ଭୁବନେଶ୍ୱର, ୪।୦୨: ଆସନ୍ତା ବିଧାନସଭା ପାଇଁ କଂଗ୍ରେସ ହାତରେ ଲମ୍ଭା ତାଲିକା । ସରକାରଙ୍କୁ ଘେରିବାକୁ ବିଧାନସଭାରେ ମାଳ ମାଳ ପ୍ରସଙ୍ଗ ରହିଛି । କଂଗ୍ରେସ ପ୍ରସ୍ତୁତି ଆରମ୍ଭ କରିଛି । ଉଭୟ ରାଜ୍ୟ ଏବଂ କେନ୍ଦ୍ର ସରକାର ଧର୍ମକୁ ନେଇ ରାଜନୀତି କରୁଛନ୍ତି । ଏକଥା ଗୃହରେ ଉଠେଇବ କଂଗ୍ରେସ । ଏହା ସହ ଜଗନ୍ନାଥ ପରିକ୍ରମା ପ୍ରକଳ୍ପ ୪୨୦୦ କୋଟି ଟଙ୍କାର ହିସାବ ଦେବାକୁ ହେବ ବୋଲି କହିଛି କଂଗ୍ରେସ ।  

ସେହିପରି ଜଗନ୍ନାଥଙ୍କୁ ଭିକାରୀ କରିଦେଲେ ରାଜ୍ୟ ସରକାର । ଏହା ସହ ସଂଗ୍ରହ ହୋଇଥିବା ଗୁଆ ଚାଉଳ କଥା ବି ଉଠିବ । ଏହା ସହ ସରକାରୀ ଟଙ୍କାରେ ରାଜନୀତି, ନୂଆ ଓ କାର୍ଯ୍ୟକ୍ରମରେ ନାଚଗୀତ, ନବୀନ ଓଡ଼ିଶାରେ ବିଜେଡି କର୍ମୀଙ୍କୁ ଠିକା କାମ ଦେଇ ସରକାରୀ ପଇସାରେ ରାଜନୀତି କରୁଛି ବିଜେଡି । ଶିକ୍ଷା ଓ ସ୍ଵାସ୍ଥ୍ୟ ବ୍ୟବସ୍ଥା ଭୁଶୁଡ଼ି ପଡ଼ିଛି । ଆଞ୍ଚଳିକ ବୈଷମ୍ୟ,  ଆଇନଶୃଙ୍ଖଳା ବିପର୍ଯ୍ୟସ୍ତ, ବେକାରୀ, ଦରଦାମ ବୃଦ୍ଧି କଥା ବି ଉଠେଇବ । ସେହିପରି ରାଜ୍ୟରେ ବିଜେପି ବିଜେଡ଼ି ଗୋଟାଏ ମୁଦ୍ରାର ଦୁଇ ପାର୍ଶ୍ଵ ଭଳି କାମ କରୁଛନ୍ତି ଏହି ପ୍ରସଙ୍ଗ ଉଠାଇ ଉଭୟ ବିଜେପି ଓ ବିଜେଡିକୁ କଂଗ୍ରେସ ଟାର୍ଗେଟ କରିବ ବୋଲି କହିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।