ବ୍ରହ୍ମବରଦା, ୦୭/୧୨ : ମେଣ୍ଢା ଫାର୍ମ ହାଉସରେ ନିଆଁ ଲଗାଇଦେଲେ ଦୃର୍ବୃତ୍ତ। ଯାଜପୁର ଜିଲ୍ଲା ରସୁଲପୁର ବ୍ଲକ ବ୍ରହ୍ମବରଦା ଅଞ୍ଚଳରେ ଏଭଳି ଅଭାବନୀୟ ଘଟଣା ଘଟିଛି। ଏନେଇ ଫାର୍ମର ମାଲିକ ତସଲିମ୍ ଖାଁ ବ୍ରହ୍ମବରଦା ଥାନାରେ ଅଭିଯୋଗ କରିଛନ୍ତି। ୨୧ଟି ମେଣ୍ଢା ଗୁରୁତର ହୋଇଥିବା ଜଣାପଡ଼ିଛି। 

ସୂଚନାନୁଯାୟୀ, ତସଲିମ୍ ବ୍ରହ୍ମବରଦା ଦାଣ୍ଡି ଅଞ୍ଚଳରେ ଏକ ମେଣ୍ଢା ଫାର୍ମ ହାଉସ କରିଥିଲେ। କେହି ଦୁର୍ବୃତ୍ତ ବୁଧବାର ବିଳମ୍ବିତ ରାତିରେ ଫାର୍ମ ହାଉସର ତାଲା ଭାଙ୍ଗି ଭିତରେ ପଶି ମେଣ୍ଢା ଦେହରେ ନିଆଁ ଲଗାଇ ଦେଇଥିଲେ। ମେଣ୍ଢା ଗୁତିକ ଗୁରୁତର ଆହତ ହୋଇ ବୋବେଇବାକୁ ଆରମ୍ଭ କରିଥଲେ। ଘଟଣାସ୍ଥଳରେ ମାଲିକ ପହଞ୍ଚି ମେଣ୍ଢା ଗୁଡ଼ିକ ଜଳୁଥିବା ଦେଖିଥିଲେ। ଏହି ଘଟଣାରେ ୨୧ଟି ମେଣ୍ଢା ଗୁରୁତର ହୋଇଛନ୍ତି। ଏନେଇ ଫାର୍ମର ମାଲିକ ତସଲିମ୍ ଖାଁ ବ୍ରହ୍ମବରଦା ଥାନାରେ ଅଭିଯୋଗ କରିଛନ୍ତି।