ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ଚର୍ଚ୍ଚାରେ ଝାଡ଼ଖଣ୍ଡ ରାଜନୀତି ସମୀକରଣ, ହେମନ୍ତ ସୋରେନଙ୍କ ପତ୍ନୀ କଳ୍ପନା ମୁଖ୍ୟମନ୍ତ୍ରୀ ହେବା ସହଜ ନୁହେଁ !

Image Courtesy: tv9hindi

ରାଞ୍ଚି: ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଲାଗି ଅଡ଼ୁଆ ବଢ଼ିବାରେ ଲାଗିଛି । ଏହାରି ମଧ୍ୟରେ ଜମି ଦୁର୍ନୀତି ମାମଲାରେ ସୋରେନଙ୍କୁ ଜେରା କରୁଛି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) । ଯଦି ହେମନ୍ତ ସୋରେନଙ୍କୁ ଇଡି ଗିରଫ କରେ ତେବେ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ତାଙ୍କ ପତ୍ନୀ କଳ୍ପନା ସୋରେନ କିମ୍ବା ପରିବହନ ମନ୍ତ୍ରୀ ଚମ୍ପାଇ ସୋରେନ ହୋଇପାରନ୍ତି । କିନ୍ତୁ କଳ୍ପନା ସୋରେନଙ୍କୁ ମୁଖ୍ୟମନ୍ତ୍ରୀ କରାଇବାକୁ ହେଲେ ହେମନ୍ତ ସୋରେନଙ୍କୁ ବଡ଼ ଚ୍ୟାଲେଞ୍ଜର ସାମ୍ନା କରିବାକୁ ପଡ଼ିପାରେ । କାରଣ କଳ୍ପନା ବିଧାୟକ ହୋଇନଥିବା ବେଳେ ତାଙ୍କୁ ୬ ମାସ ମଧ୍ୟରେ ନିର୍ବାଚିତ ହେବାକୁ ପଡ଼ିବ ।

 ସେପଟେ ଝାଡ଼ଖଣ୍ଡରେ ବିଧାନସଭା ନିର୍ବାଚନ ହେବାକୁ ୧୧ ମାସ ବାକି ଅଛି । ରାଜ୍ୟର ନିର୍ବାଚନ ଆୟୋଗଙ୍କ ନିୟମ ଅନୁସାରେ, କୌଣସି ନିର୍ବାଚନର ଏକ ବର୍ଷ ପୂର୍ବରୁ ଉପନିର୍ବାଚନ ହୋଇପାରିବ ନାହିଁ । ଏଭଳି ସ୍ଥିତିରେ ଯଦି କଳ୍ପନା ସୋରେନଙ୍କ ନାଁ ରାଜଭବନ ଯାଏ ତେବେ ନିର୍ବାଚନ ନେଇ ରାଜ୍ୟପାଳ ନିର୍ବାଚନ ଆୟୋଗଙ୍କ ପରାମର୍ଶ ଲୋଡ଼ିପାରନ୍ତି । ସବୁଠୁ ବଡ଼ କଥା ହେଉଛି, ଜାନୁଆରୀ ୫ ତାରିଖ ପର୍ଯ୍ୟନ୍ତ ଝାଡ଼ଖଣ୍ଡ ବିଧାନସଭାର କାର୍ଯ୍ୟକାଳ ରହିଛି । ତେଣୁ କଳ୍ପନାଙ୍କ ବ୍ୟତୀତ ଅନ୍ୟ ଆଶାୟୀଙ୍କ ନାମ ସାମିଲ କରାଯାଇଥିବା କୁହାଯାଉଛି । 

 କେତେକ ମିଡିଆ ରିପୋର୍ଟ ଅନୁସାରେ, ଆଜି ହେମନ୍ତ ସୋରେନ ପୁଣି ଥରେ ବିଧାୟକଙ୍କ ସହ ବୈଠକ କରିଛନ୍ତି । ଏପରିକି ରାଜନୈତିକ ଅସ୍ଥିରତାକୁ ନିୟନ୍ତ୍ରଣ କରିବା ଉପରେ ବିଚାର ହୋଇଥିବା ଜଣାପଡ଼ିଛି । ହେମନ୍ତ ସୋରେନଙ୍କୁ ଇଡି ୧୦ ଥର ସମନ କରିସାରିଛି । ସୋମବାର ଦିନ ଇଡି ଅଧିକାରୀ ହେମନ୍ତ ସୋରେନଙ୍କ ଦିଲ୍ଲୀ ବାସଭବନରେ ପହଞ୍ଚିଥିବା ବେଳେ ତାଙ୍କର କୌଣସି ପତ୍ତା ମିଳିନଥିଲା । କିଛି ଘଣ୍ଟା ପରେ ମେଲ୍‌ ମାଧ୍ୟମରେ ଜାନୁଆରୀ ୩୧ରେ ଇଡି କାର୍ଯ୍ୟାଳୟରେ ହାଜର ହେବେ ବୋଲି ଜଣାଇଥିଲେ ହେମନ୍ତ ସୋରେନ୍‌ । ତେବେ ଆଜି ହେମନ୍ତ ସୋରେନଙ୍କୁ ପଚରା ଉଚରା ପରେ ଇଡି ଗିରଫ କରିପାରେ ବୋଲି ଚର୍ଚ୍ଚା ଲାଗି ରହିଛି । 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.