ଲଣ୍ଡନ,୧୪/୦୯: ମୃତ୍ୟୁ ପରବର୍ତ୍ତୀ ଅନୁଭୂତି ସଂପର୍କରେ ଜଣେ ବ୍ରିଟିଶ୍ ଷ୍ଟେଜ୍ ଅଭିନେତା ବିସ୍ତୃତ ଭାବେ ଜଣାଇଛନ୍ତି । ଯଦିଓ ଏଭଳି ଦାବିରେ କୌଣସି ସତ୍ୟତା ଥିବା ଭଳି ମନେହୁଏ ନାହିଁ ତଥାପି ସେ ନିଜର ବ୍ୟକ୍ତିଗତ ଅଭିଜ୍ଞାତା ଗଣମାଧ୍ୟମକୁ କହିଛନ୍ତି । ୬୦ ବର୍ଷୀୟ ଶିବ୍ ଗ୍ରେଓ୍ବାଲ ପ୍ରାୟ ୧୦ ବର୍ଷ ପୂର୍ବେ ମୃତ୍ୟୁବରଣ କରିଥିଲେ ଏବଂ ପ୍ରାୟ ୭ ମିନିଟ୍ ପରେ ପୁର୍ନଜୀବନ ପାଇଥିଲେ ବୋଲି ଦାବି କରିଛନ୍ତି । ଏନେଇ ବିଭିନ୍ନ ଗଣମାଧ୍ୟମରେ ଚର୍ଚ୍ଚା ହୋଇଆସିଛି । ନିକଟରେ ଶିବ୍ ଗ୍ରେଓ୍ବାଲ ଏକ ଗଣମାଧ୍ୟମକୁ ପୁଣି ଥରେ ନିଜର ଏହି ମୃତ୍ୟୁ ପରବର୍ତ୍ତୀ ଅଭିଜ୍ଞତା ସଂପର୍କରେ କହିଛନ୍ତି ।
ବିଶ୍ବ ଅର୍ଥନୀତିକୁ ପ୍ରଭାବିତ କରୁଛି ଚୀନ୍ ଇକୋନୋମି, କ୍ଷତିରେ ଚାଲିଛି ରିୟଲ୍ ଇଷ୍ଟେଟ୍ ବ୍ୟବସାୟ
ଫେବୃଆରୀ , ୨୦୧୩ରେ ଶିବ୍ ଗ୍ରେଓ୍ବାଲ ଦକ୍ଷିଣ ଲଣ୍ଡନରେ ଥିବା ତାଙ୍କ ଘରେ ଖାଇସାରିବା ପରେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ଏହା ଦେଖି ତାଙ୍କ ପିତ୍ନୀ ଏଲିସନ୍ ଆମ୍ବୁଲାନ୍ସକୁ ଫୋନ୍ କରି ଜଣାଇଥିଲା । ହେଲେ ଆମ୍ବୁଲାନ୍ସ ଆସିବା ବେଳକୁ ଶିବ୍ ଗ୍ରେଓ୍ବାଲଙ୍କ ଜୀବନ ଚାଲିଯାଇଥିଲା । ଗ୍ରେଓ୍ବାଲ କହିଛନ୍ତି ଯେ, ‘ଏହା ପରେ କୌଣସି ମତେ ଜଣାଥିଲା ମୋର ମୃତ୍ୟୁ ହୋଇସାରିଛି । ଆଉ ମୋର ଶରୀର ଏକଦମ ଶୂନ୍ୟରେ ରହିଲା ଭଳି ଲାଗୁଥିଲା ।’ ସେ ନିଜ ଶରୀରରୁ ଅଲଗା ହୋଇଯାଇଥିଲେ ବୋଲି ଅନୁଭବ କରିଥିଲେ । ହେଲେ ସେ ଜୀବିତ ମଣିଷ ଭଳି ଭାବନା ଏବଂ ସମ୍ବେଦନଶୀଳତାକୁ ଅନୁଭବ କରିପାରୁଥିଲେ । ସେ ଆହୁରି କହିଛନ୍ତି, ‘ମୋ ପାଖରେ ଶରୀର ନଥିଲା । ପାଣିରେ ଭାସିଲା ଭଳି ମୋତେ ଲାଗୁଥିଲା । ଏପରିକି ମୁଁ ଚନ୍ଦ୍ରରେ ଯାତ୍ରା କରୁଥିଲି । ଉଲକାପିଣ୍ଡ ଏବଂ ମହାକାଶକୁ ଦେଖୁଥିଲି ।’
କିନ୍ତୁ ସବୁଠୁ ଆଶ୍ଚର୍ଯ୍ୟର କଥା ହେଉଛି, ଶିବ୍ ଗ୍ରେଓ୍ବାଲଙ୍କୁ ଚନ୍ଦ୍ର ଏବଂ ମହାକାଶ ଦେଖାଯାଉଥିଲା ସତ ହେଲେ ସେ ପୂର୍ବାବସ୍ଥାକୁ ଫେରିବାକୁ ଚାହୁଁଥିଲେ । ଏତିକି ବେଳେ ଏକ ଆମ୍ବୁଲାନ୍ସ ଆସିଲା ଆଉ ଡାକ୍ତର ତାଙ୍କର ହୃଦୟକୁ ପୁଣି ଥରେ ଚାଲୁ କରିଦେଲେ ବୋଲି ଶିବ୍ ଗ୍ରେଓ୍ବାଲ କହିଛନ୍ତି । ହେଲେ ମସ୍ତିଷ୍କରେ ଅମ୍ଳଯାନର ମାତ୍ରା କମ୍ ଥିବାରୁ ତାଙ୍କୁ ଡାକ୍ତରମାନେ ଏକ ମାସ କୋମାରେ ରଖିବାକୁ ନିଷ୍ପତ୍ତି ନେଇଥିଲେ । ଆଜି ପର୍ଯ୍ୟନ୍ତ ସେହି ଭୟଙ୍କର ଅନୁଭବକୁ ଭୁଲି ପାରିନାହାନ୍ତି ଶିବ୍ ଗ୍ରେଓ୍ବାଲ । ଏବେ ସେ ନିଜର ସେସବୁ ଅଭୁଲା ଅନୁଭବ ଡକ୍ୟୁମେଣ୍ଟ କରି ପ୍ରଦର୍ଶନୀର ଆୟୋଜନ କରୁଛନ୍ତି ।
You can also read: ବଲିଉଡ ଅଭିନେତା ରିଓ କାପାଡିଆଙ୍କ ପରଲୋକ, ୬୬ ବର୍ଷରେ ଦୁନିଆକୁ କଲେ ଅଲବିଦା
