଥିବା ବେଳେ ଅନ୍ୟ ଜଣେ ଫେରାର୍।
ସୂଚନାନୁଯାୟୀ, ନକଲି ଜର୍ଦ୍ଦା କାରଖାନା ଚାଲିଥିବା ନେଇ ବିଶ୍ବସ୍ତ ସୂତ୍ରରୁ ଖବର ପାଇ ପୁରୁଣାବଜାର ପୋଲିସ ଏକ ସ୍ୱତନ୍ତ୍ର ଟିମ୍ ଗଠନ କରିଥିଲା। ଦାସ ସାହିରେ ପୋଲିସ ଏକ ଘରେ ଚଢ଼ାଉ କରିଥିଲା। ଚଢ଼ାଉ ବେଳେ ୩୦ କିଲୋ ଓଜନର ନକଲି ଜର୍ଦ୍ଦା ଜବତ ହୋଇଛି। ଜବତ ସାମଗ୍ରୀର ମୂଲ୍ୟ ୮ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି। ଜର୍ଦ୍ଦା ତିଆରି ପାଇଁ ଆବଶ୍ୟକ ଯନ୍ତ୍ରାଂଶ ପତି, କେମିକାଲ, ସେଣ୍ଟ୍ ଜବତ ହୋଇଛି। ପୁରୁଣାବଜାର ଥାନାରେ ୨୭ ନମ୍ବର କେସ ରୁଜୁ ହୋଇଥିବା ବେଳେ ଜଣେ ଅଭିଯୁକ୍ତ ଗିରଫ ହୋଇଛି। ଅନ୍ୟ ଜଣେ ଫେରାର ଥିବା ସୂଚନା ମିଳିଛି ।