କାଶୀପୁର,୨/୨ : ରାୟଗଡ଼ା ଜିଲ୍ଲା କାଶୀପୁର ବ୍ଲକର ୪ଜଣ ଶିକ୍ଷକଙ୍କ ସହ ସରମବାଇ ପ୍ରାଥମିକ ବିଦ୍ୟାଳୟକୁ ମିଳିଛି ରାଜ୍ୟ ସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର । ଗତକାଲି ମୋ ସ୍କୁଲ ଅଭିଯାନ ପରିଚାଳନା ସଙ୍ଗଠନ ପକ୍ଷରୁ ଭୁବନେଶ୍ୱରସ୍ଥିତ କଳିଙ୍ଗ ଷ୍ଟାଡିୟମଠାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇଥିଲେ ।
ସେହିପରି ୫ଟି ଅଧ୍ୟକ୍ଷ ଭିକେ ପାଣ୍ଡିଆନ, ଗଣ ଶିକ୍ଷା ବିଭାଗ ସଚିବ ଏବଂ ବିଭାଗୀୟ ମନ୍ତ୍ରୀ ସୁଦାମ ମାରାଣ୍ଡି ପ୍ରମୁଖ ଯୋଗଦେଇ ଶ୍ରେଷ୍ଠ ବିଦ୍ୟାଳୟ, ଶିକ୍ଷକ, ଆଲୁମିନି କମିଟି, ପରିଚାଳନା କମିଟି ଏବଂ ଶ୍ରେଷ୍ଠ ବିଇଓଙ୍କୁ ଟ୍ରଫି, ମାନପତ୍ର ପ୍ରଦାନ କରି ପୁରସ୍କୃତ କରାଯାଇଥିଲା ।
ଏହି ଅବସରରେ କାଶୀପୁର ବ୍ଲକ ଟିକିରି ଉଚ୍ଚ ମାଧ୍ୟମିକ ବିଦ୍ୟାଳୟ ଶିକ୍ଷକ ରଞ୍ଜିତ ମିଶ୍ର ଏବଂ ରାଜେନ୍ଦ୍ର ମୋହନ୍ତ ଏବଂ ମାଇକଞ୍ଚ ଉଚ୍ଚ ବିଦ୍ୟାଳୟର ଏଆର ବୁଟିକା, କୃଷ୍ଣଚନ୍ଦ୍ର ପଣ୍ଡାଙ୍କୁ ବେଷ୍ଟ ସେକେଣ୍ଡାରୀ ଟିଚର ଭାବେ ମାନପତ୍ର ସହ ଟ୍ରଫି ପ୍ରଦାନ କରି ପୁରସ୍କୃତ କରାଯାଇଛି ।ସେହିପରି ସୁଙ୍ଗେର ପଞ୍ଚାୟତର ସରମବାଇ ପ୍ରାଥମିକ ବିଦ୍ୟାଳୟର ଶିକ୍ଷା ଏବଂ ଶିକ୍ଷଣୀୟ ପରିବେଶ ଯୋଗୁଁ ଏହି ବିଦ୍ୟାଳୟକୁ ମିଳିଛି ଶ୍ରେଷ୍ଠ ପୁରସ୍କାର । ମୁଖ୍ୟମନ୍ତ୍ରୀଙ୍କଠାରୁ ରାଜ୍ୟସ୍ତରୀୟ ପୁରସ୍କାର ପାଇ କାଶୀପୁର ବ୍ଲକକୁ ଗୌରବାନ୍ଵିତ କରିଥିବା ଶିକ୍ଷକ ଏବଂ ବିଦ୍ୟାଳୟ ପ୍ରତି ବିଭିନ୍ନ ମହଲରୁ ଅଭିନନ୍ଦନ ର ସୁଅ ଛୁଟି ବାରେ ଲାଗିଛି ।
