ପ୍ରମୂଖ ଖବର
  • ଜୁନ୍ ୧୮ରେ ବାରାଣସୀ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତୃତୀୟ ପାଳିରେ ହେବ ପ୍ରଥମ ଗସ୍ତ
  • ||
  • ଅରୁଣାଚଳର ମୁଖ୍ୟମନ୍ତ୍ରୀ ଭାବେ ଶପଥ ନେବେ ପେମା ଖାଣ୍ଡୁ, ସମାରୋହରେ ସାମିଲ୍ ହେବେ ଜେପି ନଡ୍ଡା, ଅମିତ ଶାହ
  • ||
  • ବିଧାୟକ ପଦରୁ ସପା ମୁଖ୍ୟ ଅଖିଳେଶ ଯାଦବଙ୍କ ଇସ୍ତଫା
  • ||
  • ପୁରୀ : ଖୋଲିଲା ଶ୍ରୀମନ୍ଦିର ୪ ଦ୍ବାର, ମଙ୍ଗଳ ଆଳତି ଦର୍ଶନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
  • ||

ଦାଦାଙ୍କ ନୂଆ ଇଂନିସ୍, ଏବେ ଟାଟା ଓ ମିତ୍ତଲଙ୍କୁ ଦେବେ ଟକ୍କର

ନୂଆଦିଲ୍ଲୀ, ୧୬/୦୯: ଭାରତୀୟ କ୍ରିକେଟର ଅନ୍ୟତମ ସଫଳ ଅଧିନାୟକଙ୍କ ମଧ୍ୟରୁ ସୌରଭ ଗାଙ୍ଗୁଲି ଅନ୍ୟତମ । ସେ ଭାରତୀୟ କ୍ରିକେଟ୍ ବୋର୍ଡ (BCCI)ର ଅଧ୍ୟକ୍ଷ ଭାବେ ବି କାର୍ଯ୍ୟ କରି ସାରିଛନ୍ତି । ପୂର୍ବତନ କ୍ରିକେଟର ସୌରଭ ଗାଙ୍ଗୁଲି ଏବେ ଆରମ୍ଭ କରିବାକୁ ଯାଉଛନ୍ତି ନୂଆ ଇଂନିସ୍ । ତେବେ ଦାଦାଙ୍କ ନୂଆ ପାଳି କ୍ରିକେଟ୍ ମୈଦାନରେ ନୁହେଁ ବରଂ ବ୍ୟବସାୟରେ ଆରମ୍ଭ ହେବ ।

ସ୍ପେନର ମ୍ୟାଡ୍ରିଡରେ ଚାଲିଥିବା ବଙ୍ଗାଲ ଗ୍ଲୋବାଲ୍ ବିଜନେସ୍ ସମ୍ମିଟରେ ଖୋଦ୍ ସୌରଭ ଗାଙ୍ଗୁଲି ତାଙ୍କ ନୂଆ ପାଳି ନେଇ ଘୋଷଣା କରିଛନ୍ତି । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟକୁ ପୁଞ୍ଜିନିବେଶ ଆକର୍ଷିତ କରିବା ଲାଗି ୧୨ ଦିନିଆ ବିଦେଶ ଗସ୍ତରେ ଅଛନ୍ତି । ସ୍ପେନ୍ ଓ ଦୁବାଇ ଯାତ୍ରାରେ ଦିଦିଙ୍କ ସହ ଅଛନ୍ତି ସୌରଭ ଗାଙ୍ଗୁଲି । 

ଏଲଓସି ନିକଟ ବାରମୂଳାରେ ଗୁଳି ବିନିମୟରେ ୨ ଆତଙ୍କବାଦୀ ନିହତ, ସର୍ଚ୍ଚ ଅପରେସନ୍ ଜାରି

ଏହି ଅବସରରେ ସ୍ପେନରେ ଗାଙ୍ଗୁଲି କହିଛନ୍ତି, ସେ ପଶ୍ଚିମବଙ୍ଗର ପଶ୍ଚିମ ମେଦିନୀପୁରର ସାଲବୋନିରେ ଏକ ଇସ୍ପାତ କାରଖାନା ପ୍ରତିଷ୍ଠା କରିବେ । ଏଥିସହ ବାଣିଜ୍ୟରେ ନୂଆ ଇଂନିସ୍ ଆରମ୍ଭ କରିବାକୁ ଯାଉଥିବା ଦାଦାଙ୍କ ମୁକାବିଲା ଷ୍ଟିଲ୍ ଇଣ୍ଡଷ୍ଟ୍ରିରେ ଟାଟା ଓ ମିତ୍ତଲ ଭଳି ବ୍ରାଣ୍ଡ ସହ ହେବ ।

ଗାଙ୍ଗୁଲିଙ୍କ ଅନୁସାରେ, ଏହା ପଶ୍ଚିମବଙ୍ଗରେ ତାଙ୍କର ତୃତୀୟ ଷ୍ଟିଲ୍ ପ୍ଲାଣ୍ଟ ହେବ । ୨୦୦୭ରେ ସୌରଭ ଗାଙ୍ଗୁଲି ପ୍ରଥମ ପ୍ଲାଣ୍ଟ ଆରମ୍ଭ କରିଥିଲେ । ନୂଆ କାରଖାନା କାର୍ଯ୍ୟ ଆଗାମୀ ୬ରୁ ୭ ମଧ୍ୟରେ ଆରମ୍ଭ ହୋଇ ବର୍ଷେ ମଧ୍ୟରେ କାର୍ଯ୍ୟକ୍ଷମ ହେବ ବୋଲି ଜଣାପଡ଼ିଛି ।

୨୦୨୪ରେ ମୋକ୍ଷ ପାଇବେ ସନାତନ ଧର୍ମକୁ ଗାଳି କରୁଥିବା ଲୋକ: ବାବା ରାମଦେବ

ବ୍ୟବସାୟିକ ପରିବାରରୁ ଆସିଥିବା ସୌରଭଙ୍କ ଦାଦା ଜଣେ ବଡ଼ ବ୍ୟବସାୟୀ । ୫୦ ବର୍ଷ ତଳେ ତାଙ୍କ ଦାଦା ପଶ୍ଚିମବଙ୍ଗରେ ବ୍ୟବସାୟ ଆରମ୍ଭ କରିଥିଲେ । କ୍ରିକେଟ୍ ଜଗତର ବଡ଼ ଚେହେରା ସୌରଭଙ୍କ ନେତୃତ୍ୱରେ ଭାରତୀୟ ଦଳ ଅନେକ ସଫଳତା ପାଇଥିଲା । ଆକଳନ ଅନୁସାରେ, ସୌରଭ ଗାଙ୍ଗୁଲିଙ୍କ ମୋଟ ସମ୍ପତ୍ତି ପ୍ରାୟ ୮୫ ମିଲିୟନ୍ ଡଲାର । ଯାହାକି ଭାରତୀୟ ମୁଦ୍ରାରେ ପ୍ରାୟ ୭ ଶହ କୋଟି ହେବ । 

  • Steel Plant
  • Sourav Ganguly
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.