ନୂଆଦିଲ୍ଲୀ, ୦୨/୦୯: ୫ ବର୍ଷର ଏକ ଛୋଟ ପିଲା ନିଜକୁ ନିଜେ ଗୁଳି କରିଦେଇଛି । କେୟାର ଟେକର ବନ୍ଧୁକରୁ ନିଜ ମୁଣ୍ଡକୁ ଭୁଲ ବଶତଃ ଗୁଳି କରିଦେଇଛି କୁନି ପୁଅ । ମିଳିଥିବା ସୂଚନା ଅନୁସାରେ, କେୟାର ଟେକରଜଣଙ୍କ ବନ୍ଧୁକଟିକୁ ପାଖରେ ରଖି ଶୋଇପଡ଼ିଥିଲେ । ଏହି ସମୟରେ ଛୋଟ ପିଲାଟି ବନ୍ଧୁକଟିକୁ ପାଇ ନିଜକୁ ନିଜେ ଗୁଳି କରିଦେଇଥିଲା ।
ପଢ଼ନ୍ତୁ: ମଣିଷ ନା ରାକ୍ଷସ ? ୮୫ ବର୍ଷୀୟା ବୃଦ୍ଧାଙ୍କୁ ଦୁଷ୍କର୍ମ ପରେ ଓଠକୁ ବ୍ଲେଡ୍ରେ କାଟିଲା ଯୁବକ
ଗୁଳି ଫୁଟିବାର ଶବ୍ଦ ଶୁଣି ଉଠିପଡ଼ିଥିଲେ କେୟାର ଟେକରଜଣଙ୍କ । ହେଲେ ସେତେବେଳକୁ ସବୁକିଛି ଓଲଟପାଲଟ ହୋଇସାରିଥିଲା । ରକ୍ତ ଜୁଡ଼ୁବୁଡୁ ଅବସ୍ଥାରେ ଶିଶୁଟିକୁ ହସ୍ପିଟାଲକୁ ନେଇଥିଲେ କେୟାର ଟେକର । ହେଲେ ସେଠାରେ ପିଲାଟିକୁ ମୃତ ଘୋଷଣା କରିଛନ୍ତି ଡାକ୍ତର । ପୋଲିସକୁ କେୟାର ଟେକର ଦେଇଥିବା ବୟାନ ଅନୁସାରେ, ୩୨ ବର୍ଷୀୟ କେୟାର ଟେକରକୁ ଘର ମାଲିକ ନିଜ ୫ ବର୍ଷର ପୁଅ ଏବଂ ଜଣେ ୧୭ ବର୍ଷର ଝିଅର ଦାୟିତ୍ବ ଦେଇଥିଲେ । ଘରେ ବୟସ୍କ ଲୋକେ ନଥିଲେ ଏହି ଦୁଇ ପିଲାଙ୍କ କଥା ବୁଝୁଥିଲେ କେୟାର ଟେକର । ତେବେ ଛୋଟ ପିଲାଟି ଭୁଲ ବଶତଃ ବନ୍ଧୁକର ଫାୟାର ଆର୍ମ ଖୋଲିଦେଇଥିବା ନେଇ କେୟାର ଟେକର କହିଛି ।
ଆମେରିକାର ଗ୍ୟାରି ପୋଲିସ ବିଭାଗର କମାଣ୍ଡର ସାମୁଏଲ ରୋବର୍ଟସ କହିଛନ୍ତି ଯେ, କେୟାର ଟେକରଙ୍କୁ ଅଟକ ରଖାଯାଇଛି । ହେଲେ ଏଯାଏଁ କୌଣସି ଦଫା ତାଙ୍କ ବିରୁଦ୍ଧରେ ଲାଗିନାହିଁ । ମସସ୍ତ ତଥ୍ୟ ପ୍ରମାଣକୁ ଆଧାର କରି ଘଟଣାର ତଦନ୍ତ ଜାରି ରହିଛି । ସେପଟେ ପୋଲିସ ସ୍ଥାନୀୟ ଲୋକଙ୍କୁ ସୂଚନା ଦେବାକୁ ଅନୁରୋଧ କରିଛି । ଫଳରେ ଏହି ଘଟଣା ଭୁଲ ବଶତଃ ହୋଇଛି ନା ଏହା ପଛରେ ଅନ୍ୟ କାରଣ ରହିଛି ସେନେଇ ପୋଲିସକୁ କିଛି ସୁରାକ୍ ମିଳିପାରିବ ।
You can also read: ‘ଲାଇବ୍ରେରୀ ୱାଲି ବସ୍’; ହଜାରେ ପୁସ୍ତକକୁ ନେଇ ପଚିଚାଳିତ, ଦୈନିକ ଆସନ୍ତି ୨୦ରୁ ୩୦ ପିଲା
