ନୂଆଦିଲ୍ଲୀ,୮।୯:  ଭାରତ ଏବଂ ପାକିସ୍ତାନ ମଧ୍ୟରେ ଏସିଆ କପ୍ ୨୦୨୩ର ତୃତୀୟ ସୁପର ଫୋର୍ ମ୍ୟାଚ୍ ଖେଳାଯିବ।  ଏହି ମ୍ୟାଚ୍ ରବିବାର କଲମ୍ବୋରେ ଅନୁଷ୍ଠିତ ହେବ। ତେ‌ବେ ଏହା ପୂର୍ବରୁ ମ୍ୟାଚ୍‌କୁ ନେଇ ଆସିଛି ଗୁରୁତ୍ୱପୂର୍ଣ୍ଣ ଖବର ଆସିଛି। ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯିବାକୁ ଥିବା ଏହି ମ୍ୟାଚ୍ ପାଇଁ ଏକ ରିଜର୍ଭ ଡେ’ ରଖାଯାଇଛି। ଯଦି ବର୍ଷା ହେତୁ ଏହି ମ୍ୟାଚ୍ ବାତିଲ ହୁଏ ତେବେ ରିଜର୍ଭ ଡେ’ରେ ଏହା ଖେଳାଯିବ। ବର୍ଷା କାରଣରୁ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଇଥିବା ଶେଷ ମ୍ୟାଚ୍ ବାତିଲ କରାଯାଇଥିଲା।

କ୍ରିକ୍‌ ଇନଫୋର ଖବର ଅନୁସାରେ, ଏସିଆ କପ୍‌ ୨୦୨୩ ସୁପର ଫୋରରେ କେବଳ ଗୋଟିଏ ମ୍ୟାଚ୍‌ ପାଇଁ ରିଜର୍ଭ ଡେ’ ରଖାଯାଇଛି। ଭାରତ ଓ ପାକିସ୍ତନ ଭିତରେ ଖେଳା ଯାଇଥିବା ଗତ ମ୍ୟାଚ୍ ବର୍ଷା କାରଣରୁ ସମ୍ପୂର୍ଣ୍ଣ ହୋଇପାରିନଥିଲା। ଏହି କାରଣୁ ଏବେ ଭାରତ-ପାକ୍ ସୁପର ଫୋର ମ୍ୟାଚ୍ ପାଇଁ ରିଜର୍ଭ ଡେ’ ରଖାଯାଇଛି। ସବୁଠାରୁ ବଡ଼ କଥା ଏହା ଯେ, ସୁପର ଫୋର୍‌ରେ ଓ କୌଣସି ମୁକାବିଲା ପାଇଁ ଏଭଳି କରାଯାଇନି।

ଭାରତ-ପାକିସ୍ତାନ ମ୍ୟାଚ୍‌ ରବିବାର କଲୋମ୍ବୋରେ ଖେଳାଯିବ। ଏହି ମ୍ୟାଚ୍‌ ବେଳେ ୯୦% ବର୍ଷା ସମ୍ଭାବନା ରହିଛି। ଯଦି ପାଗ ଭଲ ରୁହେ, ତେବେ ମ୍ୟାଚ୍‌ ସହଜରେ ହୋଇଯିବ। ଯଦି ଅଳ୍ବ ସମୟ ବର୍ଷା ହେବ ତେବେ ଓଭର କାଟ୍‌ ସହିତ ମ୍ୟାଚ୍ ପୁରା ହୋଇପାରିବ। ହେଲେ ଯଦି ମ୍ୟାଚ୍ ରଦ୍ଦ ହୋଇଯାଏ ତେବେ ଏହାପରେ ରିଜର୍ଭ ଡେ’ ରେ ଖେଳ ହେବ। 

ଉଲ୍ଲେଖନୀୟ ଯେ, ଟିମ୍ ଇଣ୍ଡିଆ ସୁପର ଫୋରରେ ତିନୋଟି ମ୍ୟାଚ୍ ଖେଳିବ। ଏହାର ପ୍ରଥମ ମ୍ୟାଚ୍ ପାକିସ୍ତାନ ସହିତ ରହିଛି। ଏହାପରେ ଦ୍ବିତୀୟ ମ୍ୟାଚ୍ ଶ୍ରୀଲଙ୍କା ସହ ଅଛି। ଏହି ମୁକାବିଲା ୧୨ ସେପ୍ଟେମ୍ବରରେ କଲୋମ୍ବୋରେ ଆୟୋଜିତ ହେବ। ଏହାଛଡା ଭାରତ ଓ ବାଂଲାଦେଶ ଭିତରେ ମ୍ୟାଚ୍ ଖେଳାଯିବ। ଏହି ମ୍ୟାଚ୍‌ କଲୋମ୍ବୋରେ ୧୫ ସେପ୍ଟେମ୍ବରରେ ଖେଳାଯିବ। ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ ୧୭ ସେପ୍ଟେମ୍ବରରେ ଖେଳାଯିବ। ଏହି ମୁକାବିଲା କଲୋମ୍ବୋରେ ଆୟୋଜିତ ହେବ।