ନୂଆଦିଲ୍ଲୀ : କେନ୍ଦ୍ର ସରକାର ଅଫର ଫର୍‌ ସେଲ୍‌ ଅର୍ଥାତ୍ ଓଏଫଏସ୍‌ ମାଧ୍ୟମରେ ରେଲୱେ ସହ ଜଡିତ କମ୍ପାନୀ ଇରକନ୍‌ରେ ୮ପ୍ରତିଶତ ସେୟାର ବିକ୍ରି କରିବେ। ନିର୍ମାଣ କମ୍ପାନୀ ବୁଧବାର ଷ୍ଟକ୍‌ ଏକ୍ସଚେଞ୍ଜ ଫାଇଲ୍‌ରେ କହିଛି କି, ଏଥିପାଇଁ ସର୍ବନିମ୍ନ ଦାମ୍‌ ୧୫୪ ଟଙ୍କା ପ୍ରତି ସେୟାର ସ୍ଥିର କରାଯାଇଛି। କହି ରଖୁଛୁ କି, ଯୋଜନା ମୁତାବିକ , ସରକାର ଏହି କମ୍ପାନୀରେ ୪ପ୍ରତିଶତ ଅଂଶଧନ ବିକ୍ରି କରିବେ। ଏହା ବ୍ୟତୀତ ଯଦି ଅଫର ଓଭରସବ୍ସକ୍ରାଇବ୍‌ ହେଲା ତ ଅତିରିକ୍ତ ୪ପ୍ରତିଶତ ଷ୍ଟକ୍‌ ବିକ୍ରି କରାଯିବ।

ବିକ୍ରି ପାଇଁ ସର୍ବନିମ୍ନ ମୂଲ୍ୟ ୧୫୪ ଟଙ୍କା ପ୍ରତି ସେୟାର ସ୍ଥିର କରାଯାଇଛି। ଏହି ପ୍ରାଇସ୍‌ ବୁଧବାର ବନ୍ଦ ପ୍ରାଇସ୍‌ରୁ ୧୦.୫ ପ୍ରତିଶତ ଡିସକାଉଣ୍ଟରେ ରହିଛି। ବର୍ତ୍ତମାନରେ ସରକାରଙ୍କ ପାଖରେ IRCONରେ ୭୩.୧୮ ପ୍ରତିଶତ ସେୟାର ଅଛି। ଏବଂ ୮ପ୍ରତିଶତ ସେୟାର ବିକ୍ରିରେ ସରକାରଙ୍କୁ ପାଖାପାଖି ୧୧.୫୯ ବିଲିୟନ ଟଙ୍କା ( ୧୩୯.୧୧ ମିଲିୟନ ଡଲାର ) ସଂଗ୍ରହ କରିବାରେ ସାହାଯ୍ୟ ମିଳିବ। ଏବେସୁଦ୍ଧା ସରକାର ୨୦୨୩ / ୨୪ ରେ ସାର୍ବଜନିକ କ୍ଷେତ୍ରର ୟୁନିଟ୍‌ରେ ସେୟାର ବିକ୍ରି କରି ୮୮.୫୯ ବିଲିୟନ ଟଙ୍କା ସଂଗ୍ରହ କରିଛନ୍ତି , ହେଲେ ଟାର୍ଗେଟ୍‌ ୫୧୦ ବିଲିୟନ ଟଙ୍କା ରହିଛି।

କହି ରଖୁଛୁ କି , ହରକନ୍‌ର ସେୟାର ଆଜି ବୁଧବାର ପାଖାପାଖି ୧ ପ୍ରତିଶତର ହ୍ରାସ ସହ ୧୭୧,୬୫ଟଙ୍କାରେ ବନ୍ଦ ହୋଇଛି। ଗତ ଏକ ମାସରେ ଏହି ସେୟାର ୧୨.୫୬ ପ୍ରତିଶତ ଓ ଗତ ୬ ମାସରେ ଏହି ସେୟାର ୯୭.୮୭ ପ୍ରତିଶତ ବଢିଛି। ଚଳିତ ବର୍ଷ ୱାଇଟିଡିରେ ଏବେସୁଦ୍ଧା ଏହି ସେୟାର ୧୮୮ ପ୍ରତିଶତର ରିଟର୍ନ ଦେଇଛି। ଗତ ଏକ ବର୍ଷର କଥା ଯଦି କହିବା ତ  ହରକନ୍‌ର ସେୟାର ୩୦୦ ପ୍ରତିଶତ ଯାଏ ବଢିଛି। ଏହାର ୫୨ ୱିକ୍‌ ହାଇ ପ୍ରାଇସ୍‌ ୧୭୯.୯୦ ଟଙ୍କା ଓ ୫୨ ୱିକ୍‌ର ଲୋ ପ୍ରାଇସ୍‌ ୪୮.୮୦ ଟଙ୍କା ରହିଛି। କମ୍ପାନୀର ମାର୍କେଟ୍‌ କ୍ୟାପ୍‌ ୧୬,୧୭୬.୮୭ କୋଟି ଟଙ୍କା।