ନୂଆଦିଲ୍ଲୀ,୧୦।୧୨: ଟିଭି ସାମ୍ବାଦିକା ସୌମ୍ୟା ବିଶ୍ୱନାଥନଙ୍କ ବାପା ଏମ.କେ ବିଶ୍ୱନାଥନଙ୍କ ଶନିବାର ହୋଇଛି ଦେହାନ୍ତ । ସେପ୍ଟେମ୍ବର ୨୦୦୮ ରେ ରାତିରେ କାମରୁ ଘରକୁ ଫେରୁଥିବାବେଳେ ସୌମ୍ୟାଙ୍କୁ  ଜାତୀୟ ରାଜଧାନୀ ଦିଲ୍ଲୀରେ ହତ୍ୟା କରାଯାଇଥିଲା। ଝିଅର ହତ୍ୟାକାରୀଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ ହେବାର ଦୁଇ ସପ୍ତାହ ପରେ ଏବେ ତାଙ୍କ ପିତାଙ୍କର ମୃତ୍ୟୁ ହୋଇଛି। ତାଙ୍କ ଝିଅର ତମ ଜନ୍ମଦିନର ଗୋଟିଏ ଦିନ ପରେ ୮୨ ବର୍ଷୀୟ ଏମ.କେ ବିଶ୍ୱନାଥନଙ୍କର ମୃତ୍ୟୁ ହୋଇଛି।

ଅକ୍ଟୋବର ୨୫ ରେ ସୌମ୍ୟାଙ୍କ ହତ୍ୟାକାରୀମାନେ ଦୋଷୀ ସାବ୍ୟସ୍ତ ହୋଇ ଆଜୀବନ କାରାଦଣ୍ଡରେ ଦଣ୍ଡିତ ହୋଇଥିଲେ। ସେମାନଙ୍କୁ ସାହାଯ୍ୟ କରି ପଞ୍ଚମ ଦୋଷୀ ଅଜୟ ସେଠୀଙ୍କୁ ତିନି ବର୍ଷ ଜେଲ ଦଣ୍ଡାଦେଶ ହୋଇଥିଲା। ଅକ୍ଟୋବର ୧୮ରେ, ରବି କପୁର, ଅମିତ ଶୁକ୍ଲା, ବାଲଜିତ ମଲିକ ଏବଂ ଅଜୟ କୁମାରଙ୍କୁ ଧାରା ୩୦୨, ମହାରାଷ୍ଟ୍ର ସଂଗଠିତ ଅପରାଧ ଏବଂ ନିୟନ୍ତ୍ରଣ  ଆଇନ (MCOCA) ଅନୁଯାୟୀ ଦୋଷୀ ସାବ୍ୟସ୍ତ କରିଥିଲେ। ଏଥି ସହିତ, ଏହି ମାମଲାର ପଞ୍ଚମ ଅଭିଯୁକ୍ତ ଅଜୟ ସେଠୀଙ୍କୁ ଧାରା ୪୧୧ ଏବଂ MCOCA ନିୟମ ଅନୁଯାୟୀ ଦୋଷୀ ସାବ୍ୟସ୍ତ କରାଯାଇଥିଲା।