ହନୋଇ, ୧୩/୦୯: ଖିଆପିଆ ସାରି ସମସ୍ତେ ଶୋଇବାକୁ ଯାଉଥିଲେ । କେହି କେହି ଝରକା କବାଟ ବନ୍ଦ କରି ଲାଇଟ୍ ଅଫ୍ କରି ଆଖି ବୁଜୁଥିଲେ । ଆଉ ସେହି ସମୟରେ ହଠାତ୍ ୯ ମହଲା କୋଠାରେ ନିଆଁ ଲାଗି ଗଲା । ଭିଏତନାମର ରାଜଧାନୀ ହନୋଇରେ ୯ ମହଲା କୋଠାରେ ଅଗ୍ନିକାଣ୍ଡ ଘଟିଥିବା ବେଳେ ଏଥିରେ ୫୦ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଛୁଆ ବି ରହିଛନ୍ତି ।
ଭିଏତନାମ ଅଗ୍ନିଶମ ବାହିନୀ ପ୍ରାୟ ୭୦ ଜଣଙ୍କୁ ଉଦ୍ଧାର କରିଛି । ଏହି ବିଲ୍ଡିଂରେ ପ୍ରାୟ ୧୫୦ ଜଣ ରହୁଥିଲେ । ସ୍ଥାନୀୟ ସମୟ ରାତି ପ୍ରାୟ ୧୧ଟା ୩୦ରେ ଅଗ୍ନିକାଣ୍ଡ ହୋଇଥିବା ବେଳେ ଏଯାଏଁ ନିଆଁ ଲାଗିବାର କାରଣ ଜଣାପଡ଼ି ନାହିଁ । ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିବା ବେଳେ କାହିଁକି ନିଆଁ ଲାଗିଲା ପୋଲିସ ତାର ଯାଞ୍ଚ କରୁଛି ।
ICC ODI Ranking: ଟପ୍ ଟେନ୍ରେ ୩ ଭାରତୀୟ ବ୍ୟାଟର, ଏବେ ବି ଶୀର୍ଷରେ ବାବର ଆଜମ୍
ରାତିରେ ଲାଗିଥିବା ନିଆଁ ଲିଭିଥିବା ବେଳେ ଏବେବି କୋଠାରୁ ଧୂଆଁ ବାହାରୁଛି । ଉକ୍ତ ବିଲ୍ଡିଂରେ ଜରୁରୀକାଳୀନ ଦ୍ୱାର ନଥିଲା । ପ୍ରବେଶ ଓ ପ୍ରସ୍ଥାନ ପାଇଁ ଗୋଟିଏ ମାତ୍ର ରାସ୍ତା ରହିଥିବା ଜଣାପଡ଼ିଛି । ବିଭିନ୍ନ ମହଲାର ବାଲକୋନୀକୁ ଲୁହା ରେଲିଂରେ ଆବଦ୍ଧ କରାଯାଇଥିବାରୁ ନିଆଁର ପ୍ରକୋପ ଅଧିକ ସମୟ ରହିଥିଲା ।
ବର୍ଷକ ତଳେ ଭିଏତନାମର ବାଣିଜ୍ୟ କେନ୍ଦ୍ର ମିହ୍ନ ସିଟି କରାଓକେ ବାରରେ ନିଆଁ ଲାଗି ୩୨ ଜଣଙ୍କ ମୃତ୍ୟୁ ହୋଇଥିଲା । ପ୍ରାୟ ୧୭ ଜଣ ଆହତ ହୋଇଥିଲେ । ଏହି ଘଟଣା ପରେ ନିୟମ ଉଲ୍ଲଂଘନ ଅଭିଯୋଗରେ ଗିରଫ ହୋଇଥିଲେ ବାର ମାଲିକ ।
ସଂସଦର ସ୍ୱତନ୍ତ୍ର ଅଧିବେଶନ ପୂର୍ବରୁ ସରକାର ଡାକିଲେ ସର୍ବଦୈଳୀୟ ବୈଠକ, କଂଗ୍ରେସ କହିଲା ‘ଏଯାଏଁ ମିଳିନି ଏଜେଣ୍ଡା’
୨୦୧୮ରେ ମଧ୍ୟ ମିହ୍ନ ସିଟିର ଏକ ଆପାର୍ଟମେଣ୍ଟରେ ନିଆଁ ଲାଗି ୧୩ ଜଣଙ୍କର ଜୀବନ ଯାଇଥିଲା । ତା ପୂର୍ବରୁ ୨୦୧୬ରେ ହନୋଇର ଏକ କରାଓକେ ବିଲ୍ଡିଂରେ ଅଗ୍ନିକାଣ୍ଡରେ ୧୩ ଜଣଙ୍କ ମୃତ୍ୟୁ ହୋଇଥିଲା । କିଛିଦିନ ତଳେ ଦକ୍ଷିଣ ଆଫ୍ରିକାର ଜୋହାନ୍ସବର୍ଗର ଏକ ୫ ମହଲା କୋଠାରେ ନିଆଁ ଲାଗିବାରୁ ୭୩ ଜଣ ପ୍ରାଣ ହରାଇଥିଲେ ।