ଚନ୍ଦାହାଣ୍ଡି: ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅନ୍ତର୍ଗତ ବୋରୀଗୁଡା ଗ୍ରାମ ଠାରେ ନବରଙ୍ଗପୁର ସାଂସଦ ଏବଂ ଝରୀଗାଁ ବିଧାୟକଙ୍କ କରକମଳରେ ଜଗନ୍ନାଥ ମନ୍ଦିରର  ଭିତ୍ତିପ୍ରସ୍ତର ସ୍ଥାପନ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ନବରଙ୍ଗପୁର ସାଂସଦ ଶ୍ରୀଯୁକ୍ତ ରମେଶ ଚନ୍ଦ୍ର ମାଝୀ, ସମ୍ମାନିତ ଅତିଥି ଭାବେ ଝରୀଗାଁ ବିଧାୟକ ପ୍ରକାଶ ମାଝୀ, ଉଠା ଜଳସେଚନ ଉପଦେଷ୍ଟା  ପ୍ରମୋଦ ପାଢ଼ୀ, ବ୍ଲକ ଅଧ୍ୟକ୍ଷା ସୁମିତ୍ରା ପୁଜାରୀ, ଉପାଧ୍ୟକ୍ଷ ବାସୁଦେବ ଗୌଡ଼, ମୋହରା ସରପଞ୍ଚ ଜଳନ୍ଧର ମାଝୀ, ପ୍ରମୁଖ ଯୋଗଦେଇ ଜଗନ୍ନାଥ ମନ୍ଦିରର ଶିଳାନ୍ୟାସର ଶୁଭ ଦେଇଥିଲେ । ଆମ ଓଡିଶା ନବୀନ ଓଡିଶା ତରଫରୁ ୧୦ ଲକ୍ଷ ଟଙ୍କା ଅନୁଦାନ କରାଯାଇଥିଲା । ପ୍ରଥମ ଦିନରେ ହିଁ ଶୁଭକାର୍ଯ୍ୟ ତଥା ନବୀନ ଓଡିଶା ତରଫରୁ ପାଣ୍ଠି ପ୍ରଦାନ କରାଯାଇଥିବାରୁ ମାନ୍ୟବର ମୁଖ୍ୟମନ୍ତ୍ରୀଙ୍କୁ ସାଂସଦ, ବିଧାୟକ ଏବଂ ଉଠା ଜଳସେଚନ ଉପଦେଷ୍ଟା ଶ୍ରୀ ପାଢ଼ୀ ଅଶେଷ ଅଶେଷ ଧନ୍ୟବାଦ ପ୍ରଦାନ କରିବା ସହ ମନ୍ଦିର କାର୍ଯ୍ୟ ଶୀଘ୍ର ସାରିବା ପାଇଁ ଗ୍ରାମବାସୀଙ୍କୁ ଅନୁରୋଧ କରିଥିଲେ । ଏହାଛଡା ମନ୍ଦିର ସମ୍ପୂର୍ଣ ନିମନ୍ତେ ଯଦି ଆହୁରି ଅର୍ଥରାଶି ଦରକାର ପଡେ ତାହେଲେ ନବରଙ୍ଗପୁର ସାଂସଦ ଏବଂ ଝରୀଗାଁ ବିଧାୟକ ନିଜ ପାଣ୍ଠି ପ୍ରଦାନ କରି ଶେଷ କରିବେ ବୋଲି ଗ୍ରାମବାସୀଙ୍କୁ ପ୍ରତିଶୃତି ଦେଇଥିଲେ । ସମସ୍ତ ଗ୍ରାମବାସୀ ତରଫରୁ ସାଂସଦ ଏବଂ ବିଧାୟକଙ୍କୁ କୃତଜ୍ଞତା ଜଣାଇବା ସହ ଅଶେଷ ଅଶେଷ ଧନ୍ୟବାଦ ଜଣାଇଥିଲେ । ଅନ୍ୟମାନଙ୍କ ମଧ୍ୟରେ ପଡୁଲୋଚନ ସାହୁ,  ଦୁତିବାହନ ଖମାରି, ରମେଶ ଚୌହାନ, ଝୁମୁକ ସାହୁ, ପ୍ରଶାନ୍ତ ପରି, ବଳରାମ ପଟ୍ଟନାୟକ ପ୍ରମୁଖ ଉପସ୍ଥିତ ଥିବାବେଳେ ବରୀଗୁଡା ଗ୍ରାମର ସଂଜୀବ ଯୋଶୀ, ଜିତୁ ଯୋଶୀ, ମୁନା ପାଣ୍ଡୀ, ମୁକେଶ ସାହୁ, ଭକ୍ତ ସାହୁ, କିଶୋର ସାହୁ, ମିଳନ ସାହୁ, ବାଲାଜୀ ପାଣ୍ଡୀ, ପ୍ରଭୁଲାଲ ସାହୁ, ଚନ୍ଦ୍ର ସିଂ,ରବୀନ୍ଦ୍ର, ରାମେଶ୍ୱର, ତୁଲାରାମ ସାହୁ, ରାମଲାଲଙ୍କ ସମେତ ମହିଳା ମାନେ ମଧ୍ୟ ଉପସ୍ଥିତ ଥିଲେ ।