ନୂଆଦିଲ୍ଲୀ,୮।୨: କୃଷକମାନେ ନିଜର ଦାବିକୁ ନେଇ ଲଗାତାର ବିକ୍ଷୋଭ ପ୍ରଦର୍ଶନ ଜାରି ରଖିଛନ୍ତି। କୃଷକମାନେ ଗୁରୁବାର ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି। ଏହି କାରଣରୁ ସକାଳେ ଦିଲ୍ଲୀ-ନୋଏଡା ସୀମାରେ ଖୁବ୍ ଜୋର୍ରେ ଟ୍ରାଫିକ ଜାମ୍ ହୋଇଥିବା ଖବର ରହିଛି। ନୋଏଡା ଏବଂ ଗ୍ରେଟର ନୋଏଡାର କୃଷକମାନେ ସଂସଦ ଘେରାଉ କରିବା ନେଇ ଧମକ ଦେଇଛନ୍ତି। କୃଷକ ଆନ୍ଦୋଳନ କାରଣରୁ ନୋଏଡା-ଗାଜିଆବାଦରେ ତିନି କିଲୋମିଟର ପର୍ଯ୍ୟନ୍ତ ଜାମ ଲାଗି ରହିଛି, ଯେଉଁଥିପାଇଁ ଲୋକମାନେ ଚିନ୍ତାରେ ପଡିଛନ୍ତି।
.@uptrafficpolice @dgpup @Uppolice @CP_Noida @dcptrafficnoida @noidatraffic @myogiadityanath क्या इस ट्रैफिक जाम का कोई इलाज है आपके पास? pic.twitter.com/nTARKIPREj
— Manish✍️ (@manishsmooth) February 8, 2024
ଦିଲ୍ଲୀର ସରିତା ବିହାର ଅଞ୍ଚଳରେ ଅନେକ ଦୁଇ ଚକିଆ ଯାନ ଏବଂ ଚାରି ଚକିଆ ଯାନ ଫଶି ରହିଛନ୍ତି। ପରେ ଦିଲ୍ଲୀରୁ ନୋଏଡା ମାର୍ଗରେ ଭାରି ଟ୍ରାଫିକ୍ ଜାମ୍ ଖବର ରହିଛି। ଏହି ପ୍ରତିବାଦକୁ ଦୃଷ୍ଟିରେ ରଖି ପୁଲିସ ସୁରକ୍ଷାକୁ ତ୍ୱରାନ୍ୱିତ କରିଛି। ସଂପୃକ୍ତ ଅଞ୍ଚଳରେ ୧୪୪ ଧାରା ଲାଗୁ କରାଯାଇଛି ଏବଂ ସମସ୍ତ ସୀମାକୁ ୨୪ ଘଣ୍ଟା ପାଇଁ ସିଲ୍ କରାଯାଇଛି। ଲୋକମାନେ କୌଣସି ଅସୁବିଧାର ସମ୍ମୁଖୀନ ନହେବାକୁ ବ୍ୟବସ୍ଥା କରାଯାଇଛି। ସୁରକ୍ଷାକୁ ବଢ଼ାଇ ଦିଆଯାଇଛି। ନୋଏଡା-ଗାଜିଆବାଦରେ ସ୍ଥିତି ଅଧିକ ଖରାପ ରହିଛି। ସକାଳୁ ଅଫିସ ପାଇଁ ବାହାରିଥିବା ଲୋକେ ଜାମ୍ରେ ଫଶି ରହିଛନ୍ତି।
ଗ୍ରେଟର ନୋଏଡା ପ୍ରାଧିକାରଣ କାର୍ଯ୍ୟାଳୟରେ ୫୧ ଗାଁର କୃଷକ ଲଗାତାର ପ୍ରଦର୍ଶନ କରୁଛନ୍ତି, କିନ୍ତୁ କୌଣସି ଫଳାଫଳ ନବାହାରିବା କାରଣରୁ ସେ ଉତ୍ୟକ୍ତ ହୋଇଯାଇଛନ୍ତି। କୃଷକଙ୍କ କହିବା ଅନୁସାରେ, ୨୧ ଟି ପ୍ରସଙ୍ଗ ଉପରେ ଲଖିତି ଚୁକ୍ତି ହୋଇଛି, ଯେଉଁଥିରେ କିଛିରେ କାମ ହୋଇଛି ଓ ବାକି ଉପରେ ଲଗାତାର ଦାବି କରାଯାଉଛି।
