ଜୟପୁର,୨୬/୦୨: ସ୍ଥାନୀୟ ଶିଶୁ କଳାକାର ତଥା ନୃତ୍ୟଶିଳ୍ପୀ  ବୈଷ୍ଣବୀ ବେହେରାଙ୍କୁ ଓଡ଼ିଆ ଚଳଚ୍ଚିତ୍ରରେ ମିଳିଛି ସୁଯୋଗ ।  ଚଳଚ୍ଚିତ୍ର ‘ପାୱାର’ରେ ସେ ଅଭିନୟ  କରିବାକୁ ସୁଯୋଗ ପାଇଛନ୍ତି । ଏହି ସିନେମାରେ ଅଭିନେତା ବାବୁସାନ  ଓ ଅଭିନେତ୍ରୀ ଭାବେ ଏଲିନା  ଅଛନ୍ତି। ଫୁଲବାଣୀରେ ଏହାର  ସୁଟିଂ ହେଉଛି । ସିନେମା ସୁଟିଂ  ଚାଲିଥିବାରୁ ଏ ସମ୍ପର୍କରେ ଅଧିକ  ତଥ୍ୟ ଦିଆଯାଉ ନାହିଁ । 

କୋରାପୁଟ  ଭଳି ଉପାନ୍ତ ଜିଲ୍ଲାରୁ ଅଭିନୟ  କରିବାକୁ ବୈଷ୍ଣବୀଙ୍କୁ ସୁଯୋଗ  ମିଳିବା ଗୌରବର କଥା ବୋଲି  ସ୍ଥାନୀୟ କଳାକାରମାନେ କହିଛନ୍ତି । ପୂର୍ବରୁ ସେ ୪ଟି କ୍ଷୁଦ୍ର ଚଳଚ୍ଚିତ୍ର ଓ  ଆଲବମ୍‌ରେ ଅଭିନୟ କରିସାରିଛନ୍ତି ।  ଏଥିସହ ରାଜ୍ୟ ଓ ରାଜ୍ୟ ବାହାରେ  ଆୟୋଜନ ହେଉଥିବା ବିଭିନ୍ନ  ରିୟଲିଟି ସୋ’ରେ ନୃତ୍ୟ କରି  ସେ ପୁରସ୍କୃତ ହୋଇଛନ୍ତି । ଗତ  ଫେବ୍ରୁଆରୀରେ କୋଲକାତାର ଏହ  ରିୟାଲିଟି ସୋ’ରେ ରନର୍ସଅପ ହୋଇ  ୧ ଲକ୍ଷ ଟଙ୍କା ପୁରସ୍କାର ପାଇଥିଲେ ।  ୧୦୦ରୁ ଅଧିକ ରିଲ୍‌ କରି ସେ  ନିଜର ପ୍ରତିଭା ଦେଖାଇଛନ୍ତି । ଆଗାମୀଦିନରେ ବାଉଁଶରାଣୀ, ରାଉଡ଼ି  ଓ ଏମ୍‌ଭି-୭୯ ଚଳଚ୍ଚିତ୍ରରେ ଅଭିନୟ  କରିବା ପାଇଁ ପ୍ରତିଶ୍ରୁତି ମିଳିଛି ।