ନୂଆପଡ଼ା,୨୭/୧୧: ରାଜ୍ୟ  ସରକାରଙ୍କ ଯୋଜନା ଓ ସଂଯୋଜନା ମନ୍ତ୍ରୀ ରାଜେନ୍ଦ୍ର ଢୋଲକିଆ ସୁସ୍ଥ ହୋଇ ଘରକୁ  ଫେରିଛନ୍ତି । ଶ୍ୱାସ ନେବାରେ ଅସୁବିଧା ହେବାରୁ ସେ ଗତ ୧୭ ତାରିଖରୁ  ରାୟପୁରର ଏକ ଘରୋଇ ହସ୍ପିଟାଲର  ଆଇସିୟୁରେ ଭର୍ତ୍ତି ହୋଇ ଚିକିତ୍ସିତ ହେଉଥିଲେ । 

ପ୍ରକାଶଥାଉକି, ଗତ ୧୭ ତାରିଖରେ ମନ୍ତ୍ରୀ ଢ଼ୋଲକିଆ ଅସୁସ୍ଥ ହେବାରୁ ପରିବାର ଲୋକେ ତାଙ୍କୁ ରାୟପୁରସ୍ଥିତ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ସ୍ୱାସ୍ଥ୍ୟ ପରୀକ୍ଷା କରିବାରୁ ମନ୍ତ୍ରୀଙ୍କ ଶ୍ୱାସ ନଳୀରେ ପାଣି ଜମା ହୋଇଥିବା ଡାକ୍ତର କହିଥିଲେ। ମଧ୍ୟାହ୍ନରେ ମନ୍ତ୍ରୀଙ୍କ ଶ୍ୱାସ ନଳୀରୁ ପାଣି  କଢ଼ାଯାଇଥିଲା । ସେଠାରେ ମନ୍ତ୍ରୀଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରୁ ଆଇସିୟୁରେ  ଭର୍ତ୍ତି କରିଥିଲେ । ଏହାର ଦୁଇ ଦିନ  ପରେ ମନ୍ତ୍ରୀ ଟିକେ ସୁସ୍ଥ ହେବାରୁ  ଆଇସିୟୁରୁ ବାହାର କରିଥିଲେ । ସେହିପରି ଗତ ବର୍ଷେ ହେବ ମନ୍ତ୍ରୀ ପାଦରେ ଫ୍ରାକ୍‌ଚର ହୋଇଥିଲା ।  ଗତକାଲି ସୁସ୍ଥ ହୋଇ ମନ୍ତ୍ରୀ ଶ୍ରୀ ଢୋଲକିଆ  ଖରିଆରରୋଡ଼ସ୍ଥିତ ନିଜ ବାସଭବନକୁ ଫେରିଛନ୍ତି ।