ମହାକାଳପଡ଼ା,୦୨/୦୨:  କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା  ବ୍ଲକ୍‌ ଖୁରୁସିଆପାଟ ଗ୍ରାମରେ ଗୁରୁବାର ଜଣେ କୁନି ଭଲିବଲ  ଖେଳାଳିଙ୍କ ହୃଦ୍‌ଘାତରେ  ପରଲୋକ ହୋଇଛି ।  ଏନେଇ ସ୍ଥାନୀୟ ଅଞ୍ଚଳରେ  ଶୋକ ଖେଳିଯାଇଛି ।  

ଘଟଣାରୁ ପ୍ରକାଶ, ଖୁରୁସିଆପାଟ ଗ୍ରାମର ସଚ୍ଚିକାନ୍ତ ସୂତାରଙ୍କର ସାନପୁଅ ସତ୍ୟଜିତ (୧୪) କପିଳେଶ୍ୱର ଉଚ୍ଚ ବିଦ୍ୟାଳୟରେ  ନବମ ଶ୍ରେଣୀରେ  ପାଠ ପଢ଼ୁଥିଲେ । ଗୁରୁବାର ସକାଳେ ସେ ବଡ଼ଭାଇଙ୍କ ସହ ଦୌଡ଼ ଅଭ୍ୟାସ କରିବା ପାଇଁ ନୀଳାଚଳ ବଜାର ପର୍ଯ୍ୟନ୍ତ ଯାଉଥିବା ସମୟରେ ମଝି ରାସ୍ତାରେ ଅସୁସ୍ଥତା ଅନୁଭବ କରିଥିଲେ । ତାଙ୍କୁ ତୁରନ୍ତ ପାରାଦୀପ  ଅଠରବାଙ୍କି ଡାକ୍ତରଖାନାକୁ ଚିକିତ୍ସା ପାଇଁ ନିଆଯାଇଥିଲା  ା ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।  ସତ୍ୟଜିତ୍‌ ଭଲିବଲ ଖେଳରେ ଖୁବ୍‌ ପାରଦର୍ଶୀ ଥିଲେ ।  ମହାକାଳପଡ଼ା ଅଞ୍ଚଳରେ ସେ କୁନି ଭଲିବଲ୍‌ ତାରକା  ଭାବେ ଜଣାଶୁଣା । ଏହି ଖବର ପାଇବା ପରେ  ବିଦ୍ୟାଳୟରେ ହେବାକୁ ଥିବା ବାର୍ଷିକ କ୍ରୀଡ଼ା ଉତ୍ସବକୁ  ବାତିଲ କରି ଦିଆଯାଇଛି । ସଚ୍ଚିକାନ୍ତଙ୍କ ଉଦ୍ଦେଶ୍ୟରେ ବିଦ୍ୟାଳୟରେ ଶୋକସଭା ପାଳନ କରାଯାଇଛି ।  ଏଥିସହିତ ବିଦ୍ୟାଳୟରେ ପାଠପଢ଼ା ମଧ୍ୟ ବନ୍ଦ ରହିଥିଲା ।