ନୂଆଦିଲ୍ଲୀ ୦୪/୧୨: ଆମ ଶରୀର ପାଇଁ ଜଳ କେତେ ଗୁରୁତ୍ୱପୂର୍ଣ୍ଣ ତାହା ଆମେ ସମସ୍ତେ ଭଲ ଭାବରେ ଜାଣୁ। ଜଳ ବିନା ଆମ ଜୀବନକୁ କଳ୍ପନା କରିବା ଅସମ୍ଭବ। ଗ୍ରୀଷ୍ମ ଋତୁରେ, ଆମେ ପାଣି ପିଇବା ଉପରେ ବିଶେଷ ଧ୍ୟାନ ଦେଇଥାଉ। କିନ୍ତୁ ଶୀତଦିନେ ଲୋକମାନେ ଏଥିପ୍ରତି ଅସାବଧାନ ହୁଅନ୍ତି ଏବଂ କମ୍ ପାଣି ପିଅନ୍ତି। ସମସ୍ତେ ଭାବନ୍ତି ଶୀତଦିନେ ଆମ ଶରୀର କମ୍ ଜଳ ଆବଶ୍ୟକ କରେ। କିନ୍ତୁ ଏହା ସମ୍ପୂର୍ଣ୍ଣ ଭୁଲ। ଶୀତଦିନେ ଆମେ କେତେ ପାଣି ପିଇବା ଆବଶ୍ୟକ ଆସନ୍ତୁ ଜାଣିବା ସେ ବିଷୟରେ...

ଶୀତଳ ପରିବେଶ ହେତୁ ଆମେ ଶୀତଦିନେ କମ୍ ଶୋଷିଲା ଅନୁଭବ କରୁ । କିନ୍ତୁ ଆମ ଶରୀର ଶୀତଦିନେ ସେତିକି ଜଳ ଆବଶ୍ୟକ କରେ ଯେତିକି ଗ୍ରୀଷ୍ମ ଋତୁରେ କରିଥାଏ। ଗ୍ରୀଷ୍ମ ଋତୁରେ ଆମ ଶରୀରରୁ ଝାଳ ଆକାରରେ ପାଣି ବାହରିଯାଇଥାଏ। ତେଣୁ ଶରୀରକୁ ହାଇଡ୍ରେଟ୍ ରଖିବା ପାଇଁ ଅଧିକ ପାଣି ପିଇଥାଉ, କିନ୍ତୁ ଶୀତଦିନେ ଏହା ହୁଏ ନାହିଁ।

ଆମ ଶରୀରର ମେକାନିଜିମ୍‌ ଏପରି ନୁହେଁ ଯେ ଗ୍ରୀଷ୍ମ ଋତୁରେ ଆମକୁ ଅଧିକ ଏବଂ ଶୀତଦିନେ କମ୍ ପାଣି ପିଇବା ଉଚିତ୍। ଶୀତଦିନେ ମଧ୍ୟ ଆମେ ପ୍ରାୟ ୮ ରୁ ୧୦ ଗ୍ଲାସ୍ ପାଣି ଅର୍ଥାତ୍‌ ୩ ରୁ ୩.୫ ଲିଟର ପାଣି ପିଇବା ଉଚିତ୍ ।