ବେଜିଂ, ୦୭/୦୯: ଦେଶର ନାଁ ଭାରତ ନା ଇଣ୍ଡିଆ । ଜି୨୦ ସମ୍ମିଳନୀ ଡିନର୍ ଲାଗି ନିମନ୍ତ୍ରଣ ପତ୍ରରେ ପ୍ରେସିଡେଣ୍ଟ ଅଫ୍ ଇଣ୍ଡିଆ ବଦଳରେ ପ୍ରେସିଡେଣ୍ଟ ଅଫ୍ ଭାରତ ଲେଖା ଯାଇଥିଲା । ଯାହାକୁ ନେଇ ଚର୍ଚ୍ଚା ହେଉଛି କେନ୍ଦ୍ର ସରକାର ଦେଶର ନାଁ ପରିବର୍ତ୍ତିନ କରିବାକୁ ଚାହୁଁଛନ୍ତି । ଦେଶ ଭିତରେ ତେଜିଥିବା ଏ ବିବାଦରେ ଏବେ ପଡ଼ୋଶୀ ଚୀନ୍ ମୁଣ୍ଡ ଖେଳାଇଛି ।
ଚୀନ୍ ସରକାରଙ୍କ ମୁଖପତ୍ର ଗ୍ଲୋବାଲ୍ ଟାଇମ୍ସ ଗୁରୁବାର ଲେଖିଛି, ଭାରତ ବନାମ ଇଣ୍ଡିଆ ଅପେକ୍ଷା ସରକାର ସ୍ଥାନୀୟ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଧ୍ୟାନ କେନ୍ଦ୍ରିତ କରିବା ଆବଶ୍ୟକ । ଜି୨୦ ଶିଖର ସମ୍ମିଳନୀକୁ ଇସାରା କରି ଗ୍ଲୋବାଲ୍ ଟାଇମ୍ସ ଲେଖିଛି- ଦେଶକୁ ନିଜର ଅର୍ଥ ବ୍ୟବସ୍ଥାରେ ସୁଧାର, ଖୋଲାପଣର ବିସ୍ତାର ଓ ବିଦେଶ ନିବେଶକୁ ଆକର୍ଷିତ କରିବା ଲାଗି ଜି୨୦ ଅଧ୍ୟକ୍ଷତାର ବ୍ୟବାର କରିବା ଆବଶ୍ୟକ ।
ମାନଚିତ୍ର ବିବାଦରେ ଚାରିଆଡୁ ଘେରିଲା ଚୀନ୍: ଏବେ ଜାପାନା କଲା କଡ଼ା ବିରୋଧ, କହିଲା- ‘ସେନକାକୁ ଦ୍ବୀପ ଆମର’
ଗ୍ଲୋବାଲ୍ ଟାଇମ୍ସ ମାଧ୍ୟମରେ ଚୀନ, ଭାରତକୁ ପରାମର୍ଶ ଦେଇ କହିଛି- ଜି୨୦ ମାଧ୍ୟମରେ ଭାରତ ଅନେକ ଉପାୟକୁ ଧିରେ ଧିରେ ଲାଗୁ କରିବା ଦରକାର । ଏଭଳି କାର୍ଯ୍ୟ ଦେଶର ନାମ ପରିବର୍ତ୍ତନ ଠାରୁ ଅଧିକ ଗୁରୁତ୍ୱପୂର୍ଣ୍ଣ ଅଟେ ।
ଦୁନିଆରେ ଭାରତୀୟ ଅର୍ଥ ବ୍ୟବସ୍ଥା ଦ୍ରୁତ ଗତିରେ ବଢ଼ୁଥିବା କଥାକୁ ଚୀନ ସ୍ୱୀକାର କରିଛି । ତଥାପି ଦେଶର ନାଁ ଭାରତ ବନାମ ଇଣ୍ଡିଆକୁ ନେଇ ଚୀନ କଟାକ୍ଷ କରିବାକୁ ପଛାଇ ନାହିଁ । କହିଛି, ଭାରତ ନିଜ ଆଡ଼କୁ ଦୁନିଆର ନଜର ଆକର୍ଷିତ କରିବାକୁ ଚାହୁଁଛି । ତେବେ ଭାରତ ଯେ ପର୍ଯ୍ୟନ୍ତ ଜି୨୦ ଅଧ୍ୟକ୍ଷତାର ଠିକ୍ ବ୍ୟବହାର ନ କଲେ, ଏହା ଦ୍ୱାରା କିଛି ପ୍ରଭାବ ପଡ଼ିବ ନାହିଁ ବୋଲି ଚୀନ କହିଛି ।
୬୦୦ ଏମ୍ଏଲ୍ ବିଷ କାଢ଼ିବାକୁ ଲାଗିଲା ୨୪ ଦିନ, ଦିନକୁ ୨୦୮ ଇଞ୍ଜେକ୍ସନ ଦେଇ ଚାଷୀଙ୍କ ଜୀବନ ବଞ୍ଚାଇଲେ ଡାକ୍ତର
ଗ୍ଲୋବାଲ୍ ଟାଇମ୍ସ ଆହୁରି ଲେଖିଛି, ୧୯୯୧ ପରେ ଆର୍ଥିକ ସୁଧାର ମାମଲାରେ ମୋଦୀ ସରକାରଙ୍କ ପଦକ୍ଷେପ ମହତ୍ୱାକାଂକ୍ଷୀ । ଦୁନିଆ ଲାଗି ଭାରତ ତାର ବଜାରକୁ ଉନ୍ମୁକ୍ତ ରଖିବାକୁ ପଛାଉଛି । ଏମିତି ଇସାରା ଦେଇ ବେଜିଂ, ଚୀନ୍ କମ୍ପାନୀ ଲାଗି ଭାରତର ବଜାର ଉନ୍ମୁକ୍ତ ପାଇଁ କହିଛି ।