ନୂଆପଡ଼ା/କୋମନା ୧୯/୦୧: ବୁଧବାର ପୁରୀ ଶ୍ରୀକ୍ଷେତ୍ରରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକର୍ପଣ ହୋଇଛି । ଏଥିପାଇଁ ସମଗ୍ର ଓଡ଼ିଶାବାସୀ ଜଗନ୍ନାଥଙ୍କ ପ୍ରେମରେ ଉବୁଟୁବୁ ହେଉଛନ୍ତି । ଏହି ଜଗନ୍ନାଥମୟ ପରିବେଶରେ ନୂଆପଡ଼ା ଜିଲ୍ଲା କୋମନାରେ ଏକ ରୁଟିରେ ଜଗନ୍ନାଥଙ୍କ ଛବି ଦେଖିବାକୁ ମିଳିଛି । 

 ଗୁରୁବାର ସକାଳେ କୋମନା ଦେବେନ୍ଦ୍ର ସାଗର ଦୁରିଆଙ୍କ ଘରେ ଜଳଖିଆ ପାଇଁ ରୋଟି ତିଆରି କରୁଥିଲେ । ରୋଷେଇ ଶାଳରେ ହଠାତ୍‌ ଏକ ରୁଟିରେ ଶ୍ରୀଜଗନ୍ନାଥଙ୍କ ପ୍ରତିଛବି ଦେଖିବାକୁ ମିଳିଥିଲା ।  ଏହାକୁ ଦେଖି ପରିବାର ଲୋକେ ଆଶ୍ଚର୍ଯ୍ୟ  ହୋଇଯାଇଥିଲେ । ଏକଥା ପ୍ରଚାରିତ ହେବାରୁ  ଜଗନ୍ନାଥ ପ୍ରେମୀ ଓ ଲୋକଙ୍କ ଭିଡ଼ ଲାଗିଥିଲା  ା ରୋଟିରେ ଭଗବାନ ଜଗନ୍ନାଥଙ୍କ ଆବିର୍ଭାବ ହୋଇଥିବା ଲୋକେ ବିଶ୍ୱାସ କରିଥିଲେ ।  ଶ୍ରୀ ଜଗନ୍ନାଥଙ୍କ ସହ ଭକ୍ତଙ୍କ ଭାବାବେଗ ଜଡ଼ିତ ହୋଇ ରହିଛି । ଏଣୁ ରୁଟିକୁ ସାଇତି ରଖିବା ସହ ଲୋକେ ପୂଜାର୍ଚ୍ଚନା କରି ଦର୍ଶନ କରିଥିଲେ । ମହାପ୍ରଭୁ ଜଗନ୍ନାଥ ରୋଟିରେ ଭକ୍ତଙ୍କୁ ଦର୍ଶନ ଦେଉଛନ୍ତି ବୋଲି ଆସ୍ଥା ଓ  ବିଶ୍ୱାସ ଜନ୍ମିଛି । ଏଭଳି ଦିନତମାମ ରୁଟିରେ  ଭଗବାନଙ୍କ ଛବି ଦେଖିବାକୁ କୋମନା ସମେତ  ଆଖପାଖ ଅଞ୍ଚଳର ଲୋକଙ୍କ ଭିଡ଼ ଜମିଥିଲା ।

Also Read :-

ପାଟି ଖୋଲା ରଖି ଶୋଇବା କ୍ଷତିକାରକ, ହୋଇପାରେ ଅନେକ ଗମ୍ଭୀର ରୋଗ