ଝାଡ଼ଖଣ୍ଡ ୦୩/୧୨: ଝାଡ଼ଖଣ୍ଡ ସରକାରଙ୍କ ଶ୍ରମ ନିଯୁକ୍ତି ଏବଂ ଦକ୍ଷତା ବିକାଶ ମନ୍ତ୍ରୀ ସତ୍ୟାନନ୍ଦ ଭୋକ୍ତା। ତାଙ୍କ ପୁଅ ମୁକେଶ କୁମାର ଭୋକ୍ତା ଏବେ ପିଅନ କାମ କରିବେ । ଏହି ପଦବୀ ପାଇଁ ସେ ହୋମ୍ ଡିଷ୍ଟ୍ରିକ୍ ଚତରା ସିଭିଲ୍ କୋର୍ଟରେ ମନୋନୀତ ହୋଇଛନ୍ତି। ଚତରା ସିଭିଲ କୋର୍ଟର ଚତୁର୍ଥ ଶ୍ରେଣୀର କର୍ମଚାରୀଙ୍କ ନିଯୁକ୍ତି ପାଇଁ ଏକ ଖାଲି ସ୍ଥାନ ଥିଲା। ଯେଉଁଥିରେ ମୋଟ ୧୯ ଜଣ ପ୍ରାର୍ଥୀଙ୍କୁ ଚୟନ କରାଯାଇଛି। ଏଥିରେ ମନ୍ତ୍ରୀ ସତ୍ୟାନନ୍ଦଙ୍କ ପୁଅ ମୁକେଶ କୁମାରଙ୍କ ନାମ ୧୩ ନମ୍ବରରେ ରହିଛି। ତାଙ୍କୁ ଏସଟି କୋଟା ଅନୁଯାୟୀ ଚୟନ କରାଯାଇଛି।
ମନ୍ତ୍ରୀଙ୍କ ପୁଅଙ୍କ ବ୍ୟତୀତ ତାଙ୍କ ପୁତୁରା ରାମଦେବ ଭୋକ୍ତା ମଧ୍ୟ ଏହି ପଦ ପାଇଁ ଆବେଦନ କରିଥିଲେ। ତାଙ୍କ ନାମ ମଧ୍ୟ ୱେଟିଂ ଲିଷ୍ଟରେ ଅଛି । କହିବାକୁ ଗଲେ ମନ୍ତ୍ରୀ ପୁଅ ମୁକେଶଙ୍କର ଗତ ବର୍ଷ ଧୁମ୍ଧାମରେ ବିବାହ କରିଥିଲେ। ଏଥିରେ ସିଏମ୍ ହେମନ୍ତ ସୋରେନ୍ ମଧ୍ୟ ଆସିଥିଲେ । ବର୍ତ୍ତମାନ ମନ୍ତ୍ରୀଙ୍କ ପୁଅ ଚତୁର୍ଥ ଶ୍ରେଣୀ ପଦବୀ ଗ୍ରହଣ କରୁଥିବା ନେଇ ସୋସିଆଲ ମିଡିଆରେ ବିଭିନ୍ନ ପ୍ରକାରର ଆଲୋଚନା ଚାଲିଛି।
ସତ୍ୟାନନ୍ଦ ଭୋକ୍ତା ହେଉଛନ୍ତି ଚତରା ବିଧାନସଭା ଆସନରୁ ଆରଜେଡି ବିଧାୟକ। ୨୦୧୯ରେ ତାଙ୍କୁ ହେମନ୍ତ ସୋରେନଙ୍କ ନେତୃତ୍ୱାଧୀନ ମିଳିତ ସରକାରରେ ଏହି ବିଭାଗର ମନ୍ତ୍ରୀ କରାଯାଇଥିଲା। ଭୋକ୍ତା ଏପର୍ଯ୍ୟନ୍ତ ତିନିଥର ବିଧାୟକ ଭାବରେ ନିର୍ବାଚିତ ହୋଇଛନ୍ତି ଏବଂ ତୃତୀୟ ଥର ପାଇଁ ମନ୍ତ୍ରୀ ମଧ୍ୟ ହୋଇଛନ୍ତି। ଆରଜେଡି ପୂର୍ବରୁ ସେ ବିଜେପି ଏବଂ ଝାଡଖଣ୍ଡ ବିକାଶ ମୋର୍ଚ୍ଚାରେ ଥିଲେ।
